أيها الحب إقترب ، هيا و لا تهرب ! يامن يشاركني الطريق ، يا من نشكل أنا و أنت أجمل فريق ، هيا إقترب و لا تنسى الإبريق ، حتى نسقي حديقة الياسمين
كيف ينجح هو دائما في تحريك كيانها الخجول ، و كيف تنجح هي بمسح ماضيه المجهول ، و يبقى الامر كمعادلة لا تقب...
باسم الله الرحمان الرحيم أستغفر الله العظيم و سبحان الله و الحمد لله و الصلاة على رسول الله __________________________________________________________________________
يا يما هاداك حاكم منشار !!! يا وخذتي واشنو هاذاك ماتقوليش موس تاع الشلاظة !! يا ودي خلوني نفهمكم برك يا ربي هذاك خالي محمود ! هذيك الشرماطة تاع جارتنا راهي تجري ثان ، أصبرو ياو ، نفهمكم و من بعد كل واحد يجري "يا ناس عاونوني ! رح يقتلوني " كي العادة راني نعيط و نجري هاذي الخطرة الهربة تسلك ، بصح واش درتلهم !!!!! "ياودي مكاش وين تهربي إمشي لهنا" من نيتو عمي ناصر ! الدنيا كبيرة و عريضة "بففف بصح واش بيكم خلوني نفهمكم " الله الله هذي الخطرة راحت فيا ، أصبرو علابالي بلي ماراكم فاهمين والو ! ذوك نقولكم إتخيلو طفلة ببيجامة تاع سبونج بوب و شعرها مطلوق مخربش كومبلي بيسك كانت راقدة ، تجري ببليغة تاع نيلون و يجرو موراها واحد ثلاثين واحد و بيسك الناس في الجزائر ٱذا صابوا ناس يجرو يحسبلهم الحراك سورتو بالجمعة ! أيا اللي تعرفو و اللي ما تعرفوش تلقاه يجري و مام ماراهو فاهم والو يعني بطبيعة الحال عشيت دايرة الركض الريفي ، يا ماما ارواحي شوفي بنتك برك و روحي إقلي الفلفلة اللي بقاتلك و هذا كامل لاخطرش بغيت نجرب نظرية جديدة ®BEFORE 24 hour® "منال نوضي تنوض بنتي روحي شريلي !!" و كل شيئ بدا عند هذي الجملة ، أنا كنت راقدة في سابع نومة ، نحلم بسبونجي و بسيط حتى تجي ماما تنوضني باش نروح نشري "مانروحش مهيش نافحتلي " يعني مشي واحد النعاس قاتلو كومبلي و يروح يشري صباح للّه "واقيل حسبالك سكتلك خلاص ! ايا نوضي تشوفي راهي 12 " بالطبع نبع الحنان غير تتقلق تولي مرت بابات سندريلا مسكينة ، بوووف هذه بليغة جاية ، يا ربي اعطيني صبر نضت نجري ، غسلت وجهي يعني قريب نص ساعة ، راكم فاهمين ، شربت حليبي ، اوووه هذو محاجب "ياودي ماما نبغيك و الله درتيلنا محاجب صحيتي " و بوووم كي جيت راح نرفد حبة ضربتني "نن هادو مشي لينا راه جاي صاحب باباك الحشية من الخارج و عندو بزاف ما كلاش ماكلة تاعنا جزائرية قالي ديريلو محاجب و بغرير و ماكلة تغاديسيونال راكي فاهمة " و يقولولي أنا نهدر بزاف!! الله يذّلهم محسوب كامل الماكلة اللي نحبها راح ياكلها صاحب بابا ، أنا واش دخلني فيه يا ناس يروح ياكل في غوستوغون ماكان ما دخلني سأنتقم !!! آلوغ بعد المناقاشات الحادة مع ماما "سامية" ، إنتهت بنتيجة رمات عليا القدرة و الماء و أنا لبست حوايجي فيت فيت و خرجت نشري بطبيعة الحال و بسبب الضيف المفاجئ ، رحت شريت كامل الخضر و الفواكه اللي كاينة في الصيف ، و أنا شارية القضيان و جاية إصتدمت ب"رانيا"عدوتي اللّدودة كيما يقولو "واش عمتي منال كملتي القضيان " حبيبتي في عمري 19 سنة برك "آخاه موح القهواجي واش راك دير هنا " ماكاش اللي قالها قصي شعرك تحفيفة تاع لولاد أون بلوس دارت القزع ، و لابسة كيما دوك المافيا اللي يخرجو في الليل لا علينا درت روحي مانيش حابة نكمل و فت عليها و أنا فايتة الطفلة طيحتلي القضيان من يدي !!!! يا بنتي اليوم الجنازة تاعك مور العصر ! باينة بلي تكسر البيض "ولاد الجاج" و البطاطا راحت تزحلق أون ديري راها عاجبها الحال ، راحت للحومة لوخرا ، الطوماطيش لا أراها ، بيسك تحولت لسائل أحمر اللون مع بعض الزريعة، القرعة تاع القازوز تبعت عمتها البطاطا للحومة لوخرا "الله يذلك واش درتي آه يا واحد الحمارة " و جريت ليها ، حكمتها من ذوك زوج شعرات المكيراتيين مليح ، زعمة حوست تعافرني يا ودي أنا ماتعلمتش الكونفو هكاك "إطلقي ٱطلقي آه خلا .،خلا يا وحد......" كلام شوارع تاعها ، مانيش حابة نهبط النيفو تاعي يعني إكتفيت بالتعنيف و الضرب ، ركلة لكرشها ، زوج ركلات لصدرها ، وجهها عمرتو صفاعي ، راهي مرڨتها ، من التحضيري و هي تعيي في جدي ، و في الآخير كي كملت خدمتي و رجعتها كيما قط مشمخ طاحت عليه الشتاء و زلق في المجاري ، غمستلها وجهها بالطوماطيش هذيك ، تستهالي "حبيبتي رانيا إذا عندك لوزينيتي غير عيطي للابيلونص بيسك راكي تسيلي بالدم من كل جيهة " رفدت الصاشي تاع الخبز الوحيد اللي ما صرالو والو و الفلفلة و رحت و خليتها ، ذوووك أنا واش نقول لماما ، تلاقيت بوحدة مهبولة طيحتلي الصاشيات و راح الغالي راح ! مع أنو إحتمال %200 ماتأمنيش ، اوف راني وصلت للدار ، حليت الباب غير بالعقل و دخلت ، آوووو ماكاشها ماما !!! وينها ياو ، دخلت و كانت كامل الضلمة و الدعوة ساكتة حتى اااااااااااااااااااااااااااا —————————————— ————————————— —————— STOOOOOP CV !!!! رواية باللهجة الجزائرية ، كيوت و كل شيئ جديد ، علابالي بلي نتوما كرهتو من نفس الجوغ تاع الزواج التقليدي و عفايس تاع حب تقليدي ، مي هاذي رواية جديدة فكرة مية بالمية جديدة 💖💖💖 آلوغ نتمنى يكون كاين دعم ، فوت و كومونت رجاءا إذا البطلة منال (الممثلة سيلينا غوميز)
Oops! This image does not follow our content guidelines. To continue publishing, please remove it or upload a different image.
