انا انسان

202K 16.1K 4.1K
                                    

#الكاتبة_نهى

بس اريد اعرف ليش هذا التجريح والتهجم
الي يحط من تعب الكاتبة احب اكلكم البارت الي تقرونه
بثلاث دقايق
ياخذ مني ساعات من الكتابة والتدقيق
جرم بحقي وبحق القصة من تجي كم وحدة سطحية
تكعد. تقلل وتستهان من قيمة تعبي

بس احب اذكركم . ترة احنا بشر مثلكم
عدنا مشاعر واحاسيس
الكلمة الطيبة تسعدنا وترفع معنوياتنا وتعتبر حافز لتشجيعنا حتى نقدملكم احلى ما عدنا

والكلمة السيئة راح .تخيب املنا وتحبط معنوياتنا وتخذلنا

تصدكون من اقرى التعليقات والغلط والتهجم
بس اريد اعرف ليش تدعون علية وعلى عائلتي
معقولة لهاي الدرجة وصل بينا الحال واحدنا ياكل الثاني
زين اسألكم بالله هاي لو وحدة من خواتكم ينطيكم گلبكم تدعون عليها

اني اعتبرت نفسي اختكم وصديقتكم
والله حتى من اشوف الغلط ما ارد عليهم
اكتفي بس بالمسح بس اكو كلام ينطق الصخر

والله مرات اكعد وية نفسي واكول انا ليش اكتب اصلاً
بالله العلي العظيم حتى مرات توصل بية من القهر افكر حتى امسح القصة واغلق صفحتي

وهسة نازلين بموديل جديد
يكتبون تعليق يطيحون حظ الكاتبة وبالاخير يكتبون هذا نقد ورأيي
والكاتبة لازم تتقبل النقد والاراء
ادري اكو واحد كلج الكاتبة وصلة مسح

اوك اقبل النقد واتقبل ارائكم بس بشرط ان يكون النقد بناء
مو يكون تهجمي صادر من شخص ما عنده اي خلفية او معلومة عن طريقة كتابة القصص وسرد الاحداث وترابطها

تدرون كل بارت اكتبه لازم تشرف عليه صديقتي هدى سعد

تعرفون منو هدى سعد. هي استاذة حائزة على دكتوراه
بفن كتابة القصص في فرنسا

يعني ما يعبر عليها شي
مثل السونار تدقق وتنتقد بس يكون نقدها بناء حتى اطور من قلمي

تصدكون مرات
اذا تشوف بالبارت اكو نقاط ضعف تخليني ارجع اعيد صياغته من جدة وجديد يعني مرات يخضع البارت عالاقل
لثلاث مرات للتعديل او اكثر

طبعاً انا ما اعمم كلامي على كل المتابعين حتى ما ابخس حقهم
عندي متابعين افتخر بوجودهم بصفحتي واسميهم عائلتي الثانية

بس هاي رسالة موجه الى ضعاف النفوس وهم يعرفون نفسهم كلش زين ما يحتاج انزل اسماء صفحاتهم هنا

قضية لم  الشمل حيث تعيش القصص. اكتشف الآن