قصة اليوم لعيونكم بمناسبه لعيد
للكاتبه المتألقه مريم السعدي
سلام على قلوب ارهقتها الدنيا وارهقها فقدان الالم والياس سلام على دموع امتلات منها خلجات الليالي الضلماء ضلما وتعبا وحبا ليس بموضعه اعطي قلبك لقلوب استحقته ولا تستحقر نفسك لاجل انفس مستحقتك من احبك اعانك على ذاتك وعذابها لايتركك لالمك لحضه
مريم السعدي
اني جلال مهندس بناء عمري33سنه عندي مكتب بناء الزم دور سكنيه والزم مكاتب بعدني بدايه مشواري متزوج صار 3سنين وعندي ميار ومرى
اجاني شغل بناء دار بالمنصور قطعه 200متر بضرف 3اشهر لازم اكمل البناء مفتوحه من افضل المواد البنائيه صارت تكلفته البنائيه 200مليون بس بناء اسطوري
بالبدايه جنت اتواصل وي شاب بعمر 28سنه بعدها اجتي بنيه متوسط العمر
مطلقه وعدها مبلغ مالي تريد تبني البيت بيها
السلام عليكم
جلال- اهلا وعليكم السلام تفضلي شون اكدر اخدمج
اني ميس حامد صاحبه قطعه المنصور اللي لازمها انت
جلال- حضرتج صاحبتها جانت لابسه مناظر شمسيه وعباءه خليجي
ميس- اي نعم اني نزعت المناظر
جلال- بهرتني عيونها ابتسمت اهلا وسهلا بيج
تفضليً
ميس- ردت اضيف كم لمسه عالبناء عجبتني وكلت ابلغك بيها
جلال - ماشي اي شي يعجبج بلغيني واني بالخدمه
ميس- ردت يكون حديقه خلفيه وحوض سباحه ولو المكان صغير بس تكدر تدبرها
جلال- تتدبر تردي وره البيت وينفتح باب عالمسبح
ميس- اي نعم باب من غرفه النوم عالمسبح
جلال- اوكي بعد اكو شي
ميس- لا اي شي اجي اكولك مشكور لتساهلك
جلال - ناز زوجتي خليط من الجمال واللامبالاه الرقه والقساوه تعرفت عليها عن طريق الاهالي خطبه معارف دائما مشاكل بيناتنا تعبت وتعبتني اني صعب لابعد حد غيور لدرجه احبسها بالبيت اسابيع لانها غلطت اونضرت لغيري غير متفهم عصبي شكاك لابعد حد لدرجه اشك بيها حتى وي اخوها اذا ابتسملها انه عدها شي ويا وهو اخوها
وهي عدها اهم شي الطلعه والفلوس المضاهر السياره والمكياج وانه تكون احسن وحده واكشخ وحده واجمل وحده تفكيرها جاهل صرت اتجاهلها من تحجي لان ماكو كلام ربط تجيبها من شام تركعها بحلب اليربطني بيها ميار ومرى
وفرا ش قبل النوم حتى اكلي بره البيت كمت ارجع ب10في سبيل مااتعارك وياها لان نفسيه الاطفال تدمرت من الصياح وهم توهم عمرهم سنتين بس الصياح يخليهم يصرخون خوف حلفت مااتعارك وياها بعد وافضل حل اطلع الصبح ارجع بليل واللي تريده يصير من تريد تطلع تطلع وي اهلها
اليوم رجعت للبيت كانت بالغرفه نايمه وتلفونها هالشحن بالغرفه رن رساله فصلته اشوف منو لكيت كود رمز سري
تفاجات ليش الرمز اني بعيد عنها كل البعد شكيت رحت ربطته عالحاسبه اني خبره بهالسوالف ربطته وفتحت القفل انفتح بديت اكلب بي ً انصدمت بيها عدها كل انواع التواصل دخلت على برنامج برنامج لكيت صداقات وسوالف ومكالمات فديو وصور بس الله يعلم بيها شمرت الجهاز انصدمت جنت متوقع هالشي صراحه لاني بعيد عنها وبعد ساعه من التفكير قررت انفصل عنها بكل هدوء بدون فضايح رحت عليها كعدتها
