وصلت ريم ومشيت على المستشفى،لمن وصلت لاقيت وائل، قولته ليهو ولي يااخ، عندك شنو هنا م تمش قطر وتتخارج سريع ي هناي،قال لي الاسبوع الجاي الحقي ودعي اختك،يلاا سلاام ❤️،ومشى،عدا اليوم عاادي شديد،وعدى اسبوع،وليان ووائل سافرو،كانت زعلانه شديد لانها حتقعد براها،قولته ليها اصبري كلها شهور وتبقو تلاته وتجيبو بيبي كيووت بشبهكم 💓،واصلا انتي حتكملي جامعه هناك وكده يبقى مليتي وقتك،مراد واهلو بجو يوم الجمعه يتقدمو،واليوم ده كان يوم ثلاثاء، حلا بتقول بس يا ربنا جيب يوم الجمعه ده بسرعه 🤲🏽،وبقينا في التجهيزات وكده،وجا يوم الجمعة،واتقدمو،وقالو بالمرّه يعملوها خطوبه،وفعلا عملو خطوبه وجو جاهزين بي هداياهم 💓،وحلا تتكشم وتتخجل،وفرحانه فرح شديد،فجأة اتذكرت احمد 💔،ودموعي نزلت،مسحتها سريع عشان ماف زول يلاحظ،ومر اليوم،كان حلو شديد،العجب حلا،كل شويه سرحانه في خاتمها 😂،اليوم البعديهو مشيت لي ناس خالتو جميله "ناس احمد"،وشلت معاي حاجات من البقاله،ووصلت البيت لقيت لجين قاعده تلعب في الحوش،قولته ليها لووجيينن 😻،قامت قالت لي ماما "بيام" 💔،قولته ليها رووح بياان مشتااقيين ي مززهه ي منقهه ي عسل انتيي،عايني جبت ليك شوكلاتات ناكل انا وانتي بسسسس،قالت لي بثثثث؟ وعملت اصبعها على خشمها 🤫،قولته ليها اي نحنا بسسسسس،وين جميه؟ "جميله"،دخلت جوه لقيت خالتو جميله بتحضر،سلمت عليها وقعدت،قولته ليها البيت صااني مالو ناس احمد... وسكته،قالت لي الله يرحمه ي بتي 💔،انتي الجيتي بدري خالد وريم لسه في الجامعه والله،خالد الايامات دي معصور والله عندو مشاريع وبحوث انتي عارفه ناس الفاينل،قولته ليها ربنا يوفقه ❤️،يلا انا جبت حاجات من البقاله عشان اعمل ليكم كييك شوكلااته عمرركم م ضوقتو زيوو 😆،قالت لي اششي شووكلااتتهه وحركات لكن،ريم كانت بتعملها لي واسي عشان الجامعه بقت م بتفضى، قولته ليها م انا زي ريم واكتر ي خالتو،ارح المطبخ نسوق لووجي برضو معانا تونسناا،قولته ليها خالتو انا لقيت لجين براها في الحديقه م كان معاها زول؟، قالت لي اسي كان ماجد هنا وطلع،شكلو امينه خشت الحمام البره وخلتها،قولته ليها ممكن اسأل سؤال فضولي 😺،قالت لي طوالي،قولته ليها ماجد مالو م بشبه باقي اخوانو؟،قصدي يعني في الملامح وكده،اي واحد فيهم ي اما بشبهك انتي او بشبه ابوهو،قالت لي ي بتي عبدالله ده "راجلها" كان متزوج قبلي،هو اصلا كان عايش في الامارات،واتزوج ليهو اماراتيه،وجابها هنا السودان،وعيشها عيشة ملكة ❤️،المهم بعد اتزوجو جابو ماجد،وو لمن ماجد بقى عمرو 6 سنه،اكتشفو انو امو عندها ورم في الدماغ،وكان الورم في مراحلو الاخيره،وللاسف طلع خبيث 💔،بعد اسبوعين من الكلام ده سفروها الاردن عشان السودان امكانياتو الصحيه زي الزفت،لكن قبل م تدخل العمليه جاتها زي مضاعفات او سكته دماغيه زي م بتقولو،بعداك اتوفت،ربنا يرحمها 💔،ماجد كان صغيير،م بعرف للدنيا شي،طبعا امو وصت ابوهو قالت ليهو : لو انا مت وانت م عرست وجبت ام لي ماجد انا م عافيه ليك،ف ام عبدلله قالت انو تعرس ليهو من العائله وكده،وفي النهايه عبدالله عرسني انا،وجبت اخوان لي ماجد،احمد الله يرحمه،خالد، وريم،احمد ده كان اقرب زول لي ماجد،ماجد اصلا بطبعو كتووم وعصبي لكن حنييين،ممكن يخبي الحاجه الحاصله ليهو على العالمين،الا احمد،بعرف من