BREAK THE WORLD (LID) COMPLETED

CHAPTER FOUR

KASALUKUYANG nagluluto si Halls sa kanilang kusina. Ilang linggo na rin ang nakararaan ng lubos silang gulatin ng kakaibang pangyayari. Kung saan patungkol kay Eleezhia.

Siya ang nakatukang magbantay sa bata ng gabing iyon, kasalukuyang nasa trabaho pa ang dalawang kapatid noon.

Nakita niyang himbing na himbing pa sa pagtulog si Eleezhia. Iniwan niya ito saglit upang ipagtimpla ito ng gatas.

Ngunit laking-pagkabigla niya ng magbalik siya'y wala na ito sa kinahihigaan. Bigla siyang sinakmal ng takot sa mga sandaling iyon.

"Kamusta Halls?" Walang anu-ano'y may narinig siyang nagsalita sa kanyang likuran.

Bigla niyang iniiwas ang tingin. Wala kasing kahit na anong saplot ito.

"H-Hey! s-sino ka ba? N-Nasaan si Eleezhia!"pautal-utal at marahas niyang sabi.

Mabilis siyang kumuha sa damitan ni Zain. Inabot ni Halls sa babae ang t-shirt  ng kakambal niyang si Zain, sa tingin niya'y aabot iyon hanggang sa tuhod ng babae.

Nang masigurado niyang nakapagdamit na ang babae'y agad niyang kinumpronta ito. Tinanong niya kung nasaan si Eleezhia.

Sa pamamagitan ng paghinang ng mga mata nila'y naipahatid ng babae na siya at ang sanggol na kinupkop ng mga ito'y iisa..

BIGLA ay napabalik sa kasalukuyan ang isip ni Halls. Naramdaman niya mula sa suot na pantalon ang pagvibrate at pag-ere ng calling alert tone niya na "Living is Dying" kasabay niyon ang rockstyle na genre ng kanta.

Gustong-gusto niya ang bawat lapat ng tunog nito sa kanyang pandinig na nagbibigay ng kapayaan at aliw  sa kanya.

Mabilis niyang inalis ang suot na mitten sa kamay. Pahapyaw na pinasadaan ng tingin ni Halls ang caller ID ng kasalukuyang tumatawag sa cellphone niya. Nang makasigurado'y agad niyang sinagot iyon.

"Hello Hailey, napatawag ka."napangisi ito habang naglakad papunta sa referrigerator, binuksan niya iyon. Agad siyang humablot ng baso sa lagayan. Iniipit niya ang cellphone sa balikat niya padikit sa kanyang tenga.

Agad niyang inabot mula sa loob ang pitsel ng tubig upang makainom. Pagkatapos ay muli niyang isinara iyon gamit ang paa.

"Hoy Halls! Ano na namang pinagpopost mo sa IG at Twitter mo, hindi ba ang sabi ko iwasan mong magshare ng litrato na labas ang dila, maski ang mga babaeng pinupuntahan mo sa night club ay pinalandakan mo pa talaga!" Panenermun nito sa kabilang linya.

Imbes na mairita ay aliw na aliw siya rito. Napahalakhak siya lalo ng sunod-sunod ang ginawang pagmumura nito sa kanya.

Kababata nila si Hailey bukod tanging ang pamilya ng babae ang nakakaalam ng totoong katauhan nila sa mundo ng mga mortal.

Maski ang mga pinagdaanan nila noong mga bata sila'y alam nito, kaibigan ng yumaong Lola nila ang Lolo nito.

"Sige tunatawa ka diyan Halls, iniisip ko lang ang magiging epekto ng pinaggagawa mo sa career mo! Magbehave ka naman letse ka!"Nanggagalaiting bulyaw nito sa kanya.

Naiiling lang si Halls, kumuha siya ng pot holder para kuhanin ang nakasalang sa oven na roasted chicken.

"Easy babe, masiyado kang hot! 'di bagay sa'yo!"pang-aalaska niya.

Nahimigan niya ang marahas na pagbuntong-hininga nito mula sa kabilang linya. Kung hindi niya kabisado ang ugali nito, iisipin niyang nagseselos ito.

Pero imposible iyon, kilala niya ang mga tipo nito. Kahit palagi silang magkasama ay malabong magkagusto ito sa kanya, personal assistant niya ito at the same time sub manager na rin.