❤يــالـيـام عـيـنـگ مـن غـلانـا❤

شتاوي صح👌👏

ناو العين شقانا زايد ترقيع البايد بالبايد.👏👏
يضحك ديما في ملقانا لاكن ياما قال ورانا .👏👏
في القانون الغالي يقرا وين انشوفه قلبي يبرا .👏👏
لاهو ضابط لاهو جندي طيار و بلدنيا عندي .👏👏
نموت عليه ونجه ليا مهندس لابس طاقية .👏👏
نبي انعيش ايام دلالي لاحق ع الدبلة و الغالي .👏👏
يا العزيز جهد مافينا وديارك مشوار علينا .👏👏
نا وعزيز طريق بدينا نمشو ع الحلوة و الشينة .👏👏
ياعوينك ياعشب الملعب فيك عزيز يطيح و يلعب .👏👏
لوكان يقسمو الباعد نعزم الصين و كوريا و تشاد .👏👏
لو تعقل وتكون نصيبي نعزم كل الشعب الليبي .👏👏
ياالعزيز تعال اخطبني والا يابارد سيبني .👏👏
غسالين طناجر هلنا و الراجل ماهو شاغلنا .👏👏
لا دكتور ولامستشفى شيلوني للغالي نشفى .👏👏
وين عرفها في التمريض طاح عليها وقال مريض .👏👏
على فارقهم صابرين امغير فضحنا دمع العين .👏👏
ماملي خانقتة عبرة يزاين ع الناس بصبرة .👏👏
شهادة من دينك ياعين سماحة كيفي يلقو وين .👏👏
لاتفتش لاتعب روحك بين الناس غلاك بروحك .👏👏
عليك امرايف لي ايام الساعة نحسب فيها عام .👏👏
ناوعزيز العهد عطينا مايقدر خراب علينا.👏👏
يامولاي نشوف اولافي حتى نص دقيقة كافي .👏👏
قعدنا من مليت لوقات انقولو ياعوين الي مات .👏👏
صوب عزيز يذوب فينا هابا لو كان يلاقينا .👏👏
النار اللي فيها طحنا لمادين حطبها نحنا .👏👏
اليوم طروهن ملتهبات عزيز جيوبا لانفيات .👏👏
يالنصيب امتى تطربلي واللي متباعد يقربلي .👏👏
لوكان انزابي بلعيبة راني صاحب كل عطيبة .👏👏
اللي في بالي يالنصيب غلا خاطيهم راك اتجيب .👏👏
ننظر فيه عزيز اونلاين غاطس ويدردش ع الخاين .👏👏
رفعت عيوني ف الاولاف انريد انعارك زدت ارياف .👏👏
في عزيز مكبد راني من دمي ماهو براني .👏👏
الصوب اللي خاطرنا في بلا بارود انديرو في .👏👏
مابانو ياعين اولافي قيس النت عليهم طافي .👏👏
كان عزيز تعلا شانة حتى نا عيني شبعانة .👏👏
كان اتريد العقل يروق اطريل مشية للسوق .👏👏
انشاءلله يقسملك ياعين يخش يقول مراتي وين .👏👏
انشاءلله نركب سيارتهم ويقولو هاذي كنتهم .👏👏
عيني مالت شور خوالي ماتبي من هلها والي .👏👏
فيك ياخلا دفنت سيات ناس كانو قرعتي .👏👏
مانحساب عقيلة صغير وين حكولا الناس تغير .👏👏
عليا مامن دي انقال يريدوه يخيل وماخال.👏👏
كل ناهر نقولو تبنا ويجينا طرف يشخشبنا .👏👏
اتقدرني قدرك تلاقى اما خاطيها لاوالله .👏👏
كبيرة شايلها في صدري غيبت ناس توارو بدري .👏👏
الله غالب من ضيق الضيق عزيز عطينا فيه طريق .👏👏
ياريت عزيز امجاورني بيش اريافي مايقتلني .👏👏
نرقص ونغني بلهندي كان عزيز يجي لاعندي .👏👏
مايقعد شي الا صيتك حتى والدنيا عاطيتك .👏👏
نشرب ياعيني بنزينة كان هدية حب اتجينا .👏👏
واعر ياالعزيز اطياحي بطل وانت غير اتحاحي .👏👏
الدنيا في الضيق اتوريك اللي باعك واللي شاريك .👏👏
انريد انصبي ماصبيت خذيت مخدة واتكيت .👏👏
يالقديم بعد حقيتك ردت في الروح و جيتك .👏👏
يامولاي يكون نصيبي دكتور و جراح و ليبي .👏👏
يامولاي اجعل قسميتي طالب يقرا في كليتي .👏👏
كان عزيز وكنت انريده لاكن ضيع حبه بيده .👏👏
كان جريت على كثرتم لصحاب اتودر خيرتم .👏👏
ماملي طايح من عيني غير انجامل وين ايجيني .👏👏
ماملي وريته حجمة كان قمر خليتة نجمة .👏👏
سلم قعاد المربوعة مانمشوش الا في طوعة . 👏👏
سلم هلنا كي الكواسر مايخشوش السوق الخاسر . 👏👏
هكي هلنا كي نبوهم في علوة والناس يجوهم . 👏👏
انشاءلله ياخاين لاقيها في اليد اللي تسلم بيها . 👏👏
اجعنك ياخوان مديد وفي ثلاجة ليلة عيد . 👏👏
انشاءلله ياخوان غرامي طلقة من طلقات العامي . 👏👏
يالقديم عليش اترقع درنا صوب جديد امصقع . 👏👏
راني كيف الطير الجارح ماننزل في كل مطارح . 👏👏
لانهاب قديم ولا غيره شخصيتي فالاصل خطيرة . 👏👏
بنت اجواد ابوادي هلها مش كل مطارح تنزلها . 👏👏
نسابين لكل قبايل لاباسين الكاط الخايل . 👏👏
وادينا وادي تفاح يطلع في بنيات اسماح . 👏👏
كل قبيلة ناسبنها زاد شرفها وعلينها . 👏👏
دمعاتك ياعين سواقي عاللي صوب غلاهم راقي . 👏👏
تصدق مانصدق في حد قديم بعد في قوله رد . 👏👏
تصدق مايصدقها حد قدم شالوني شور اجدد . 👏👏
انصدق من وانكذب من اقدم ماعادو فيهم حن .👏👏
ماوجعتني غير الطيبة والتهليب لكل عطيبة . 👏👏
ياغالي الطيبة والحن الهن واجد منك ماجن . 👏👏
اخرب جالك يافرق السن اعزاز لقينا فيهم حن . 👏👏
يالولاف العين اشتاقت فرقاكم واعر ماطاقت . 👏👏
مجروح وجارح ومجرح ماسع ريت نهار يفرح . 👏👏
ليش تخطم من شارعنا جرحك مازال موجعنا . 👏👏
خان الصوب الله لا يرده ماملي يكلم يجدا . 👏👏
ايزعل ويرضي فيها هاضا حال عزيز امعاها . 👏👏
بيت غلاي خيوطا فضة واعر ع اللي يريد يقضة . 👏👏
درت غلا في عز شبابي مازالت نارا في جنابي . 👏👏
اصغير ياغالي ع الحب اللي كيفك يشرب سن توب . 👏👏
اللي راقد في قبرة يقوم كان غلا الفروخ يدوم . 👏👏
رد قديم يريد العودة مايحساب النية سودة .👏👏
-------------------------------------------