- تعرف إن الصحابة كانوا بيعبدوا ربنا حتى وهما نايمين؟
ده إزاي؟ 😳
- بص ياسيدي الصحابة كانوا حريصين جدًا إنهم ميضيعوش أي فرصة تقربهم من ربنا فكانوا قبل ما يناموا كل واحد فيهم كان بيعقد النيَّة إن نومه ده " تقوية ليه على العبادة عشان يعرف يكمل تعبد "
يعني إيه برضو؟
يعني حضرتك قبل ما تنام هتنوي نيَّة إن نومك ده مش مجرد شوية هتنامهم وخلاص بل إنه راحة هتاخدها عشان تقويك على العبادة أو شغل البيت أو الدراسة، يعني من الآخر مش هتنام بنيَّة النوم، هتنام بنيِّة العمل الصالح اللي هتعمله بعد ما تصحى.
وبكدا طول فترة نومك هتاخدها كلها حسنات ♥
نومك بنيِّة العمل الصالح = عبادة كلها حسنات.
فمتضيعش ولا لحظة في رمضان إلا وأنت ناوي نيّة تعبد فيها ربنا حتى النوم.
ودايمًا حط حديث الرسول صلى الله عليه وسلم ده قدامك:
" نية المؤمن أبلغ من عمله ." ♥
جعلنا الله جميعًا من عتقاء هذا الشهر المُبارك ♥.