ناز- ها جيت
جلال- اي تعاي احاجيج بره
ناز- ها
جلال- شنو رأيج نطلك ونفقتج توصلج شهريا احنا مدنتفاهم ابد شلت الموبايل وذبيته ضلت صافنه عليه كامت تبجي عذريني ناز انتي طالق طالق طالق لمي هدومج اوصلج واهلج انتي تفهميهم بطريقتج اني عدي شغل بالنسبه للاطفال اخليهم يمي راح اخليلهم مربيه
كامت تبجي وتتوسل
جلال- لج بابا اني وياج كلمن بصفحه روحي بلكن الله يوفقج وي واحد يفهمج تعبت وتعبتي روحي الله يوفقج باجر ورقتج توصللج
جنت مرتاح لهالخطوه اشتغلت صح من بعد عناء 3سنين
زين الجهال عوفهم يمي من يصيرون مدارس اخذهم
جلال- ماشي هاهي واي شي يصير متلومين غير روحج
ناز- لميت هدومي وابجي ثاني يوم رحت وتطلكت منه واخذت الاطفال
جلال- ضليت تعبان يومين احس بديت امشي صح كذبت هواي عليه وبيوم من الايام حسيت نفسي زعطوط منضحك عليه الحمد لله هم وخلصت منه
والجهال للهمه اول ولا اخر جهال انشاء الله متصير عدهم عقده واني موجود داومت للمكتب بس وقفت البناء بس خل ارتاح وافرغله
ميس- شو هذا وقف بناء مريت للمكتب
السلام عليكم
جلال- يااهلا ست ميس تفضلي
ميس- استاذ جلال حضرتك موقف بناء
ليش اكو مشكله
جلال- والله شوي عدي مشاكل عائليه
ميس- اعتذر مو قصدي اتدخل بس نصيحه حاول تفصل الامور العمليه عن الحياه العائليه
جلال-رفعت نضري متعجب ابتسمت ماشي ست ميس باجر ماخذ العمال وطالع من ال5الفجر
ميس- اشكرك استاذ اترخص
اعرفكم عليه بعد
اني ميس عمري25سنه مدرسه اعداديه واول متخرجت والدي وضفني الله يرحمه بواسطه عندي 5اخوان يسدون عين الشمس بس كلمن لاهي بدنياه وبيته والدتي متوفيه بس والدي عدي عايشه وياه وراتبي ابد مصرف منه شي صار 3سنين على 800وحسبو من غير الحوافز عدي ذهب امي كومه كله بقته الي خطيه
اني جنت متزوجه شهرين ومن حللت طلع ميصير عدي طفل والدكتور كال من سابع المستحيلات يصير عدي زوجي اللي اخذني على حب الجامعه 4سنوات كللي اتزوج عليج
اني متحملت كتله ننفصل واخذ راحتك انت هم تريد طفل بس تاذيت كلش بفراكه لحد ماوكفت على حيلي والدي توفى من ازمه لازمه تعبت وانهاريت وبقيت ايام وحدي قسمنا ورث ابويه وطلعلي 400مليون قررت ابني بيت لان نطوني كاع بالمنصور 100متر واشتريت الميه الثانيه من صديقتي صارت 200 خلالي اخويه مهندس بناء وراها مكدر يروح ويجي لان مرتبط بعمله المهم كمت اتواصل وي المهندس لان قريب عالمدرسه اللي اداوم بيها اني حاليا موجره شقه مفروشه
جلال- بلشنا صب ودكينا قالب مده اسبوعين كملت
ميس- لازم اروح للموقع اشوف وين وصل
جلال- شفتها طبكت بسيارتها واني واكف على راس العمال شفتها من فوك نزلت
مرحبا ست ميس
ميس- مرحبا
اهلا وسهلا
ها وين وصلتو
مثل مدتشوفين دكينا قالب فوك وجوه
هاي جبتلكم شوي لفات
ليش كلفتي نفسج هسه راح اوصي لفات
لا اني سويت ميحتاج
