#تموجات القدر
#سارة ماجد
انت اللي منو وليش دتعيط
_ ياحلوة هذا بيت اختي وعلى ما اعتقد انتي الكائن الغريب هنا
ولله حلوة هاي هم نزل وهم يدبج ع السطح
فتحت عيوني عليه مستغربة : منوو بيت اختك لتگول خالة دنيا
_ من عاب هالعيون الحلوة عبالك عيون بقرة
واي دنيا اختي ليش هالأستغراب
_ هااا ، لا بس انت زغير شلون اخوهه واني ابد مشايفتك
_ يعني شلون بله چان لازم بكل مرة اجي بيهه هنا ادگلچ تحية واگلچ يابه تره اني اخو دنيا واجيت هنا
باوعلي من فوگ ليجوة
ومضيق نضراته وانتي يازقچة اكيد بت احمد مو منو منهن علا
_ لا اني السن
_ السن بالسن والبادي اضلم
_ شنوو
ضحك
_ لا سلامتچ مو يمچ الموضوع بس شنو قحط اسامي وسموچ هيج
_ اصلا يخبل اسمي وبابا سماني
_ اممم دروحي بابا يله روحي لبيتكم خل ادخل تره جاي من طريق بعيد وانتي لا خلقة ولا اخلاق بالچذب متگولين خل اوخر هذا الولد جاي من طريق بعيد واني لازمته دگ سوالف
انتبهت عليه بيده جنط ملابس ومبين عليه تعبان
باوعت ليورة شفت سياره نزلن منها نسوان ثنين ورجال چبير هذا اعرفه يصير جد سهاوي
ومرة چبيره هم بيبية سهى شايفتهم من يجون هنا
رحت تقدمت عليهم
فتحلي عمو نافع ايديه وحضني: ياهلا بلسونه هلا بالگمر هلا بالجمارة مالتنة هلا بجميلتنه
هذا استقباله الي بكل مرة يشوفني بيهه كلش يحبني وجان اغلب المرات من يجي الگا جايب شغلة الي لو تراكسود لو ثوب او قراصات
لأن اغلب الاوقات من يجي لبيت عمو اثير اني اتواجد هناك العب ويه سهى
ويضل يلعبني لو يطلع يشتريلينه
ف علاقتنة حلوة
وجهه بشوش التجاعيد اللي بوجهه وشعره الأبيض زايدته حنية ومحبة ...
سلمت عليه وع البقية ورأسا انهزمت البيتنه استحي من خواته وامه ...
تلگتني ماما: شبيچ منو راكض وراچ ووجهج مخطوف
_ لا محد بس بيت عمو نافع اجوي
_ منو ومنو منهم جاي
_ عمو نافع وخالة فخرية وخوات خالة دنيا شيماء وايناس واخوهم ما اعرف شنو اسمه بس صغير وابيض ماما عبالك امريكي
_ خاف هذا مصطفى
_ ماعرف اول مرة اشوفة
عفتهه وفتت جوة لگيت سالم مشغل السيگة ديلعب رحت جريته من اذنه
_ تعال انت ليش تضرب سهى تالي وياك كل ماتشوفهه تأذيهه شبيك مچلوب
YOU ARE READING
تموجات القدر
Romanceفي حياة كل منا امواج تطيح بنا الى ما لا نبتغيه دون اي ارادة منا هناك من يستسلم لذلك .. هناك من يتحداها ويمشي عكس الأمواج تلك امواج القدر..
