زواج الاقارب

اهووو هسه انتي الحلوة عمي ادري واني مو حلوة
دنيا...طبعآ مو حلوة كلها تشهد وتكول انتي مو شي

شهد ...اسفين عمي عفنه الجمال الج خلي اروح يم امي احسن ما اضل مكابله وجهج

دنيا... لاعليج الله ابقي هههه ماتروحين منو كاضج حبوبه روحي وسدي الباب وراج
شهد... طالعه طلعت وسديت الباب رحت لامي بلمطبخ كاعده تحظر وتطبخ بلغده هاا ماما محتاجه شي
الام ... اي والله علاوة تثرمين الزلاطه بين ما احظر الاكل
شهد ... سمعت الباب اندك كلت لامي هسه اسوي خل اشوف منو بلباب رحت اشوف منو بلباب ..منو

حسن ...انه فتحي الباب
شهد ... اي هسه هسه ركضت على الشال على الدرج مخليته لان احنه بيت عمامنه شي كاعده يم شي حطيت الشال على راسي وطلعت فتحت الباب

حسن ...  شنو السالفه ماتكليلي ساعه يالله تفتحن الباب

شهد ... بس لبست الشال وفتحت الباب شنو ساعه
حسن ... اهوو يالله شكد اضوج منها (احجي بكلبي)
وهيه لازكه الي لزكه
انطيني الاوراق مال السيارة ابوج وداني يكول كل لام مرتضى تنطيهن الك

عرفتوا. نبذه عني اي اسمي شهد البنت الازغر بلعائله عندي ٤ خوان واني واختي الجبيره دنيا حيل حلوة مخطوبه تخبل اني معاني  حلوة. بشرتي حنطاويه بس الي يميزني عيوني كبار كلش بحيث الي يشوفني يكول كاعده تخزر خشمي زغير بس حلكي بي كبر وشعري مكسر بي رده قويه بس طويل حيل اختي دنيا تحبني وتموت عليه واني هم بس دائمآ نشاقه اني وياها اني اكلها اني احلى منج وهيه تكلي لا اني احلى هيه حيل حلوة .
ما انه ادري عليمن طلعت يكولون اشبه امي ههه ابوي حيل حلو اخواني نص طالعين على ابوي بيض وعيونهم صفر ونص على امي بشرتهم سمره على حنطاويه يعني مو كلش سمره سمره بس اني من كبرت تغيرت ملامحي بشرتي صارت حنطاويه وصافيه  اني هيج اشوف نفسي ما عندي ثقه بنفسي وابجي من ازغر المواقف بس واحد يكلي بز ابجي ما ادري وكلها تصيح الي ام دميعه

اليوم اجه حسن واخذ الاوراق لابوي حسن حيل احبه من فتحت عيني على الدنيا وانى زغيره كلها تكول شهد لحسن وحسن لشهد

احسه النفس الي يصعد وينزل احسه كلبي ينبض باسمه روحي من الدنيا
اتمنى يحجي وياي يصارحني يفتح موضوع وياي بس هو ابدد الي يكول صنم ساعات اكول ما اريد افكر بي وارجع بس اريد اغمض عيني افكر باسمه افكر بملامحه افكر بشخصيته رغم انو هو مو ذاك الجمال بس انه تعلقت بي واحسه الي ومستحيل يصير لغيري

شهههد شهههد
شهد:هااا
الام : وينج يمه صارلي ساعه اصيح عليج
شهد: اجيت يمه
الام : اكلج يمه خابروا بيت عمتج تكول جايين
شهد : ياعمه
الام : هاي شبيج روحي بدلي ولبسي شي حلو اضن بيت عمتج جايين يحجون بموضوعج انتي وحسن
شهد من حجت امي طكتني صفنه باوعت شنوو امي شجاي تحجي موضوع ايش
ايي يارب كون صدك الي بالي
حسن كان الحلم الي احلم بي حتى دراستي تركتها من شفت نفسي كبرت وبينت ملامحي استحي اطب واطلع واصلن ما احب الدراسه مو كلش بلدراسه بلكوه وصلت الثاني متوسط بلدفرات