فصلية كفيف

البارت ١٦

تقربت منها تلمست شفايفها حسيت برجفتها قربت وجهي منها غمضت عيونها بقوة تراجعت فكيت ايدها وطلعت اتلمس باب الحمام وكعدت بالغرفة ماريد اقتربلها شنو ذنبها هية كاملة تتزوج وترتبط بواحد فاقد البصر هم حالها حال البنات تريد تتونس ويا رجلها تطلع تفتر مو تضل ويا واحد تكضي العمر لازمة ايدة ل يضيع ماريد ازرع امل بداخلها واني فاقد الامل دقايق وحسيت بحركتها بالغرفة فتحت الكنتور اختفى الصوت مديت ايدي ع السرير مموجودة سمعت حركت الطبلة عرفتها تمددت ع التخم الي بالغرفة مردت ازعجها اتمددت وضلت الافكار تفتر براسي يمكن من الضلام الي حولي الافكار متفارقني كأني بدوامة تجرفني للدرك الاسفل واستنجد اريد احد يلزمني وميتركني حاجتي ل ليا انو تلزم ايدي ومتعوفها تفوق مليارات المرات من حاجتي الها ك رجل
مراد: لياا
ليا: مممم
مراد: ليش نايمة ع التخم
مجاوبت
مراد: ليش تبتعدين مني تعالي يمي
مجاوبت
مراد: مو كلتي ماعوف ايدك
رفعت ايدي : هاي ايدي فارغة ايدج مو بداخلها تعالي والزمي ايدي
حسيت بيها كعدت على طرف السرير وتمددت بصفي لزمت ايدي الي رافعها ونزلتها على بطني اصابعي متشابكة باصابعها ضليت العب باصابعها وهي نفس الحال مرت ساعات واحنه نلعب باصابع بعض بالاخير سحبت ايدها بستها ونمت كعدت على صوت موبايلي يدك مهتميت اله بس ليا كعدت
ليا: ياسر ديتصل
مراد: عووفي
سمعت دكت الموبايل ٣ مرات وبعدين اجاني اشعار رسالة
ليا: مراد جاوبني ضروري لازم نحجي
مراد: عوفي
ليا: بس خ
قاطعتها :عوفي
حسيتها انزعجت وكامت
مراد: وين
مجاوبت سمعت سدت الباب مال حمام انترت دقيقة دقيقتين خمس دقايق عشرة وهي ماكو كمت واني اتلمس الحايط دكيت الباب عليها
مراد: ليااا لياا
مجاوبت
مراد: ليييييا اطلعي ليااااا لتعاندين شبيج
فتحت الباب: ليش متجاوب
مراد: ماريد اجاوب
ليا: احتمال شي طارئ لاسامح الله
مراد: ميهمني
ليا: اهلك الي عشت وياهم ٣٠ سنة تخليت عنهم باول مشكلة احتمال اني هم تتخلى عني باول مشكلة وتعوف ايدي
مراد: بس همه
ليا بانزعاج:براحتك
فاتت من يمي ومشت مشيت اني هم تلمست الغراض ووصلت لزمت الموبايل ومديتة الها
مراد: اتصلي ب ياسر
اخذته من ايدي ثواني وانطته الي حطيتة على اذني
مراد: ها ياسر
ياسر: وين انته ليش طولت
مراد: شتريد ياسر كتلي جاوب ضروري
ياسر: مراد كافي ارجع والله طردت خلود من البيت
مراد: مارجع بعد وامشي رجع مرتك لتخرب بيتك وتشتت جهالك بسببي اني بعد مارجع  يلة مع السلامة
ياسر: بس لحضة
مراد: نعم
ياسر: وين انته
مراد: بارض الله الواسعة
ياسر: مراد رجاءآ جاوبني بالي يمك
مراد: بالفندق
ياسر: يافندق اريد اشوفك
مراد: ليش
ياسر: مراد لخاطري جاوب
مراد: بفندق -----
ياسر: ماشي نص ساعة واني يمك
مراد : ماكو داعي
ياسر: جايك
سد الخط نزلت الموبايل من ايدي وكعدت ع السرير ماحجيت شي ولا ليا سألتني قطع الصمت البينا دكت الباب
كامت ليا لبست شالها وفتحت الباب سلم ياسر ودخل حضن اخو
ياسر: ليش هيج مراد تعوفنه
مراد: ياسر كافي سد الموضوع رجعة بعد مارجع كافي اهاين خلي نحفظ الكرامة الي بينة
ياسر: على راحتك وين راح تستقر
مراد: مادري راح اشوف بيت واأجرة ونكعد والله كريم
ياسر: وين تريدة
مراد: بعد مموجد بمكان محدد
ياسر: كوم نروح ل علي ابو العقارات نشوفلك بيت
مراد: ميحتاج اني اشوف
ياسر: كوم كوم ليا جيبيلة قمصلتة
كومني
مراد: ليا تجي ويانة
ياسر: على راحتك انتضركم بالباب بين متجهزون
كملت ليا تبديل وطلعنة ب سيارة ياسر وهو يحاول يقنعني الطريق كله حتى ارجع للبيت بس اني جنت رافض نهائي لو شماصار ليا محسوبة علية وباسمي لازم اوفرلها سبل الراحة كافي تنهان رغم كل الي دتسوي الي محد يقدر تعبها وفوكاها تنضرب اكعد ببيت وحدنه احسن
نزلنة يم ابو العقارات حجالنة على جم بيت اخذت رأيي ليا كالت بكيفك طلعنه شفنه بيتين ياسر وعلي يفترون يشوفو واني وليا نفتر وحد لزمت ايدها
مراد: ليا انتي الي راح تعيشين بي كولي اذا عجبج ناخذة
ليا: انته شتكول عجبك
مراد: هههههه اني ماشوفة انتي شوفي واوصفيلي يا بعيونج

-------
هاي بارت ثاني نزلتة لخاطر عيونكم *اتمنى منكم تفرحوني بتصويت حتى تصعد القصة والله نعسانة وكاعدة اكتب
*واذا تحبون تابعو صفحتي دانشر اكثر من قصة اتمنى تعجبكم
*الي عندة اي انتقاد بشأن القصة اتقبلها بعدني مبتدئة وانتو الي تصعدوني اتمنى تساعدوني
* شكرآ من القلب لكل من يساندني ويشجعني
❤❤