فصلية كفيف

البارت ١٤

طلعتلي تراكسود ومنشفة واني كاعد ع السرير انتضرها رجعت وكفت يمي
ليا: حضرت ملابسك والمنشفة حطيتلك ياهن بالحمام وكاسرتلك المي الحار والبارد كلشي جاهز امشي اغسل
مراد: ماشي
كمت وكفت لزمت ايدي ومشتني للحمام دانزع تراكسودي لزمت ايدي نزعتني البلوز
مراد: اطلعي اني اكمل
ليا: تكدر وحدك
مراد : اني اعمى مو عاجز
ليا: مو هيج
مراد: برررا
طلعت وسدت الباب وراها نزعت ملابسي ووكفت جوة الدش المي ينزل فوكاي مديت ايدي دورت ع الشامبو لكيتة فركت شعري وغسلتة نشفت نفسي سمعت صوت صياح وبجي ع السريع لبست بجامتي والفانيلة وطلعت ركض فتحت الباب سمعت صوت بجي ليا وخلود كاعدة تسبها
خلود: انجببي لج ك.... انتي خلك فصلية
ونازلة بيها رزايل بس داسمع صوت ضرب وصوت امي هم وغادة هم موجودة صحت بصوت : شكووووووووو
كلها سكتت بس اسمع صوت شهكات ليا حسيت باحد لزم رجلي مديت ايدي صارت على  راس ليا كاعدة يم رجلي ولازمتها وتبجي
مراد: هاي شبيج ليا كومي اوكفي وكفت بالكوة بصفي
مراد: هااي شكو  هل هوسة وليش ضاربين ليا
خلود: طايحة الحظ ك.... جايبيها اميرة لاشغلة ولاعملة
ليا: والله غسلتهن مادري منو وصخهن
ماحسيت غير خلود هجمت عليها تملخ بيها وليا حضنتني وتبجي تحاول تنهزم منهم حضنت ليا ودفعت ايد خلود
مراد: وللللج خلووود شلون تمدين ايدج عليها تايهتلج هيه
خلود : فصلية هذا هوة شغلها
غادة: اي والله
مراد: موووو فصلية هاي مرتي وجنة بالبيت حالها من حالجن
غادة: والله عشتووو حالها من حالنا
خلود: احنه اهلنا مشمرونا مثلها
مراد: خلووووود داحترمج واكول مرت اخوية الجبير احترمي نفسج
خلود: هااا مراد كمت تدافعلها لان البارحة انطتك الي تريدة موو هي اصلا تنط
قاطعتها بصيحة: خلللللوود احترمي هاي مرتي واني مسوؤل عنها وانتي متدخلين
خلود: هو انتة يرادلك احد يكون مسوؤل عنك ويداريك بقى بس احترم العميان لو بيك خير جان لبست ملابسك عدل
هذا الحجي كلة وليا حاضنتني غمضت عيني ونداريت وبعدها ليا حاضنتني جريتها وياي ودخلت لغرفتي
ليا: اسفة والله اسفة
عصرتها بكل قوة : هدئيني
ليا: والله مسويت شي
عصرتها اقوى : اشششششش هدئيني
محسيت غير شفتها على شفتي يمكن هذا الي اني محتاج اله بستها بقوة احاول اطلع عصبيتي بيها حسيت نفسها انكطع ابتعدت عنها
مراد: طلعي جنطتي من الكنتور
ليا: هااا
مراد: ع السريع
سمعت فتحت الكنتور كعدت على طرف السرير
ليا: اي
مراد: طلعي ملابسي كلهن حطيهن بيها
ليا: لليش
مراد نفذي
محسيتها غيرر كعدت كبالي وايدها على رجلي وصوتها تبجي
ليا: عف ية لتعوفني مراد لتعوفني وحدي
لزمت وجهها بين ايدية الثنين ومسحت دمعتها باصبعي وبست راسها
مراد: ماعوفج ليا ماعوفج كومي لمي الملابس
ليا: والله متعوفني
مراد: والله ماعندي غيرج
كامت فتحت ايدي وباست باطنها وكملت لم ملابسي
ليا: لميتهن
مراد: كلهن والداخليات
ليا: كلهن
مراد: سديها وجيبيها وياج
مديت ايدي الها لزمتني وجرت الجنطة وياها فتحت الباب طلعت جريتها لغرفتها
مراد: لمي ملابسج هم
لمت ملابسها بجنطة
ليا: كملت
لزمت ايدها: امشي
وكفتني : ملابسك مكلوبات انتضر اجيبلك التيشيرت
ضليت واكف بمكاني هي فتحت الباب وطلعت ثواني واجتي لزمت فانيلتي
مراد: شتسوين
ليا: اكلبها الك
نزعتني ياها ورجعت لبستني ياها ولبستني التيشيرت فوكاها والجاكيت
ليا: بجامتك هم
مراد: كلبيها
حسيتها توترت: لا ب س ا لل
مراد: اي لابس شورت
نزعت البجامة نطيتها الها كلبتها وانطتني ياها لبستها
مراد: يلة بدلي دنطلع
ليا: وين نروح
مراد معليج بدلي
ليا: هسه بس البس العباية
دقيقة وكملت
ليا: كملت
مراد: يلة
شلت جنطتها هي سحبت جنطتي لزمت ايدها احنه فتحنا باب الغرفة وامي لزمتني
الام: وين رايح مراد
مراد: عوفيني يمة
الام: يمة فدوة هذا بيتك وين رايح
مراد : مو بيتي محد يحترمني بي
الام: يمة غلطان انته
مراد: لا غلطان ولاشي عوفيني
الام: وج هاا الله ياخذج ام السحورة شسويتيلة وكلبتي علية
مراد: يمممة
مراد: امشي ليا
سمعت صوت بجي امي وتواسيلها موكفت لو صدك هيج تحبني جان ع الاقل سكتت خلود طلعت واني ايدي ب ايد ليا
مراد: وكفي تكسي
وكفت سيارة نزل السايق ديصعد الجنط بالصندوك وكفت سيارة ياسر

-----
هذا البارت بمناسبة ان القصة وصلت ١٠٠٠ مشاهدة
شكرا جزيلآ من قلبي
لاتنسون تصوتون وشاركوها اذا عجبتكم