فصليه بسبب غلطه سياسيه وعشائريه🔞

بارت1

هلاوو السلام عليكم حبايب كلبي اليوم راح نحجيلكم عن قصه علي ونبا..🔞🔞

هاي القصه مختلفه عن باقي القصص مراح يموت احد او احد يكتل الثاني بلعكس تمام حيصير غلط ومشكله تادي لمشكله جبيره تنحل بلفصليه(نبا)..

#_تنويهه القصه جريئه+واقعيه🔞🔞🔞

..................بسم الله الرحمان الرحيم....................

علي_الو السلام عليكم ابو خالد
ابو خالد_وعليكم السلام شونك وليدي علي اشو مجيت اخذت ادوات البناء
علي_ي هوا راح اجي اخذهن حيكون مشروع ناجح وفخم اني متاكد
ابو خالد_ي صح مشروع حلو بس المنطقه سكنيه اعتقد راح تواجهه مشاكل
علي_ميهمني المهم عدي انو هاذ الشروع يمر ع خير
ابو خالد_ان شاء الله

...(علي)...السلام عليكم اني علي من عائله متكونه من اب وام وعدي 3 اخوات ثنين مزوجات وحده تدرس اسمها نور وعدي ثنين خوان واني الجبير عمري29 اهلي دائما يلحون عليه ازوج بس اني ما اريد ممفكر بهاذ الموضوع لائن بعدني اريد اعيش حياتي واطور من نفسي وشغلي احب اسوي مشاريع واحصل فلوس احب التجاره والبناء هاذ هوسي لذالك ممخلي الموضوع مال زواج بالي وخواني ازغر مني مزوجين واحد عمره25 والثاني21 لذالك امي ماكله كلبي المهم اكو منطقه سكنيه بمنطقه........(كتلكم واقعيه فما اريد اذكر المناطق).. بيها ارض 3000 متر شتريتهه وحبيت ابني بيها مول احنه عدنه خير من الله ابوي تاجر وخواني يشتغلون واني هم ماخذ الصنعه مال ابوي المهم صرفت ع كاع هواي حته ابنيها جبت مواد البناء هواي وكلفني هووااي فلوس وطلعت عمال وطيتهم فلوس مقدما حته يهتمون بلشغل وميقصرون ....

علي_السلام عليكم يمه
ام علي_وعليكم وليدي
علي_ي اريد جاي من ايدج الحلوه
ام علي_يمه اني مدايمتلك وصرت عجوز شوكت اجيبلك امريه تسويلك جاي تغسل هدومك
علي_ها يمه بدنيه بهل السالفه لي متخلص شون اكلج حته تفهميه ما اريد ازوج ها ونتي يعني مليتي مني مو
ام علي_يا يمه شون امل منك بس غير اريدد اشوف جهالك
علي_لا تخافين اني مطاير و على يوم ازوج وتركصين بعرسي وتشيلين جهالي بايدج
ام علي_ان شاء الله اشوف هيج يوم
علي_ان شاء الله
ام علي_صدك يمه المشروع مالتك شونه ان شاء الله زين
علي_الحمد الله زيم وراح ابنيه وشكله راح ينجح وجبت المواد
ام علي_ان شاء الله شوف عليه كل الخير
علي_اميين
ام علي_يلا كايمه اسويلك جاي
علي_ي هيج من البدايه وسويلي
ام علي_بس لا عبالك اسكت وراك وراك لحد متزوج
علي_ههههههه الله كريم

......في مكان اخر.......

......هاذ شنو راح يبني هنا مراح نبقي منخلي يبني

...... ي صح لازم احنه منقبل يبني هنا بكاعنه وبنص شارعنه

......ي بس شنسوي لازم نفلشه

.....يمعود اذا نفلشه هيج راح اصير علينه عشاير خلي نكول لدوله وتطينه اذن

......ي خلي نروح لامينه بغداد ونكللهه احنه مموافقين يعني انكللهه اهل المنطقه معارضين هل شي وهيه راح تطينه موافقه انو نفلش المشروع

.....ي خوش فكره هسه احنه16 بيت من عشيره........ مموافين على هاذ المشروع

............

....ولج نبا كوومي صدك جذب شككدد تنامين كومي ساعديني

نبا_ي ماما شبيج من الصبح كايمه متخلون الواحد ينام

ام نبا_ولج يا صبح الساعه ب12 الضهر

نبا_ي وذا خليني نايمه

ام نبا_عوفي الحجي وغسلي وجهج وتعاي ساعديني

نبا_ماشي

(نبا)... السلام عليكم اني نبا عمري18 عايشه ويه ماما وبابا وعدي ثنين خوان اكبر مني اخوي اياد عمره30 مزوج وعده جهال بس عازل واخوي الازغر منه عمره23 بعده يدرس وراح يتخرج ويريد يزوج وحده يحبها من الجامعه واني صف سادس ادبي بس مو كلش احب المدرسه والقرايه بس بنفس الوقت ما اكدر اعوفها ..

............

علي€كعدت الصبح اريد اشوف المشروع لائن بنو الاساس وعلو كلت اروح اشوفه ردت اطلع دك التلفون رقم غريب رديت

علي_الو منو انته

.....شوف اسمع كل الزين احنه فلشنه مشروعك كله وهاي لويه اذن حته بعد متبني بمنطقتنه

علي_شنووو انته منو قطع الخط الجبان اني اعلمك

يتبع....

حبايب هاي القصه جديده ومشوقه ومن هسه القصه جريئهه🔞واتمنى ينال عجابكم هاذ البارت وبااي