بقلم الكاتبه
سعديه الساعدي
" دارجع لنقطة الصفر بكل مره اكول تخطيتها "
وصلنه الصبح البغداد وما عدنه مكان انروحله فقدنه بابا وبيتنه وفلوسنه
ضلينه كاعدين بشارع انفكر وين نروح منو يتقبلنه هوه الاهل مارودنه الغريب يريدنه
بنين:ماما هسه وين نروح
أمي: والله مادري وين نروح ماعدنه احد
بنين:يمهه ليش منروح البيت الجنتي مأجرته بعدين هوه بيت تعبان منو يقبل نكعد بي
أمي:لعد يلهه كومي وين والله يقبل الرجال
بنين:يمهه انته تندلين بيت الرجال
أمي:يي يمهه اندله
بنين:لعد يله امشي
رحنه البيت الرجال دكينه للباب طلع مستغرب من وجودنه وبهيج وقت
أمي: السلام عليكم
الرجال: وعليكم السلام خيركم تردون شئ
أمي: والله ياا يمهه اهل زوجي طردونه وماعدنه بكان نروحله اذا محد كاعد بل بيتك ذاك بلكت تنطيه المفتاح نكعد بي
الرجال: تمام بس والفلوس
أمي: والله بس خل نكعد بل بيت الجهال ماتوا من البرد واني اشتغل وادفعلك
الرجال اتفهم الوضع وقبل
الرجال:بس تره البيت وصخ لأن صارله فتره متروك
أمي:يي يمهه ميخالف احنه انضفه
انطانه المفتاح ورحنه للبيت
دخلناه لكيناه كلهه تراب
اباوع على امي وجههه تعبان من الهم حقهه
بنين:ماما اني راح انضف الغرفه علمود الجهال ينامون
أمي:يي يمهه روحي
رحت انضف الغرفه وفراشنه باقي الزلمه ماشايله انضفته وفرشته وناموا
رحت لامي لكيتها تنضف بل مطبخ
بنين:روحي ماما نامي اني انضف
امي:لا روحي نامي انتي تعبانه
بنين:لا ماما اني متعبانه انتي تعبانه روحي
أمي: تمام لعد من تكملين نامي
بنين:يي
راحت امي واني نضفت للبيت ورحت نمت
كعدت الصبح
لكيت ماما تضفر اختي
بنين:صباح الخير
أمي:صباح النور روحي ضميتلج ريوك روحي تريكي
استغربت شنوو منين جابت
بنين:ماما منين جبتي واحنه فلس ماعدنه
امي:هذوال جوارينه بيت ام قاسم همه جابولنه من عرفوا رجعنه
بنين:يي والله زين طلع من عدهم شي
YOU ARE READING
شمعه في الضلام
Randomصريخ. صراع. هروب من الواقع. اصوات اقدام ركض رجفت ايدي توضح كل مخاوفي انا منو انا التي قتلوا والدتها كدام عينها وقد جار البحث عنا علمود يدفنوني.
