Sukoon thi Jo Kabhi aaj aafat lagti hai,
Yeh baarish badli-badli si lagti hai.
Baarish Ka aana Kabhi chhutti Ka paigaam Lata tha,
Aaj wahi chhuti mehangi padti hai,
Yeh baarish badli-badli si lagti hai.
Kabhi baarish tha bahana mehfilon Ka,
Aaj wahi mehfilon ki chokhatt Sunni si lagti hai,
Yeh baarish badli-badli si lagti hai.
Jaane yeh baarish hai
Ya hum Jo badal Gaye,
Duniya ki badti raftar Mai dodhte dodhte Yun fisal Gaye,
Aaj phir wahi baarish Yaad aati hai,
Par jaane kyun ab ye anjaan si lagti hai,
Yeh baarish badli-badli si lagti h.
