فصلية كفيف

البارت ١٧

افترينة بالبيت وليا عجبها اجه ياسر وابو العقارات كتله عجبنه راح نستأجرة اتفقو ع السعر ٢٥٠ كل شهر
ياسر: تفضل اخي هاي مقدمة مال شهرين
مراد: لحضة لحضة ياسر رجع فلوسك اني ادفع
ياسر: مراد اني ادفع
مراد: كلت اني ادفع البيت الي انتة شكو تدفع
سحبني ياسر ويا
ياسر: مراد هاي فلوس الفصل من حقك وبما انو انته متريد تسوي عملية عينك فهاي الفلوس من حقك
مراد: ماريد منهن شي
ياسر: بس ذني حقك شلون راح تأثث البيت
مراد: عندي راتب
ياسر: مراد الفلوس الك شتسوي بيهن سوي
عافني وطلع بقيت اني واكف اجتي ليا
ليا: هسه شنسوي
مراد: اسكتي ماريد اسمع صوت نفسج
سكتت ضلينا على وكفتنا نص ساعة واجة ياسر جايب مكناسة وماسحة ومنظف ارضيات
ياسر: ليا  نظفي البيت
راحت ليا واخذت المنظفات اجه يمي وحط جنطة بأيدي
مراد: هاي شنو
ياسر: مراد بدون متناقشني هاي فلوسك امشي ناخذ غراض للبيت
مراد: بس
ياسر:بدون بس امشي  يلللة ليا تعالي
جتي صعدنه سيارة ياسر وطلعنا وكفنة
ياسر: يلة انزلو
مراد: وين
ياسر: اجهزة للبيت يلة
ليا فتحت الباب ونزلتني اجه ابو المحل سلم علينا اني كعدت على كرسي
ياسر: راح نروح ناخذ الاجهزة تجي ويانة
مراد: لا كاعد هنا
ياسر: امشي ليا
ليا: عفية مراد تعال ويانة
مراد: ماعلية اني روحي انتي اختاري
ليا: ماروح وحدي قابل هو البيت بس الي
مراد: علساس راح اشوف اني
ليا: بس نفسك وياي كافي
لزمت ايدي ووكفتني ومشيت وياها
ابو المحل: الثلاجة عندي انواع تفضلو وياي
اختارينا ثلاجة وبلازمة وغسالة وطباخ وغراض البيت من اجهزة كهربائية كاملة صار الحساب ٣ملايين ونص طلعنا ياسر كال لابو المحل يدزهن للبيت وانطاه العنوان صعدنه السيارة ودانه لابو اثاث النوب هم اختارينة غرفة نوب وتخم وطبلات وميز طعام وكاونتر وباقي الغراض هم وصى عليهن يوصلوهن للبيت وهم اخذنة ل مول دخلنا لقسم المنزلية حسيت بلهفة ليا بس خجلانة لزمت ايدها وسحبتها صفح
مراد: ليا البيت الج واريد كلشي على ذوقج وماعليج بالفلوس كلشي بنفسج اخذي اريد كله على ايدج ماشي
ليا: ماشي
دخلنة لقسم المطبخ ( عشق النسوان) بدت ليا تختار وتاخذ ماردت احرمها من شي يكفي هي نحرمت من اهلها وفوكاها رجال مو كامل على الاقل احاول اعوضها ببيت زين
اخذنة غراض المطبخ وطلعنه اخذنة بردات وفرشات ودواشك وزوالي وبطانيات وهل سوالف تحفيات وحاجات صحية ذبينة مليونين ومية بالمول ياسر استأجر سيارة حمل حط بيها كل الغراض عمال المول عبوهن بالسيارة وطلعنا للبيت وصلنة لكينا سيارة الاثاث والاجهزة هم جايين نزلوهن ياسر انطاهم الكروة وخلاهم ينزلوهن للحديقة  مانزلناهن للبيت ليا كالت انظف البيت بالبداية حطو الغراض وطلعو ياسر هم سلم علية وحط بقية الفلوس يمي وطلع سلم علينا ووصى ليا علية صعد سيارتة وراح
مراد: اخخخخ تعبت
ليا: اسفة تعبتك
مراد: تعالي تعالي
ليا : ها
مراد بعصبية: داكول تعالي
اقتربت على كيفها: ها
جريتها لحضني : ضلي هيج حاضنتني ويروح التعب
حسيت بيها ابتسمت بستها براسها
مراد: يلة ولج نظفي الغرفة دانام
ليا: ديشدون السبلت
العامل : كملنة شد السبلت استاذ
مراد: ليا من محفضتي انطي عشرة
العامل: شكرا استاذ وع الخير بيتكم الجديد
مراد: تسلم
طلع العامل وراحت ليا سدت الباب ورجعت تنظف بالغرفة خابرت ياسر كتلة خلي يجون يشدون الغرفة ورا ربع ساعة ليا دتنضف الاستقبال اندكت الباب رحت وياها فتحت الباب طلعو العمال دخلو يشدون بيها خلصو كلتلهم دخلو الغراض للبيت دخلوهن ورتبوهن على ذوق ليا
مراد: هذا هو تسلم
انطيتهم حق تعبهم وراحو شغلت الثلاجة
مراد: ليا بدلي
ليا: ليش وين نروح
مراد: نتسوك للبيت لو ناكل هوا
ليا: ههه هسه دقيقة
بدلت وطلعت اني وياها للاسواق قريبة من البيت اتسوكنه كامل وكتله لابو المحل يدزة للبيت صاح على ولدة ثنين ساعدونه دخلناهن للبيت وراحو ولد ابو المحل ليا كعدت ترتب بالغراض
مراد: امشي رتبي الجرباية دنام نعسان
ليا: اي دقيقة
وكفت يم باب الغرفة دافية مشغلين التدفئة فرشت الفرشة وعدلت المخاديد
ليا: كملت تعال نام
مراد: كتله ل ياسر يجيبلنة الملابس من الفندق والهويات العصر يجيبهن
ليا: ماشي
تمددت: متجين تنامين
ليا: لا دارتب الغراض مجايني نوم
مراد: على راحتج
نمت وهية طلعت تكمل تنظيف كعدت العصر على صوتها تكعدني
مراد: هاا
ليا: الباب تندك
مراد: هاي يجوز ياسر فتحيلة
ليا: استحي تعال وياي
كمت وياها فتحت ياسر اجه دخل الملابس وكعد كعدت ويا بالاستقبال يحجيلي على امي وتريد تشوفني كتله تعبان عوفني ارتاح جتي  ليا جايبة عصرية جاي واجبان ودازة صمون حار بيد ابن جوارينة كعدنه نتعصر كملنا كام ياسر ترخص وطلع

------ هذا البارت بمناسبة ان القصة مشاهداتها صارت ٢٠٠٠ مشاهدة والتصويت ديزيد شكرآ من القلب تعليقاتكم هي سبب توصلي بالنشر لتحرموني منها
شكرآ لكل من يشجعني❤❤❤❤
اتقبل اي انتقاد او سؤال بشأن القصة 🌸🌸🌸