#البنت_عار🙆🔥🔥

#المقدمه

#البنت_عار🙆🔥

#المقدمة

مجيدة"بصوت عالي":جبتي العار شن جبتي ....كيف بنرفع وجهي قدام جاراتي وسلفاتي😡
جميلة"تبكي": والله ياعمتي كل شي بيد ربي الله غالب💔
مجيدة:البنت عار وانتِ عندك لا واحده لا اثنين عندك اربع بنات...ولدي بنجوزه ودوري وين تطلعي انتِ وبناتك😠

طلعت مجيدة لقت"محمد"ولدها منزل راسه
مجيدة:ماتخافش ياولدي نخطبلك نخذلك اميرة البنات تجيبلك الولد😌
محمد"بحزن":ماقدرتش نرفع راسي قدام الرجاله شن بنقول انقوللهم  جتني بنت اخرا؟ والله الا يتشمتو فيا الناس💔
مجيدة: اسمع شن نقولك ونفذ بالحرف الواحد
محمد:مش وقت تخطيط يمى انا شيل اهموم ادنيا فوق راسي
مجيدة: والله اللي نبي نقوله لك ياولدي يريحك منها ومن بناتها وقول قالتها مجيدة😈
محمد"بفرحة":شنو؟!
مجيدة: اطلع ع ناس وقوللهم جابت ولد وعطكم عمره ...هذا اول شي عشان راسك يبقى في سماء مرفوع
محمد"بخوف":بسس....
مجيدة:لا بس لاغيره هي دير اللي قتلك عليه
محمد:باه وبعد يشوفو البنت قاعده شن بيقولو؟🙂
مجيدة:قتلك نفذ بس ماتفكرش التفكير خليه ليا

طلع محمد ولقى خواته قعدات يادوب جيات بيشوفن شن جبت جميلة ولد ولابنت عشان يشمتن
هاجر: شن جابت ياخوي...شكلك حزين اكيد دارتها وجابت بنت اخرا
محمد"وجعاته منها": اه لا جابت الولد وعطكم عمره😐
هاجر"بصدمة": قصدك حتى كيف جابت الولد قتلاته يا ناري عليك ياخويا من بين الرجاله راسك في لارض
محمد"بصوت عالي": خلاص عاد انتهى الموضوع معش تنقشي فيه😡

وطبعا الخبر مسرع ما انتشر" محمد جه ولد لكن توفى "لان الناس قصقاصه ويبو يعرفو جميلة شن جابت واللي يبي يشمت اكثر م اللي يفرح هكي مجتمعنا وواقعنا في سنة "1995" تبو تعرفو شن مع جميلة وبناتها؟!

طبعاً مشى وقت طويل بكل وجت سنة"2012"

جميلة مصبيه بالقوة طلعت للشارع 
تنادي لولد الجيران يا "أسامه" كذا شوفلي دعاء وين دزيتها المحل معش روحت
اسامه: يا عمتي جميلة دعاء بنت تسوى الف راجل ماعليهش  خوف😂💔
جميله: عارفتها بنتي ...انا مش خايفه عليها خايفه ع اللي بيدير معاها مشاكل😭😂

انا روحت  من المحل نسمع في امي تحكي عليا😒🔥

انا: تحكو عليا صار😒
جميلة: ليش دبشك كله تراب ويدك كنها يابختي😱
انا:  مش مني كله من هذاك المغرور اللي يحسب روحه حاجه كبيرة😒
جميلة"بعصبيه": احكي شن صار...ولعند امته بتقعدي هكي احكي البنات تزوجن وانتِ قاعده😡🔥
انا"نزلت ادموع تماسيح": ليش كنك يا جدتي مجيدة😭💔

تعالوو نعرفكم عليا قبل😂❤️🔥
.
.