تعابير وشو انو في شي حاصل معاهو وبحكي ليهو ❤️،يعني احمد كان بالنسبه لي ماجد صندوق اسرار،كل م يضايق ماجد بمش بفضفض وبحكي وبرمي لي أحمد، ممكن عادي لو كان معصب وزهجان احمد بجيب ليهو صحن من الصحانه الشايفاها قدامك دي ويديها ليهو ويقول ليهو اكسرها، وطبعا عمك بكسرها، وكده برتاح 💓،لكن بعد احمد اتوفى اتغير شديد،بقى م بتكلم معانا،الوقت كلو ي اما سرحان،او نايم،او في الشغل،بجيب لينا لجين دي وبطلع، ولمن يجي بسوقها وبمش بيتو، لكن وفاة اشجان مرتو واحمد اخوهو،صعبه عليهو،صعبه شديد💔، عاينت ليها لقيتها عيونها مدمعهه 💔،مشيت حضنتها،عشان اغير الموضوع قولته ليها اها الكيكه بتحبيها كيف،قالت لي كتري الشوكلاته بس 😻،قولته ليها السسسكري السكري ي خالتو 😂،عملنا كيكتنا وعملنا شاي حليب وقعدنا بي مزااج نقطع في الممثلين في التلفزيون 😂،يعني كانت قعده حلوه،شويه كده الباب فتح،خالتو قالت ي اما خالد ي اما ريم،دخل ماجد قال السلام عليكم،ردينا عليهو،امو قالت ليهو ي ولد تعال اشرب ليك كوبايه شاي وضوق الكيك ده حلوو حلاا موش ي لووجي 😘،شال لجين قال ليها صحي الكيك حلو؟ قالت ليهو اي،قال ليها العملو منو ريم ؟هزت ليهو راسها،قال ليها منو طيب؟ قال ليهو ماما بيام "بيان"،عاين لي وعاين ليها قال ليها طيب النضوق الكيك العاملاهو ماما بيام وعمل بي اصابعو كده ✌🏽✌🏽، قعد وكبت ليهو شاي وشرب واتونس معانا شويه وطلع فوق،قعدت معاها شويه وقلت خلاص بعد ده امشي،لمن قمت وماشه على الباب،لجين قعدت تبكي،بتبكي وتقول ماما بيااام 💔،ماجد جا نازل وسمعها بتبكي،مسكها وقعد يتكلم معاها والكلام م نافع،وبس دايره تمشي معااي،قولته ليهو خليها معاي الليله،قال ليها لأ م بقدر معليش 🖐🏽،امو قالت ليهوو خليها معاها ي ماجد مالك انت؟، قال ليها ي امي انتي عارفاها مريضه وبتتحسس من اي شي،خليها هنا احسن ياخ 😒،قولته ليها يلا مع السلامه لوجتيي 💜،ومشيت بوستها وطلعت.
بعد م طلعت بشويه كده،في بيت خالتو جميله،عمو عبدالله جا داخل وشاف الكيك والشاي والشوكلاتات وكده 💓،قال ماشاءالله مزااجك راايق،قالت ليهو اقعد اكب ليك شاي،قعد وكبت ليهو شاي وادتو كيك،قال ليها الكيك ده م عملتيهو انتي ولا عملتو ريم،وامينه اصلا م بتعرف تعمل كيك،اعترفي العملو منو ✋🏽،قالت ليهو بيان 💜،قال ليها ماشاءالله ياخ،البت دي طيبانه شديد،قالت ليهو اي والله على طول بتجي تقيّل معاي،وبتجيب حلويات لي لجين،انت عارف لجين بقت تقول ليها ماما بيان؟،قال ليها سبحان الله،يمكن عشان قعدت معاها فتره الوفاه،قالت ليهو والله يمكن،لكن اتعلقت بيها شديد،ربنا يديها العافيه بس 💓"احم"،قال ليها اي والله،قالت ليهو ي عبدالله عايزه اقول ليك شي والله،قال ليها اها؟،قالت ليهو البت دي م عايزه اضيعها،رايك شنو واحد من الاولاد يتقدم ليها؟، قال ليها والله ماعاارف،قالت ليهو البت دي معتبراها زي بتي والله،اقول ليك شي،نخطبها لي ماجد،خالد ده شاافع،عشان تمسك لي ماجد بتو وكده،قال ليها كدي انتي استهدي بالله يمكن هي م دايره،خصوصا انو هي اتخطبت مرتين وم كملت 💔،يمكن هي متحسسه من الحته دي،يمكن م دايره ترتبط تاني!، قالت ليهو طيب عاين،لمن تجيني تاني هنا بفتح معاها الموضوع،اخد نفس وقال ليها طيب،انا طالع ارتاح ❤️،وطلع فوق،"ي اخوانا الجماعه ديل شايفني بطيخه ولا شنو 😂".
