*****
1
SA PAGSAMBA'Y PATNUBAYAN
I
Oh Dios na dakila
Kami'y tunghayan
Sa aming pagsamba
Ay patnubayan
Pusong marurungis
Ay Iyong hugasan
Kaming alibugha'y
Nang magsikinang
II
Ama ay tunghayan
Ang tumatangis
Hamak Mong alipin
Na humihibik
Puso'y lumuluha
Sa salang tangkilik
Nang maging marapat
Na sumalangit.
Amen . . .
*****
2
AMA NAMING LUBHANG BANAL
I
Ama naming lubhang banal
Anak Mo'y kahabagan
Sa malaong pagkaligaw
Itinuro ang daan
Laking awa sa matamis Mong pala
Laking awa sa matamis Mong pala
II
Nagpupuri't pasalamat
Sa awa mo at habag
Sa panganib ay iniligtas
Dahil sa bugtong Mong Anak
Kaya Ama kami ay lingapin Mo
Kaya Ama kami ay lingapin Mo
III
Utang na kikilalanin
Ama naming sa Iyo
Marawal na kabuhayan
Pinapaging dapat Mo
Kaya kupkop kaming nagbalik loob
Kaya kupkop kaming nagbalik loob
*****
3
SAMBAHIN ANG DIOS
I
Sambahin ang Dios sa katotohanan
At Espiritong Banal
Nawa'y maghari kapayapaan
Sa ating pagpipisan
KORO:
Halina't naghihintay
Espiritong aaliw
Susuguin ng Ama
Na pangako sa atin
Masiglang awit at panalangin
Espiritong'y nang kamtin
II
Maglingkod tayo nang buong ingat
Pagsamba'y maging dapat
Sala'y isulit huminging lunas
Patawad nang matanggap