هاى النهارده هبدا مقابله مع اختى الكبيره
Menna21
الموضوع غريب شويه انى هسألها كل حاجه عارفها تقريبا بس لييتس جو و حاجه كمان انا مش ماشيه بلغه عربيه فصحى لان المقابله بشكل عفوي
__
• هاى منه ازيك
-الحمدلله
__
•منه عندك كام سنه ، من فين!؟
بإذن الله شهر 6 أكمل 22 سنة
من مصر
__
•عندك اخوات!؟
اه الحمدلله عندى اخ واحد اكبر منى
__
• امته اول مره بدأتى تكتبى !حافظه التاريخ و الوقت المعين ؟
نوفمبر 2014 يعني اكتر من سنة.. كتير اوى
__
•كنتِ متردده ؟! من انك تكتبى ؟
جداً.. نظراً كمان اني مش كاتبة ولا الموضوع كان فى دماغي، لكن أخواتي و أصدقائي شجعوني و وقفوا جنبي
• طيب حلو اوى، و ازاى عرفتى الوتباد !؟
أنا معرفش اي حاجة عن السوشيال ميديا خالص.. كنت مرة فاتحة الفيسبوك بتاع اخويا و بدور على أخبار ون دايركشن بالصدفة لقيت صفحة بتكتب قصص و دخلت على النت قريب من الجوجل مكنتش اعرف انه برنامج بعد كدة بقى عرفته و سجلت فيه ..
• نبطل نقلب فى حاجه الناس بقا، المهم اول قصه قرتيها كان اسمها ايه !
هههههههههههههههه، هي المنقذ، مكنتش فاهمة بقى أن هي كل فترة بتتحدث و كدة كنت كل شوية ادخل اشوف القصة كملت ولا لا.. هبلة اوى.
• و انا زيك ، قعدت ٣ شهور معرفش انى ممكن اعمل اكونت ، طيب و اتعرفى على ناس على الوتباد ؟!
اتصاحبت على كذا بنت من الواتباد لكن اول بنتين اتصاحبت عليهم و اكتر من أخواتي فعلاً هاجر دي اختي الصغيره اللمضة،، اماني ( منمونتي) اختي كمان بس هى أكبر من هاجر.. اكتر اتنين مقربين لقلبي و واقفين جمبي من البداية. و فية مريوومة ( مريم) و دنيا، ديانا، ندى، صفاء، نور، لين..
مؤخراً جمعتني علاقة صداقة حلوة جداً و قوية مع الكاتبة زارا القاسمي اللي ناس كتير متعرفش إنها انسانة جميلة جداً و دمها خفيف اوى.
• طيب ، مين مصدر الهامك.. بالمناسبه فرحانه انى لمضه
مع الاسف ماليش مصدر الهام كشخص، لكن أنا بطبعي أحب الإختلاف جداً و بحب الرومانسية لأننا بنفدقدها فى حياتنا
• و بالنسبه لنوع الاغانى المفضله!؟
- ماليش اغاني أو مطرب مفضل.. بسمع أي اغنية حلوة بس ميالة اكتر للاجنبي
أنت تقرأ
Hojo's Interviews
Randomهلو جايز هوجو تحدثكم من كوكب المريخ الشقيق انا بعمل مقابلات و كده مع ال Writers و شكرا و إن اختفيت فعلموا ان الثانويه العامه قد انهت حياتى
