ضريبة عشك

مقدمه

منهو انته .. ؟ منهو انته .. ؟
او جالغريب ... اعرضت عني !!
.. اوضيعت كَلبي .. اورجفته
آنه ، من جافاه خله .. او مانصح
.. وياه وكته
آنه زين .. او شين .. لأجلك
غلّست عنه .. او حملته
كورت .. حسرات كلبي .. او شوكَي
.. بين اجلاي ، جبته
اوجيتك .. ابتله دليل ..
المايعن .. واشكثر لمته
جيتك .. اوجرني الهوى ..
اوطاعة .. ذليل الشوك ،
طعته
اوجنت . اظنك .. طيب .. اوجفك
على الطيبات ، فلته
حسبّت لسه اعله حالك .. اريحي
اوذاك الوفي انته
حسبت .. غم الوكت .. يا رخص
الحساب الحسبته

گمره  ياحلو  الگمره  ترد مثل اليزرع شتل ورد
بوسط بستان كاعه صحره  وتزهر وترد الروح لي

اليوم جمعه وانه مناطره بالدار اريدن ينامون طفيت الاله على خواتي سطرتهن وحده بضهر الاخ ودفيتهن

واليله شته والجو يكرص برد بس عبدالاله كال عوفيه مشتعله ادري بي يخاف من الضلمه ويستاحش

هاي بي خوفه منهد البزون وهوه عمره ست سنین
عدلت غطواتهم وكمت على كيف اتسحب

رفعت اليزار داكينه على الباب  شفت الحوش اضلم بس ضوه الگمر لفيت روحي

بلمشمر خالته على اجتافي ونزلت الدجه همزين تلاحكت لبست جواريب ابويه الصوف حياكه نسيج

تعديت بيتنه وانه امشي بلبستان وتلفت لايفز ابويا
لو يلمحني احد والحشيش يطخ بدشداشتي القديفه
وجواهه بجامه مدفيه رويحتي مابيه اتمرض واكعد بلفراش والبيت يذرع(دود ذراع) عگبي منو ينظفنه

سمعت صوت همس بأسمي فز كلبي طاير هذا ضاوي
رحتله واكف وره شجره تلكاني هلا بلگمر هلا بهلال العيد لو حدر هلا بم بيتي

دنچت مستحيه هلا بيك يابعد اهلي جرني كعدني بصفه واني الخجل يزيد بروحي واحس صخنت

كافي يضاوي تدري بيه استحي

هوه انه شريد غير خجلج

چلماتك هيج تخليني احب اسمعهن

ابتسم انه وضاوي واحد يعشك الثاني مشيت بدروبه واعرف دربنه غلط وماهو من تربيتنه عدنه البت لو حبت معناهه سوت شينه وماهي  شينه وتنطم

لا تنوخذ علج والوادم تعلج بيها ومن شوكي اله نسيت نفسي وضلينه نتهامس واعرف بيتنه بعيد عنه الصوت بس الحذر غلب القدر

لحد ما تجرء ضاوي ولزم ايدي سوه اشه هاي شنو اديناتج ثلج بعد رويحتي تدفي جرهن وخلاهن جوه تشيرته على بطنه حسيت برعشت جسمه

وخرتهن كال ليش

كتله لا هسه انه ادفيهن

صكد ضاوي يمته تلتحق

كال اذا الله سهل اليله فجريه نلتحق

ويمته بعد ترد

جر غصن صغيرون يلعب ويرسم بلترابه الكدامه كال ماندري القائد منطيهه انذار والحرب كايمه وجبتنه على اليله نلتحق ومناك ياخذونه للحدود

دنكت والخوفه بكلبي لا صدك يصيرله شي وهواي من ولد ديرتي وقريتنه اخذتهم الحرب وراحو چوه التراب كل واحد حيد ويسدون عين الشمس

كتله ضاوي اني خايفه عليك لا يصيرلك شي

عليش خايفه كلمن يموت بيومه ههههه حسبيني جلب ومات عادي حالي حال رفيجي مات منا وره شهور زوجو ابنهم انسه وراح

تكرب ناحيتي واخذهن بين ايديه يفرك بيهن وينفخ هوه دافي من حلكه رفع راسه باوعلي وانه اتنوعله

همس شهل حسن بويا سبحانه ابدع وصور

دنكت وكتله وانت هم موكاصر جمال بس طولك شطب ريحان

ضحك برهاوه انتي الشطب رياحن كمره هذني الج بعد بيتي شطب رياحن طولج مو انه چني سعفة نخل

ابتسمت شفته غابت ابتسامته وعيونه تتنقل بين عيوني مثل تلاكي عيونه تلاكت كلوبنه غبنه بذيج
الضلمه تهنه بشوك غفه على همساته

لمساته جردتني من ثوب العفه تهت بعالم عشكه محاسه بوجود اي شي غير انفاسه التتنقل من جزء الجزء

لفني بطانيه الكاعدين عليه وين وصلنه وين تهنه بكاع
مابيه بس انه وانت بدرب مامديوس دسته وياك بحرب
خسرتني احله ايام عمري

لاتشد على روحي تدري بروحي بس وياك تفيض جردني من احله شي بعمري محاسه منومه بمغناطيس
چني وحده مضروبه براسها ماوعيت اله على ألم شل جسمي شل

فزيت دفعته حدرت تحتي مخروعه شافني طفر لبس بجامته مصدومه مااعرف هذا شنو التحتي وشنو الصار احساس عمري محاسته شافني ارتبك وهوه يتلفت منا ومنا كعد يمي كلي اشش گمره باعي بعده يريد يسولف

وسمعنه صياح ابويه ويركض محسيت غير ضاوي اخذ نعالك واطفر وصل اليمي ابويا وانه اختض من الخوف وامي وراا تركض

صاح قذررررررره قذرررررره وتولاني ضرب ماعرف منين على راسي وجسمي ارافس جوه ايده واعيط وابجي وهوه مستمر يضرب

امي تسحب بي وتتوسل وهوه منين جاب هل قوه رغم كبر عمره ونعومت جسمه اصيح يابه فدوه اروحلك لاهيج تضربني

سحب جذع شجره يابس وبي شحافير ورك ورجع كسره عليه وامي وخواتي يلطمن

ويبجن مايكدرن يتقربن يمه يخافن ينضربن اباوعلهن واصيح فدوه يمه نقذيني يمه راح اموتن

امي صارت فوكي ودفع بي وهوه تولانه ثنينه حاضتني وتبجي وحاطه ايده على حلكي تمنعني اعيط وميطلع صوتي ويسمعه بيوت البصفنه خصوصاً بيوتنه وسط بساتين والمكان مفتوح يوصل

جسمي كمت مااحس بي جرني دفعني احس شي دخل بزري شاغت روحي لحد ما كعد يلطم على راسه طينتي راسي كمررررره طينتي شيبتي

ماحسيت بروحي غبت عن الدنيا واني اسمع نحيب ابويا