BREAK THE WORLD (LID) COMPLETED

CHAPTER THREE

KATATAPOS lang ng gig nina Oreo, nag-uumpisa ng magligpit ang mga kasama niya, maski ang mga crew sa restaubar ay nag-uumpisa ng maglinis ng kalat ng mga naging costumer nila ngayong gabi. Iilan na rin ang mga natitirang costumer na nag-iinom.

Lead vocalist siya sa kanilang banda, minsan ay naggui-guitarist din siya kung hindi makapasok si Vince na member nila sa banda. Pamilyadong tao na ito, kasalukuyang buntis pa ang asawa nito. Lagi itong absent dahil sa problema  nito sa pamilya.

Hindi niya mawari kung bakit kailangan paglaanan ng emosyon ng mga mortal ang isang bagay na magbibigay naman ng problema sa mga ito. For him love is a mistakable choice. Ito ang nagiging puno't dulo ng kasawian ng lahat ng bagay sa mundo. Infact iyon ang naging dahilan bakit sila pinaparusahan.

Agad niyang isinilid sa bag ang electric guitar na gamit nila. Ibinigay niya iyon kay Ton.

"Uwi ka na Oreojon?"tanong nito sa kanya.

"Oo, may aasikasuhin kasi ako sa bahay. Ako ang tutuka sa bata."

Napangiti naman ng maluwang ang kausap niya.

"Akala ko ba hindi ka naniniwala sa pag-ibig. Pero sa narinig ko mukhang may concern ka sa anak mo."pabirong sabi ni Ton sa kanya.

Imbes na sagutin ang biro ng kasama ay minabuti nalang niyang tumahimik. Bahala itong mag-isip ng kung anu-ano.

Matagal na rin siya sa banda, ngunit pinanatili niyang pribado ang personal na buhay sa mga kabanda. Hindi sa ayaw niya, ngunit iyon ang dapat. Kailangan nilang sumunod. Para manatili ang lahat sa kaayusan.

Dahil ayaw na nilang maulit pa ang naganap dati, kung saan, iyon ang naging dahilan para mawasak ng tuluyan ang mundo ng Acceria.

Naglakad na siya palabas ng bigla'y matigilan siya. Isang babae ang bumangga sa kaniya, maybe dahil sa pagmamadali nitong pumasok sa restaubar ay hindi siya nito agad napansin.

Isang sigaw ang namutawi sa labi nito, kasabay ng pagkasalampak nito sa sahig. Tinitigan lamang ito ni Oreo, lalagpasan na sana niya ang babae ng maramdaman niyang hinawakan siya sa braso nito.

"Hoy lalake! Hindi ka man lang magso-sorry!"Galit nitong sita sa kanya.

Mababakas sa mukha ng babae ang inis. Tinitigan ito ni Oreo mula ulo hanggang paa. Mukhang okay naman ito.

"Why should I have to say sorry. In the first place ikaw 'tung bumangga sa akin."malamig niyang tugon sa babae.

Napaawang ang labi ng babae, bumuka't sumara ang bibig nito upang mag-salita, ngunit sa huli'y pinigilan na lamang nito ang sarili.

Mabilis nitong tinalikuran ang binata. Maski si Oreo'y nag-umpisa ng maglakad palabas.

Ngunit sa hindi niya matukoy na dahilan ay muli niyang sinundan ng tingin ang babae. Nakita niyang tumigil ito sa lalaking nanatiling nag-iinom kasama ng ilang mga kalalakihan.

"Umuwi na tayo Drake, umaga na."bungad ng babae sa lalaki.

"Ano ba Oleene, 'di ka ba nakakaintindi? Diba ang sabi ko hintayin mo nalang akong makauwi?pumunta ka pa talaga rito!"Galit na sabi nito sa babae.

"Sinungaling! Alam ko namang sa babae mo na naman ikaw pupunta!"puno ng emosyon na sabi nito. Nag-umpisa na itong mag-iiyak, kitang-kita ni Oreo iyon. Hindi niya maintindihan pero may naramdaman siyang inis para sa babae.

Mayamaya'y nakita na lang ni Oreo na akma ng sasampalin ng lalaki ito. Napakuyom ng kamao si Oreo, kasabay ng pagtatagis ng kanyang mga ngipin.

Kahit na sinong nilalang ay walang kakayahan na tratuhin ng ganoon. Lalo't babae ito. Naisip niya ang ina niyang si Kendra. Kahit na kailan ay hindi niya nakitang pinagbuhatan ito ng ama nila.