كان ياما كان فى وحدة من تراكين رئيس حكومة طيب يحكم على الناس بالخير
ومتزوج وحدة سمراء بس تهبل
وهاديكا سمراء كانت تساعد فى رئيس ان يخلى البلاد والعباد مرتاحة
والشعب يحبوها هى والرئيس ويزمزكولهم ويديرولهم فى احتفالات
لن جابت بنت حلوة هلبا وعيونها ملونة فرح بيها بوها
وفى عز فرحته تعبت امها وماتت
وقرر ان بوها يسميها بلاك وايت من بختها احرف هى جت امها ماتت
احتفلوا الشعب بصمت وارتاحوا من خطابات الرئيس الى عابى بيدير احفالات وهيلولة على خاطر بنت
وبيعزم الشعب كله على لمة فى صالة
بعد ماكبرت بلاك وايت وكانت احلى وحدة ف البلاد
وتجكتر على الناس وشايفة روحها وشرانية ماطالقة حد
بوها قرر يتزوج ويشوف شبابه فد من حكومة ونفخ الشعب
جت مرت بوها وهى مش عاجبها شى ودارت انقلاب عالحكم وقتلت الرئيس ووقعدت تدور على بلاك وايت
ووقتها كانت بلاك وايت هاربة ركبت تاكسى وقاتله ارفعنى لغابة الزاوية
صاحب تاكسى عرفها انها بنت الرئيس وبيساعدها قالها نقولك راى نقدرش نخليك فى الغابة بروحك
هى معبية سكارى وخنابة
شن رائيك نحطك مع شباب مدايرين منظمة اغاثة واخدمى معاهم
فرحت بلاك وايت هلبا
ووصلوا الغابة وورالها سواق المكان ومشى على حاله من غير حتى ماتخلصه عرفها مريشة ماعندها شى
قعدت تمشى شوى شوى لن لقت واحد قزم
شبحلها وهو يلمد فى البطاطا
انتى من ؟
انا بلاك وايت معقولة ماتعرفنيش
وانا شن عرفنى انتى من
انا بنت الرئيس شن ماتشبحش فى التلفزيون والجرائد
احنا ماعندناش تلفزيون ولا نعرفوا نقروا حتى
علاش خيركم
انا وخوتى الستة هك مالك ومالنا
لا شى غير ف واحد سواق تاكسى جابنى هنا قال توا فى شباب هنا يقيموها بيك
ايوة ايوة عرفته خليفة الاحول حطك هنا وباهى شن جاية تبى
مانبى شى غير تلبدونى من مرت بوى قتلت بوى وتبى تاخد الحكم وتقتلنى حتى انا
باه فهمت تعالى وراى توا نوريك خوتى
بلاك وايت وهى ماشية تتفرج على الشجر اليابس وفى وسطها براكة
بدى يعرف بيها على خوته الستة وحكالهم قصتها نط واحد منهم متعفلق
هادى شن بنت بتقعد فى وسط رجاله منبيهاش احنا شباب وبناخدوا راحتنا
اتكلم واحد تان وقال ياريته حتى قنينة شكلك شنكة
عليك بخت حتى تجينا وحدة مش طرف
اتقنطت بلاك وايت قالتلهم ريتى وجهك انت وهو الى يفتح النفس
بعدين عادى نقدر نضم حوشكم خامر وحوايجكم مسخة زى وجوهكم ولا نمشى نقلب وجهى البلاد واسعه مش واقفة عليكم
وشوش واحد منهم تى اسمع انت وياه خل نساعدوها بالك تشد حكومة وترفعنا معاها
قرروا ان يرضوها وتقعد بس بشرط تخدم معاهم وتحصد الصفصفه
ناضت بلاك وايت تضم وتسيق وتطيب ف الغداء وهى تسب وتلعن فى ايامتها
كله من مرت بوى كان هدا رانى توا فى موزارت مع صاحباتى
روحوا الاقزام الستة وهما متمرمدين
عيطت بلاك وايت بطول حسها اقعد انت وياه بشلايكم بره توا نشفت البراكه
ووين السابع انا بنحط العشاء وبنغسل الماعيين مش شغالة
نطوا فيها ماقالك حد اقعدى ونقصى حسك بالك تحسابى روحك فى حوازة
سكتت بلاك وايت وعرفت ان ماعندها وين تنتلف
اتمجمجوا الستة وناضوا قالوا عندهم خدمة تان
استغربت فيهم هادم وين يمشوا نهار وليل
قررت ان تبعهم
فى ظلامات
حتى نقالها الايفون نساته فى الحوش وهى هاربة راه ولعت فلاش بس قعدت تبع فى ضى البيجوا الى طالعين فيها وكانوا يمشوا بشوى لان طريق محفرة
لن وقفوا ولقتهم سبعه اتجمعوا ويحكوا مدت ودنها
جنب الشجرة تسمع فيهم
لقتهم يحكوا على انهم بيمشطوا حوازة فى جنزور عندهم مولدات
استغربت بلاك ملى سمعاته توا هادم هما الى قالبينها هك وجت بترجع طاحت ف رشادة
سمعووووها
قعدوا يدوروا في من كان يسمع فيهم
لن لقوا بلاك وايت
ناض واحد من اقزام قال مش قتلكم البنت هادى مش مزبوطة
مرات جاسوسة ولا ناس باعتينها وحطوا سلاح على راسها وقالولها اعترفى
من خلعة قعدت تعيط وتندب والله ماقصدى شى غير بنعرف وين تمشوا
واهوا عرفتى
قال واحد منهم بما ان هى عرفت ياتخدم معانا
يا نقتلوها
تنهف بلاك وهى تقولهم نخدم معاكم غير ماتقتلونيش
ونهار تان طلعت معاهم بيديروها معاهم فى كمين
توقف عالرئيسي
ويشبحوها شباب يدرسوا عاليمين وتركب معاهم تقولهم انا رايحة وسيارتى واقفة وصلونى حوش
ووقت هما بيوصلوها الاقزام السبعة يمشطوهم
وفى الوقت الى كانت بلاك وايت تمشط معاهم
