#عشق_الظابط_للراقصه

توضيح

الكاتب... عيوني هاجر عرفي عن نفسج

هاجر... مرحباا اسمي هاجر عمري 19 سنه اني يتيمه
  قصتي تبداء من جان عمري سنتين ونص صار بجي ولطم جنت اسئل الحريم جانن يكللي امج ماتت جنت اكلهم ون لاحت(وين راحت) جانو يكلولي عند الله فوك
طلعت من عدهن ورحت للحديقه على المرجوحه باوعت للسمه جانت صافيه والشمس مغطيها الغيم دمعت عيني من باوعت للسمه وكلت بداخلي ماما لاحت وعافتني اهئ اهئ
بعد فتره هيج كالو حيصير عرس كالو بابا العريس ازوج ومرته تعاملني بقسوة واذكر جابت بنات اثنين وزادت قساوته وياي وصار عمري ٥ سنوات  وبيوم من اليام بابا كال نروح للسوك نتسوك اني وياه ومرته رحنه للسوك اتسوكنه وبابا اخذلي علاكه كلها حلويات
بسكت وكيك منفش(اسفنجي)وعصير وككو وجكليت وتمر الهند علاكه متروسه وكفنه على الرصيف وبابا راح يم الكادينه مال التصال جانت بوقتها مبايل ارضي ضل يحجي وجان يجي زلمه يسد حلكي ويشيلني ومرت بابا كلشي ماسوت كالتله لا طلعه ويجيك نصيبك سد حلكي واني مثل الدجاجه الي ذبحوها كطعو راسها وضلت تبرغث على الارض وابجي وبابا يكلم ركض الزلمه بي وضبني بحاويات الزباله وجانت دموعي تنزل والدنيه مغرب معرف احد والناس والمحلات بدت تعزل واني بس ابجي معرف شي اجت مره يطلع عمرها حوالي ال 20 وجان وياها رجال جانو يسئلوني واني بس ابجي معرف شكول بعدين كالو اكيد ضايعه دور بل سوك ويفرروني محد عرفني عاد هم اخذوني وياهم للبيت واني بس ابجي وهي تهدي بيه المره وصلنه وعشتني ونومتني بحضنها  حطيت اديه على خصرها وراسي على صدرها شميت عطرها ونمت كعت الصبح غسلت وجهي ومشطتلي وعطرتني وطلعنه على السوك اندور على اهلي ماكو احد استمريت هيج لمده اسبوع محد اجنه ولا شفته بقيت يم المر والرجال وعتنو بيه بعد فتره هيج صارت المره حامل وجابت ولد وبعد ست اشهر مات رجلها وبقيت بس اني والمره وبقت تعتني بيا ورى فترة صار حالنه كوولش مو زين يعني كمنه نتريك لا نتغده ولا نتعشى ومرات نبقه ٣ او ٤ ايام مناكل والطفل حاله حييل ضعف ومره بقينه يومين ماكلنه شي كعت الصبح شفت رجاجيل ثنين شايلين صمون (صمون حجري)وجان الصمون بعده حااار رحت عليهم اركض اطلب صمون واحد عيط عليه واحد اطاني ٥ صمونات رجعت وماما (اي اسميها ماما) حجت عليه كالتلي بعد لسوين هيج اكلنه الصمونات بلهفه وبعدنه مشبعنه استمر هيج الحال يعني صارت معانات بينه مكدر اوصفه بكلمات يعني صار حالنه يبجي الحجر حشاكم صار الجلب ياكل اكثر منه وجان يجي العيد وتحصر على الملابس والطلعه بس جنت احب العيد اطلع على الجيران وادك البيبان يطوني كيك وجكليت المهن بعلاكه ورجع للبيت ناكلهن وفد يوم ماما تريد تطلع كالت ديري بالج على اخوج راحت ورجعت ومعاه ٣ بنات جان شكلهن حلوو مكياج وصبغ اظافر ولبس متحرر وكذا بقن يمنه وبليل شغلن اغنيه واجوي رجاجيل البنات يركصن وهم يطشون فلوس اني ركضت اجمع الفلوس كلت اخذ بيهن اكل
ومن بعد صارت هيج حياتنه يجن بنات يركصن والشباب يرمون فلوس صار حالنه زين كمنه ناكل اشترينه ملابس
وو ماما سجلتني بل مدرسه وصرت شاطره الى ان صار عمري 19   وصلت للسادس علمي ونجحته بمعدل  99.43 وبطلت لان الكليه يحتاجلها مصاريف كوومه يعني ملابس ملازم مدرسين خصوصي عده ابو الخط كلت هاي السنه اجمع فلووس والسنه الجايه اكمل كمت صح اركص بس محد يعرفني احط نقاب مال راقصات واركص ووو اسمي كله يعرفه نور امه الحقيقي هاجر واجوي اغنه الاغنيه طلبوني ومقبلت واكو طلبوني بل اسم ومقبلت وبعضهم يطلبوني للزواج  ...

هاجر.. مواصفاتي اشبه الراقصه الروسيه اوكسانا كطول وبياض وشعر احمر دم طوييل ناعم مغطي مؤخرتي واحبه ومعتني بي وعيوني

هذا لون عيوني شفايفي صغار متروسه مرديه وعندي غمازه بخدي الايسر

__________________________________________
حبايب هذا مختصر عن حيات البطله ادعموني وانزل البارت الاول بسس لحد يلح عليه لان هاي الفتره تعرفون امتحانات وكذا ايمت مايصح عندي وقت اكتب وانزل اوكي حبايبي
قرائه ممتعه بااااااااااي