بيت خالي

#البارتات1_2_3

#بيت_خالي

#البارت الاول

جمانه السعيدي

اني رحمه  مواليد ٩١ اني من مدينة بغداد
وحيدة امي وابوي
ماعندي عمام  بس عمات ثنيين ومزوجات  ناس مو اقارب بابا ناس غربه وكل وحده بمحافظه
وعندي خال وخاله    خالي كلش كلش حنيين يعني فوك ماتتصورن  ويموت على خواته
يحبهن بطريقه مامعقوله
مايفوت يوم مايسئل عنهن لو يذكرهن
يكول امي وصتني ببهن
خالي بيته بأطراف بغداد   واحنا بيتنا بلوزيريه
منطقتنا كلش حلوه
جمانه السعيدي
خالي عنده ثنيين ولد    همام الجبير   اكير مني باربع سنوات  وأكرم اكبر مني بسنتين
بابا موضف بلمصرف   وماما موضفه بلبريد
حياتنا كلش حلوه
وماناقصنا اي شي  بلعكس ناكل احسن اكل  ونطلع ونتونس
وبيتنا ملك والحمد لله
خلصت ثالث متوسط   وبديت استعد  للاعداديه واني احس نفسي كبرت
اني جسمي حلو  رشيفه ملامحي طفوليه
وجهي دائري  وعندي خدود  وغمازات  عيوني حلوات
صاحبت رموش كثيفه شعري حلو
شكلي كلش متناسق
بس ملامحي طفوليه اكثر ما اتكون انثويه
بيوم  خالي اتصل على امي وكال اكو قطع اراضي جاي تنباع
يمنا واسعارها كلش معقوله
ماتاخذون قطعه واذا ماعجبكم المكان
تكدرون تبيعوها بعد فتره
اكيد اسعار الاراضي  جاي تصعد ماتنزل
امي..خل يجي ابو رحمه واكله واشوف شيكول بكيفه
جمانه السعيدي
من رجع بابا بيومه وامي اقترحت علي الفكره
قرر نروح كلنا بسيارة بابا نشوف المكان ونمر على بيت خالي نبات يمهم ليله ونرجع ثاني يوم
يتأكد و يشوفون المكان   واذا الموقع زين يشترون قطعه ارض   كضمان
وبعد فتره يبيعوها من يصعد سعرها
كنوع من التجاره
اني ماقبلت اروح وياهم بيومها
رحمه ...اوي شكو رايحه ارض صحراء قابل شكو هناك مثلا
ماما ..نمر بيت خالج ونبات عدهم ليله نغير جو
رحمه...ماليه خلك  اريد انام بعدين خالي شكو بيتهم
مااروح
بابا...عوفيه براحته انروح انشوف المكان  ونرجع حتى بيت ابو همام مانروح الهم   نرجع البيتنا
ابقي بابا  احنا نروح ونرجع
جمانه السعيدي
المهم  اني بقيت بلبيت  وحدي
لان هنا ساعتين زمان يوصلون  وساعتين يرجعون  
اني ماعليه شي ابقه بلبيت وحدي 
فعلا راحوا واني سبحت ودخلت نمت

بس هذا اليوم كان اسوء يوم بحياتي
اهلي قبل لايوصلون للمكان تعرضو الحادث وماتو امي وابوي
وهم يمشون طالع الهم واحد صفح بابا رايد يتخلص
منه  راجع الجهه الثانيه وتكرمون اكو دابه ميته
صايره كباله
السياره صعدت على الدابه وطارت بلجو
  ووكعت  بلكاع  وبقت تمشي بلمكلوب منا النهاية الشارع لمن انصدمت  بعمود الكهرباء
واشتعلت النار بيه
محد كدر يطلعهم من السياره
كم سايق سياره  حاولو يطفون النار
بطفاية الحريق
بس بعد مااحتركت أجسامهم بلكامل 
جمانه السعيدي
خالي جان على تواصل وياهم
لمن انكطع الاتصال بينهم كانو على مسافه قريبه على ببت خالي تقريبا الف متر  من صار الحادث
التليفون الشغله الوحيده الطلعة سالمه
لان امي بوقته جانت تتصل بخالي ومن اثر الحادث التليفون انشمر بعيد عنه
الناس الي اجتمعت على الحادث   لكو التليفون مشمور مسافه عن السياره
اخذو التليفون واتصلو بااخر مكالمه
اخر مكالمه جانت ويااا خالي
اتصلو بخالي  حتى يبلغونه بلحادث
خالي تخبل كام يركض مثل المجنون جان يعتقد اني وياهم
وصل وكام يلطم على راسه
عائله كامله ماتت
كلهم ماتو لا يربي  ليش هيج
لمن وصلت الإسعاف  حتى اطلع الجثث
هو جان واكف ومنهار من البجي مايشوف دربه
يلطم على راسه
كله بسببي   اني الي جبتهم اني الي كتلهم تعالو
كلهم يموتون بوقت واحد
كدرو يفتحون السياره بصعوبه لان انطبكت بسبب الحادث
لمن طلعو الجثث
لكوو   جثتين  بس
جمانه السعيدي
خالي شلون جثتين همه اتلاثه
اتوقعو اني جثتي طارت من السياره اثر الحادث
فتشو المكان كله وكلشي ماكوو
الشرطه..ممكن تتصل وتتأكد  اذا كانو ثنيين لو اتلاثه