مساء الخير حبايب
اكو سالفه اريد احجي بيها ترى اني جنت انشر كل يومين بس علمودكم كمت انشر يوميا والي داكدر عليه داسوي بس لازم تقدرون ظروفي شويه حتى اذا تاخرت عليكم بالنشر وترى اني دانشر بوميا واليوم اني مريضه بس بسبب المسجات كمت اكتب بالكوه فيا حبايب الي داكدر عليه داسوي
قراءة ممتعه ولتنسون تعليقاتكم الحلوه وتوقعاتكم للاحداث كلش مهمه عندي
سوزان ليث❤️
@@@@@@@@@@@@@@@@@@@@@@
— لليل جنت بالغرفه جان خالد يدخل كلي
خالد: ها حضرتي غراضج ترى باجر من صبح نطلع
حياة: لا بعدني ليش ساعه بيش نطلع
خالد: نطلع فد بسته حتى نوصل من وكت
حياة: زين انت شتريد اخذلك ملابس
خالد: دجيبي جنطه جنت اخذها ويايه لبغداد تكفينا اثنينا
حياة: رحت جبتها وجيت المهم طلعت اني لابستين مال طلعه وخليتها واخذت بجامه ويايه وشغلات هو يباع عليه واني اصفط الهدوم واعدلهن بجنطه
خالد: بس ذني حتاخذين
حياة: اي ليش ميكفن
خالد: لا اذا احتاجيتي شي مناك نشتري بس جنج نسيتي هذا الجنتي لابسته البارحه مخليتيه 😉
حياة: ظليت اعدل بجنطه وبتسمه عرفته يقصد قميص النوم
عاد رحت طلعت واحد خليته وهو طلع ملابسه هم خلاها فكملنا غراضنا كلها
ثاني يوم صبح من وكت طلعنا جانت بس خاله كاعده سلمنا عليها وطلعنا اني طبعا جنت كلش فرحانه وكلي نشاط وحيويه وجنت ماخذه ويايه لفات للطريق فطلعت جنت اكل وكلسع انطي لخالد ياكل لان ديسوق ميكدر وراها غفيت حسيت خالد يكعدني يكلي وصلنا كعدت خالد نزل فتح باب بيت واجه دخل سياره
هذا البيت مال منو
خالد: مالتي
حياة: اووو عدك بيت بغداد مادري
خالد: محد يدري بيه يله نزلي
حياة: محد يدري اكو واحد عده بيت واهله ميدرون نزلت هي طرمه مو كلش جبيره يعني يادوب تكفي سياره واكو حديقه كلش صغيره على صفحه وراها خالد فتح الباب الجوه ودخلنا يعني بيت حلو بس عبالك متروك لان تراب كاتله
اويلي باع التراب
خالد : اي صالي هواي مجاي هسه اخابر على ام احمد تجي تنظفه
حياة: ام احمد منو
خالد: مريه كل ماجي لبغداد تجي تنظف البيت
حياة: وشوكت اخر مره جيت هنا
خالد: حيل صارلي كومه من قبل الحادث
حياة: زين ليش اهلك ميدرون بي
خالد: عادي شي خاص بيه شعليهم اهلي
حياة: اني سكتت بس مجنت ممرتاحه اله يعني هلكد ماكمت اعرفه لخالد اعرف من يضم عليه لان يحجي ويسوي نفسه ملتهي بشغله شي حتى ليباع عليه
خالد: يله ذبي كلشي هسه تجي ام احمد تنظفه بين مانروح نتغده
حياة: عادي ترى اكدر اني انظفه
خالد: لا هسه هي تجي بين ماروح نتغده ونتسوك للبيت جم شغله هي مكمله اصلا هسه هي بطريق خابرتها
YOU ARE READING
فصليه ولكن
Romanceحياة : اني حياة عمري 22سنه اني وحيده ابويه امي توفت من جان عمري 13سنه ابويه تعب وره وفاه امي لان جان كلش يحبها عمامي اصرو عليه يتزوج بس هو جان رافض لان جان يحب امي هواي ويخاف عليه من مرت الاب ابويه مقصر ويايه بشي كل الي اريد جيبه الي ومجان يقبل...