ادري دنزعي المناضر شنو لابستهن وتحاجيني
اعتذر نزعتها
جلال- تاملت عيونها مبتسم حلوه كلش بس عينها بيها حزن
ميس-يله اترخص شو هذا مدري شون يباوع خل اروح احسلي
جلال- الله وياج
كملنا دك القالب وكفنا حياطين
ميس- كمت كل فتره اروح مينعافون خاف موخوش بناء ولو المهندس مبين خوش ولد
مريت للبيت
جلال- جنت واكف اراقب كالعاده جبت الغده انداريت لكيتها جتي ام البيت
هلاو ست
ميس- هلاو استاذ هاشونك شون البناء
جلال- كله شهر ونكمل بناء
ميس- يا الله هاي شوي اكل
جبت
جلال- والله بصراحه العمال تغدو ومكفه اكل وياهم اكو مانع اذا اني اكلته
ميس- لا عادي
جلال- تفضلي ويايه للمكتب انتي تغذيتي انداريت عليها
ميس- اا لا بس هسه من ارجع اتغده
جلال- لالا امشي نتغده بالمكتب عدي كم ملاحضه
ميس- ماشي حطلع بسيارتي كدامك
رحت للمكتب ونزلت الاكل شفته فتح المكتب ودخل
تفضلي
جلال- دخلت وكعدت خلت الاكل عالميز
ست ميس متزوجه حسب العقد
ميس- تنهدت اني مطلقه
جلال- رفعت عيني متعجب نصيت تذكرت ناز وسوايتها
ميس- اكو شي
جلال- عدج اطفال
ميس- لا ماعدي
جلال- اني ردت اكولج عمود المسبح لان عدي فكره يصير هو مسبح هو حديقه بس هالمشروع ياثر عالاطفال اخاف يوكعون هاي اذا ماعدج يعني ماكو شي
شو شمسويه لفات
ميس- كبه حلب ابتسمت
جلال- اي والله عاشت ايدج اكلت وياها
صارلج شكد مطلقه
ميس- صار سنه
جلال- ومتزوجتي شعجب
ميس- ضروري يعني باوعتله بغرور
جلال- هههه لا موضرو ي
ميس- متزوج اكيد وهذوله الحلوين اطفالك مو
جلال- منفصل قبل شهر
ميس- صفنت رفعت حاجبي اكو واحد عده هيج ملائكه وينفصل عن امهم
جلال- متفاهمنا نصيت راسي وانتي ليش انفصلتي خيانه لو غير شي
ميس- اا ممكن نسد الموضوع تره رحنا بعيد عن موضوع البيت
جلال- باوعت بعينها رجعت اتكات عالكرسي بقيت اباوع بعيونها واكل هي نصت على اكلها
ميس- ردت ازرع كم شجره وره البيت حمضيات على خضره ماريد ورد
جلال- يصير اني الزم البيت كرسته وعمل واذا تريدين حتى الاثاث لان دارس تصميم واعرف اماكن اكدر احصلها باقل الاسعار
ميس- صدك جنت افكر اني اروح بس بما انه انت مهندس تصميم هم ياريت يعني
جلال- تعاي ويايه اذا تريدين
ميس- ماشي ماعدي شي عطله ربيعيه
جلال- انتي شنو عملج
ميس- مدرسه اعداديه
جلال- واوو متوقعت هالشي بعدج صغيره
شكد عمرج
ميس- 25سنه
جلال- العمر كله ابتسمت ملامح وجهه حلوه بس وجهه وعيونها حزينه
ميس- تحتاج مني شي
جلال- اا اذا ردت احاجيج شون
ميس- تريد رقمي تفضل كتبته ونطيته اله
جلال- ممنون انشاء الله ماقصر وياج
ميس- متاكده اني طلعت ورحت لشقتي
