قضية لم الشمل

🌹🌹🌹

#نهى_الحسون

مساء الخير عليكم احبتي المتابعين
البارحة كلكم تعرفون صفحتي بالواتباد تعرضت للاختراق عن طريق اشخاص مرضى

طبعاً تم التهجم من بعدما سويت حضر لمجموعة متابعين اتجاوزوا بالتعليقات علية وعلى قصتي وهالشي كان من حقي

من اشوف احد يتعدى ويغلط ما مجبورة ابقي بصفحتي شي طبيعي انطي بلوك طبعاً

كام يهددني بأستخدام صورة ابني جنت حاطتها على غلاف قصة كنت حافظتها بالمسودات وكعد يمسح بالقصة
واتعمد اسلوب مستفز وبدة يتلاعب بأعداد صفحتي
وهالشي حطم اعصابي لدرجة التقيء والله دخل بخطيتي

بعدها بقينا للصبح اني والادمن هدى وفعلا كدرت هدى ترجع الصفحة وتسيطر عليها

ومو بس هيج عرفنا حتى عنوانه وراح يتلقى عقابه

وهاي رسالة وتحذير لكل واحد او وحدة تحاول تتجاوز على حقوق الشخصية لأي وحدة من كاتباتنا راح تلاقي مثل الي لاقاه
الاخ المحترم الي مصدگ نفسه رجال

طبعاً اشكر جميع زميلاتي الكاتبات بوقفتهن المشرفة
والمتابعين الي اتهجموا على الحيوان الي كعد ينزل منشورات غبية مثله. واشكر جميع من راسلني عالخاص وحاولوا يقدمون الدعم حتى يساعدوني هالشي فعلا اسعدني
وحسيت من صدك الدنيا بعدها بخير

لكن بنفس الوقت انصدمت من بعض المتابعين الي استغلوا الوضع وراسلوا صفحتي يحجون وية الهكر ويقدموله المساعدة بالتخريب يعني شكد شايفة مرضى نفسيين مثل هيج نماذج اني ما شفت

ومن بعد الي صار بية نفسيتي تعبانة وما كدرت اكتب اي شي من البارت وان شاء الله باجر نتواصل واعوضكم بتنزيل القصة وهي ما بقالها شي وتخلص

مع تحيات اختكم نهى الحسون