السلام وعليكم
كيفكم 💙💙
الطبيعي إنه إنت كانسان تنتقل من فئة عمرية لتانية من طفولة لمراهقة لشباب وهيك
لكن الفكرة إنه مو كل الناس بتسمحلهم الظروف إنهم يعيشو فئة عمرية معينة أو اكتر بشكل سوي وكافي
في ناس بتتخطى فئة عمرية للفئة اللي بعدها بعدها بدون ما يعيشوها
وفي ناس ما قدرت تتجاوز فئة عمرية معينة وضلت عالقة فيها ولو بجسد وملامح اكبر
وفي ناس افنت عمرها تركض ورا عجلة الحياة بدون ما تستمتع بكل فئة وتعيشها صح
فمثلا
الناس اللي بتنشا بتفكك اسري ، بتنولد يتيمة ، بتنولد ببيئة وظروف سيئة ،الطفل اللي بنولد اب لاخوانه ،او الطفلة اللي بتنولد ام اخوانها رغم صغر الجسد والملامح الخ.....
فبصفي الإنسان لا قادر يعيش بالحاضر ولا يفكر بالمستقبل و الماضي بأثر عليه
انسان بلا روح عالق بيين الماضي والمستقبل
فالحل بهاللحظ إنك تاخد بريك من كل شي بتفكر فيه وتتخلص من شماعة الأعذار وتفكر بالاشي اللي بتقدر إنك تعمل حيال هالاشي ! شو بتقدر تصلح ؟
فكر باشي مثلا لو رجعت طفل هلا بتتمنى تعمله ؟
بتتمنى تحضر كرتون ؟ خصص وقت إنك تختم فيه كرتون قد ما بتقدر
بتتمنى تلعب تروح الملاهي ؟ العب وصرخ وانبسط
بتتمنى يكون عندك اهل ؟روح على دور الرعاية واهتم بأب او أم واعتبرهم اهلك واذا الله قدرك عيشهم معك
او احسن معاملة الكبار من جيرانك والناس العامة اعتبرهم بمثابة اهلك
بتتمنى يكون عندك ابن ؟ في كتير اطفال رائعين بتمنو حدا يتبناهم
أيا كان الاشي اللي بتتمناه إذا بتقدر تعمله اعمله
ما تخلي اشي ممكن يحررك من التقيد بين المستقبل والماضي الا واعمله
واتعلم بعدها انو دايما تعيش الحاضر بكل قواك القلبية والعقلية مهما كانت الظروف
لا تاجل احساس حلم رغبة عمل الخ ...
لا تاجل شي والله يهدي بالي و بالكم 💙💙
#البتول_حماده