جلال- من طلعت نست تلفونها جيت لزمته الفضول كتلني شفته مبي رمز توقعت حترجع عليه عزلت المكتب ارتاح واكلب بالتلفون مالتها ردت اشوف شعدها ماعدها دخلت عالبرامج العدها بس بنات وخمسه كاتبه عليها اخوتي المهم دخلت عالصور الخاصه عدها صور بالمناسبات تخبل وعدها بالبيت تجنن شعرها وجسمها اصيله دخلت عالفيس مالتها منشوراتها كلها حزن وعذاب اكوشي خلاها تتطلك احتمال لانه خاينها قريت رسايلها وي صديقاتها ماكو شي يبين السبب بس تكولهم مشتاقتله حموت وهم يكولولها لتتصلين عوفي شوي ويغيب الوجع طفيت الجهاز ورجعت ملشي بمكانه وره ساعه دك تلفوني
الو نعم
االو السلام عليكم استاذ جلال اني ميس حميد
اهلا ست ميس
اهلا بيك استاذ نسيت التلفون بمكتبك اعتقد
اي نعم مريلي اخذي
اني يم المكتب بس انت معزل
لالا منعزل موجود بس ساد الباب هسه افتح لان ردت انام
اعتذر كطعت وكت راحتك
لا عادي هاهي طلابه
جلال- فتحت الباب ابو السلايت جانت مقابيلي
اشرتله عبرت وجتي
تفضلي
ميس- تسلم اخذت التلفون باوعتله جنت خايفه فاتحه ومتفرج الصور
جلال- باوعتني ابتسمت ونصيت
ميس- لتكولي تفرجت الصور
جلال- شنوو لا يابه ضحكت
ميس- ياممتفرج اصلا متفرج ماقبل 5سنين هم
جلال-لالا ممتفرج
ميس- ممبين
جلال- خزرتها شنو تكذبيني
ميس- لا العفو يله اترخص
جلال- الله وياج ااهذا رقمج الدكيتي منه
ميس-اي نعم
جلال- باوعت بالتلفون اخزنه نورتي تلفوني
ميس- اشكرك ابتسمت مع السلامه
جلال- الله وياج
رجعت للبيت رتبته لان اني كلش مرتب واضوج من الهوسه كعدت اتعشى اباوع على رقمها كملت كلشي ودكيتلها ب10
الو
الو
هلو ست ميس
اهلا استاذ جلال تفضل محتاج شي
اا بس ردت اكولج تره اني تفرجت الصور
هههه والله عرفت عادي اني حجابي مو مضبوط تره وماعدي صور كلش اباحيه بس تره ميصير هيج
اسف بس الفضول كتلني
على شنو الفضول
ليش تطلكتي
ااا والله مااعرف شكولك بس متفاهمنا
زين اذا كتلج تكوليلي
ليش تريد اكولك
مااعرف ليش
انت ماعدك غيري تسولف وياها ماعدك صديق
لا والله عدي بس مو مال اسولفله اسرار بيتي
اي صح مفكرت بيها
لهذا اتصلت عجبني اسولف اني مصارلي شهر من انفصلت
ليش انفصلت عدك اطفال
خانتني ولو بالتلفون بس حتى صور هم دازه فد شي للاخير سافل وللعلم مو هذا سبب الطلاق الرئيسي
صدمه تدري
ليش
مااعرف احسك رجل حرامات تخونك
اني من تزوجت ممتفاهم وياها عقليتها شي وعقليتي شي صراحه جننا دائما اذا حجينا نتعارك واذا باوعت بعينها ماحس بامان وعالجت الموقف باني اطلع من الصبح وارجع ب10بليل حتى ماشوفها وانعارك وياها
واتقرب منها اسبوعيا تالي خانتني صراحه ملماها عالخيانه لان اني تاركها وحدها بس مترهم نبقى سوه بعد
صح مشكلتك يمكن مالها حل غير الطلاق بلكن تشوف واحد يفهمها
شوفي تفكيرج سليم مثل مااني فكرت اعوفها بلكن تشوف واحد يفهمها عسه انتي ليش تطلكتي
انيي مشكله بحد ذاتي
ليش ياستار
اا تعرضت لحادث بعمر 10سنين وهالحادث خلاني افقد احد مبايضيً والثاني متاذي بس عالجته
وره مكبرت وتزوجت مرت شهرين وماكو حمل رحت للطبيب كلي الثاني لازم ينشال لانه متمزق واذا ضل هيج يصير ورم فسويت عمليه وشلته كلولي وراها يصير زرع مبايض بس للاسف ملكيت هالشي فانحرمت من الامومه سكتت
