Won't Say I'm In Love (BxB, SHORT STORY/COMPLETED)

Kabanata 18

KABANATA 18 

ㅤㅤㅤㅤITO NA NGA ba ang sinasabi ni Aaron, e. Ang awkward ng lakad nila nina Ridge dahil iyong kapatid nya, panay ang likot ang pagkukwento tungkol sa kanya kay Easton. Okay sana kung puro puri lang kaso iyong iba, puro paninira kahit hindi naman talaga nya ginagawa e. Panay tuloy ang singit nya sa usapan ng mga ito ta’s natatawa lamang siyang titignan ni Easton.

Alam nya kung anong ginagawa ni Ridge kaya sisiguruhin nyang hindi nya sasarapan iyong luto nya mamaya.

Lalo na noong nakarating sila sa shop at iniwanan silang dalawa ni Easton ni Ridge dahil ito lang daw ang may alam kung ano ang magandang tela rito? Edi wow. Hihiwalay sana siya kay Easton pero hinawakan nito ang braso nya bago pa siya makaalis ‘tsaka ito sumama sa kanya.

Hindi kalakihan iyong shop pero sa hindi nya malamang dahilan e hindi nya rin makita ang nakababatang kapatid. Saan naman kaya nagsuot ang isang iyon?

“Pupwede ka na bumitaw,” aniya kay Easton na hindi ito pinapasadahan man lang ng tingin.

Mula sa gilid ng mga mata nya, habang pinagmamasdan nya iyong mga butones at laso na naka-display, nakita nya ang pagbaling sa kanya ng binata. Bagamat hindi nya malinaw na nakikita ang mukha nito, alam nyang nakasimangot ang binata nito.

“E pa’no kung ayaw kong bumitaw?” paghahamon naman ni Easton.

Bumuntong hininga siya’t dinala ang mga mata sa pigura nito. It’s been a while since they met—nag-glow up ba si Easton? Hindi ba dapat e mas mukha itong stressed dahil OJT nila? Bakit parang siya lang ang malalim ang eyebags? Unfair.

Tinaasan nya ng isang kilay ang binata. “Nirerespeto kita pati iyong bago mong boyfriend kaya hangga’t maaari, distansya naman.”

Easton’s eyebrow twitched and he pulled Aaron closer. Dahil hindi rin nya inasahan ang biglaang paghila nito, mas lalo siyang napadikit sa binata. The next thing he knew, Easton’s face was close to his.

Mabilis siyang lumayo rito ‘tsaka naman nagsalita ang binata.

“No, ‘di kita bibitawan. Last time na binitawan kita, halos two months kitang ‘di nakita.” Easton flashed him a threatening smile and for some reason, Aaron felt scared. “Isa pa, wala akong boyfriend! Everything was a misunderstanding. ‘Di ko alam na may nag-send no’n sa akin while I was inactive sa socmed ko!”

Naninigkit ang mga matang pinagmasdan nya ang binata. “Trip mo ba ako? E nag-thank you pa nga iyong boyfriend mo sa akin.”

Nainis pa nga siya noong ni-replyan pa siya e. Hindi nya kailangan iyon.

Before Aaron could start reminiscing, nabigla siya nang biglang kurutin ni Easton ang braso nya. He yelped but when he realized how loud his voice was, he immediately covered his mouth and looked around. Of course, he stole some attention but they quickly went back on their business with a frown.

Bwisit itong si Easton!

“Hindi ko nga sabi boyfriend ‘yon,” muling pagdi-deny ng binata. Mas mariin ang pagkakasabi nito sa pagkakataong iyon.

Aaron let out an ‘urk’-sound and resigned. “Oo na, ‘di mo na boyfriend. So, ba’t nya sinend ‘yon? Sabi mo ‘di mo alam e nangyari ‘yon ilang linggo pagkatapos kita i-reject. Para lang ipakita na naka-move on ka saglit?”

“I’m not that petty anymore.”

“Edi ano ‘yon?”

“Hindi ko nga alam. This boy was my childhood friend and he said that I promised to be in a relationship with him if he returns from overseas. ‘Di ko na maalala iyong pangakong ‘yon.”