خشت على اختها الدار وهي تقول..
/في جرة هالقراية ياما فايتك..
قالتلها بإنزعاج..
/تفي ع اللي تخش طب..
ضحكت اختها وقعمزت جنبها ع السرير وهي تقول..
/ايه والله تفي..
شافتلها بإمتعاض بعدين قالت..
/باهي ياحانطة اطلعي اقلبي وجهك..
قالتلها:لاماعندي وين نمشي بنرقد خلاص..
=غريبة!
قالت:والله لولا المشوار اللي عندي غدوة كملت السهريه مع خوتك ونساوينهم..مانحكيلكش ع الجو اللي صاير لوطا مش عادي..
=بين مني ومني!؟
قالت:اشرف وجواد يلبسوا في وسام ووسام هو سبأ تلقيح ليه ليه هو يعطي وهي ترد عليه وخوتك ينفخوا ع النار..
مسحت بيدها ع ذقنها وقالت..
/ كان ماطاحش خوك وسام ع منقاره معاش تسميني ماريه..
قالتلها:من غير ماتقولي غير خوك وتعرفيه رافع خشمه واختك ثريا هانم طايحة تنفخ فيه..
=لاعاد ثريا عندها وسام واقطع الخبر..ايه حقه تعالي هني بكري شفت اشرف طالع مع عبدالله..
حطت يدها ع قلبها وقالت..
/اسكتي ساكته بكري طلعوا في وجهي واني طالعه قريب دخت قدام خوك..حصلتها فجعتين في مرة..
ضحكت اختها وقالت...
/باهي شن صار؟
تنهدت وقالت:شن بيصير واشرف معاه!؟ اني اصلا يدوب لمحته وبعدها معاش شفت كان الزليز..
ضحكت اختها بعدين قالت..
/ربي يجعله من نصيبك هدوشي..
رفعت عيونها وغمضتهم وهي تقول بإبتسامه..
/يارب...