اسمي دعاء  معروفه وليا هيبتي  لما نطلع لاي مكان ماحد يتجراء يحكي كلمة عليا ولا ع خواتي!!
طبعاً انا البنت الرابعه اللي قالو عليا ماتت😒💔...امي سمتني دعاء ع خاطر كانت ديما تدعي نطلع ولد لكن ما صارش وجيت بنت خطر ع بلها الاسم وهكي... موصفاتي حلوه وفيا انوثه بس مش اي حد ينتبه انا في نهيه بنت جسمي مرسوم رسم عيوني كبار من ربي مكحلات لونهم قهوي وشعري طويل لعند حد ظهري نفس لون اعيوني بيضة لدرجة خياليه وقصيره 😭💔 بس .... عمري17 سنه يادوب مكملة ثانوي وبنخش قانون🔥👌...
.
.
اختي الكبيرة اسماء موليد88 متزوجة وعندها فرخ اسمة منير مزعم كبدي هو الواحيد اللي قادر عليا😭😂..جابت ولد وربي معش عطها بس حياتها حلوه مع زوجها ولدها عمره8 اسنين
.
.
اختي الثانيه موليد89  مروة متزوجة  عندها بنتين وولد  تعرفوهم مع الاحداث ارملة رجلها متوفي  في حادث سير ،قاعده  في حوشها  جنب اهل دارها و صغارها يربو فيهم عمامهم اكثر من مره قلنلها تعالي هل رجلها يرفضو !
.
.
وثالثه منى موليد 92 متزوجة من سنه وماعندهش اصغار حياتها حلوه بس بنسبه الها نقصه رجلها مش محسسها بشي بس هيا تزعج فيه بموضع الصغار تبيه يتزوج بحجة انها فقده الأمل من روحها🔥
.
.
بويا امي ماحكتلنش عليه شي ومانعرفوش وين حي ميت نعرفو انهم قطعو علقتهم بينا في عام1995 بس  وقالو عليا ميتة وماتقبلوش وجود امي بس  حسيت انه القصه فيها شي كبير امبر من هكي امي مش راضيه تحكي💔

هل يا ترا يجي يوم وتحكي كل شي؟!.....

المهم نردو القصتنا😂❤️

خشيت للحوش وانا نفكر في هذك الطويل وكتوفه العراض وعضلاته يا ناس لابس تيشرت لكن كل شي ع شارع😂😭✨ ..بعد شوي فقت ع روحي ...لا انا مش هكي تفكيري في لاخر يقعد أسئلي  بس كان نشوفه لما نوريه من دعاء😈🔥

بس زعما شن جابه هنا غريبه ماعمريش شفته في الحي ؟!...بعد شوي نسمع في الباب يطق
صبيت بنفتح القيت امي سبقتني وفتحت

خشيت للبلاكوني عشان بنشوف من انصدمت القيته نفسه هذاك الشاب😳...ونشوف الأمي قاعده تهزب فيه ماسمعتش منها الا ه الكلمتين"اكثر من مره نقولك معش تجي هنا"
شنو هذا ياربي  اكيد بخطبني امي تلز فيه تبيني نلملها ونكنس بس😭😂💔... شن بيخطب فيا انعنه مخبوط  لازم مانردله اللي داره ليا مشيت خذيت سطل مليان ميه ساخنة
وجيت بنكبه بس اللي صار صدمني😳...

.....يتبع😂🔥

يا ترا شن صاير في هذك الماضي وشن اللي ماتبيش جميلة تحكيه البناتها؟!
دعاء شن دارت من مصيبه ؟البنت هذي كارثه😂💔
والشاب السمح هذاك شن اسمه ومن هوا وليش جي الحوش جميله زعما عشان بيخطب زي ما قالت دعاء؟!😂😳

كلة في الحلقة الأوله ديري متابعه الأميلي  عشان ماتريحش منك القصه +طلبات صداقه فل مانقبلش فيهن 💔 ....وصلوها لل1000 ماتبخلنش عليا بلايك لان والله نعتبره تشجيع الروايا احدثها قويه بكل..تاق الصحبتك تقرا امعككك✨+ انزل ع اميلي قبل القروبات

للكاتبة:لينة المنفي🔥🔥