“Creed Garnet Lincoln.” sumandal ako sa aking swivel chair matapos kong pagmasdan ang mga larawan at iba pang detalye.
Napailing na lang ako habang natatawang napatingin ulit sa aking computer.
Sa dinami daming lalaki na mapapasa akin ay bakit ikaw pa？What a coincedence. A very funny coincedence.
Mapait na lang akong napangiti habang inaalala ang nangyari.
A year ago...
“Boooom！Tuggggs！” kasabay ng nakakabinging ingay ay nadapa ako sa sobrang takot.
Unti-unti akong natauhan habang nililibot ang aking paningin sa isang madilim na kalsada. Bihira lang ang dumadaan dito.
Natatanaw ko sa malayo ang ambulansyang paparating sa gawi ko. Papaano nilang nalaman na may na aksidente dito？At hindi naman ako ata naaksidente. Tinignan ko ang buong katawan ko ngunit ni isang galos ay wala akong makita.
Naupo ako sa katabing kahoy habang nililibot ko ang aking paningin. Isang nasa middle age na lalaki ang bumaba sa ambulansya. May dala itong stretcher kasunod ng ibang tao na may hawak din ng iba pang bagay.
Sumunod ako sa kanila at tinatanaw kung bakit sila nag kakagulo.
Sira-sirang motor...
Babaeng--
duguan...
Hindi ko namalayang isa-isang pumapatak na aking luha sa aking musmos na mata. Unang beses pa lang akong naka kita ng ganitong pangyayari. At ayoko ng makitang muli.
“Nurse Eyd！May bata dito.” sabi nung lalaking katabi ko
“Oh. Little girl, bakit ka nandito？” tanong nung babaeng Eyd daw ang pangalan.
Pinangkunutan ko sya ng noo dahil mukhang natutuwa pa sya at nakuha nya pang makipag chikahan sa akin samantalang yung mga kasama nya ay nag aaligagang kumilos. Ni hindi nya ako chineck kung may masakit ba sa akin o ano.
Tumakbo ako palayo sa kanya at lumapit sa duguang babae. Kahit na nanginginig ang buong katawan ko ay sinubukan ko pa ding kausapin sya.
“A-ano pong nangyari sa i-inyo？” kinakabang tanong ko. Ni hindi ko nga alam kung pwede ko syang hawakan. Naalala ko kasing sabi ng mommy ko na para kumalma daw ang isang tao ay kailangan mong hawakan ito.
“C-creed G-ga-garnet L-lincoln.”
“Ha？Ano po？” naguguluhang tanong ko. Ine- English nya ba ko？
“Pa-pakasalan mo a-ang anak k-ko.” nakapikit na sabi nya habang pinipilit nya atang ngumiti.
Agad naman akong naguluhan dahil bakit ko na naman papakasalan ang anak nya e ni hindi ko naman yon mahal at i don‘t know him or her literally. Atsaka bata pa ako noh. Kahit na madami daw akong alam sabi ng teacher ko ay sampung taong gulang pa lang ako.
“Bakit po？Hindi ko pa sya kilala.” nagtatakang tanong ko
“H-huling habilin k-ko sayo a-ang anak ko. Alagaan m-mo sya a-at s-sabihin mo m-mahal na mahal sya n-ni mommy.” huling sinabi nya
Before everything turns black.
——︳——︳——︳——
ČTEŠ
31 Days To Get You 【updating...】
RomanceSa loob ng isang buwan, sa ayaw at sa gusto mo ay mapapasa-akin ka.
