كانت تجلس شارده الزهن تفكر متى سينتهي هذا العذاب التي تعيش فيه تكره نفسها وتكره الحياه، يا الله متى سينتهي هذا العذاب
فاقت من شرودها ع صوت امها وهي تقول :
رهف حبيبتي مالك سرحانه في ايه كده؟
أجابت رهف : مفيش يا ماما عادي بفكر في المدرسه كده
الام : طب يلا قومي حضري الفطار عمال ما اصحى ابوكي
رهف بغضب : مش اسمه ابويه ميت مره قولتلك مش تقوليلي ابويا ده انا ابويا مات خلاص ده جوزك انتي
الام : بنت اتكلمي كويس عن ابوكي كده وااه هو ابوكي احنا منغيره كنا هنكون في الشارع واتكلمي بأسلوب احسن من كده ويلا انزلي حضري الفطار
رهف نزلت وكانت بتبص يمين وشمال خايفه انه يكون صاحي رغم ان مامتها قالتلها انه نايم
...................................................
في المطبخ
رهف تدندن ببعض الكلمات من الاغنيه وفجأه اتخضت اول ما سمعت صوته وسكتت
كمال: مالك ياروحي سكتي ليه
رهف بصتله بقرف وسكتت
كمال وهو يقترب منها : بس ايه الحلاوه دي احلويتي اكتر من الاول
رهف : ابعد عني الا والله هصوت والم عليك الناس
كمال : الله القطه بقت بتخربش ولا ايه لا يحلوه اللي انا عايزه منك هعمله وهعمله قريب اوي كمان
وفجأه دخلت الام وجدت كمال يقترب من ابنتها بطريقه قذره نعم فكمال زوج امها وهو أصغر من امها ب ١٠ أعوام
احضر كمال الاطباق من جانب رهف كي لا تشك والدتها وقام بطبع قبله ع خدها وقال : صباح الخير يا روح قلبي
والأم وهي ما زالت تنظر لبنتها : طلعت الاوضه لقيتك مش فيها غريبه يعني نزلت بدري
كمال بغضب مصطنع : والله براحتي انزل وقت ما انا عايز مش كفايه بنتك اللي مش بتعرف تعمل حاجه دي
الام : خلاص ياحبيبي مش تزعل نفسك انت بس وانا هعمل الفطار
كمال : تعملي ازاي وبطنك الكبيره دي بس انا عايزك تريحي نفسك خالص يروحي
رهف وهي مازالت تستمع الي حديثهم وحاولت كبت دموعها ثم انهت وضع الاطباع وقالت : انا ماشيه ع المدرسه
الام : طب استني خدي فلوس عشان تركبي مواصلات ولا حاجه
رهف : لا لا انا همشي سلام
رهف كانت تمشي ببطء وهي تبكي ثم اخذت تجري تبكي وتبكي ع ما أصابها الله به
نسيبها شويه ✋
..................................................................
في قصر كبير يدل علي فخامته ومن يراه يعجب به كثيرا
سلمي بنت مغروره ومتكبره ومبتحبش لغير الفلوس وبتتكبر ع الفقرا وبتكرههم
سلمي وهي تنظر للميتم الذي أمامهم : ماما هو كل اللي في الميتم معندهمش ام وأب
فريده : لا يا حبيبتي في ناس بيكونو مش قادرين يصرفو عليهم فبيجبوهم تحت حمايه الدوله
سلمي : اممم تمام بقولك ايه يماما خدي اللبس ده مش عايزاه انا شرياه من الشهر اللي فات لبسته كله وقدم عليه اديهلهم احسن من القرف اللي بيلبسوه
فريده بتواضع : حرام كده يا سلمى مش كل شهر ع الحال ده الفلوس بتترمي ع الارض وياريتك بتاخدي ثواب لا ده انتي بتعيريهم
سلمي : ماما ينفع تبطلي التواضع اللي انتي فيه ده وبعدين شويه كلاب اعمل فيهم اللي انا عايزاه وبعدين الفلوس دي كلها هتوديها فين يعني
صمتت امها لأنها متعبه ولا تريد النقاش معها فإبنتها مغروره جدا ومتكبره فهي عكس امها ووالدها تماما
.............................................................
في الميتم
مريم : اوووف بقالنا اسبوعين بناكل نفس البطاطس انا زهقت اقسم بالله
ريما : بقولك ايه يبت انتي مش تقرفيني في عيشتي اطفحي وانتي ساكته
نور: والله يامريم ياحبيبتي احنا مش عايشين في فندق خمس نجوم والله عايشين في ميتم يقرف الكلب
مريم : خلاص خلاص انا بدردش معاكو ايه يعني اللي حصل
نور : يشيخه اسكتي والنبي سبيني اتكتك كده في دماغي هعرف اهرب ازاي من المزبله اللي انا عايشه فيها
مريم بحزن : انتي لسه مصره ينور انك تمشي من هنا وتسبيني
نور : بقولك ايه وشك النحس هو اللي بيخليني افشل في كل مره اخرسي بقا وكلي عشان نتخمد
.....................................................................
في المدرسه
رهف شارده فيما يحدث لها ويا ترى هل ستتخلص من زوج امها كمال ام لا قطع شرودها جرس الذي يعلن وقت راحه التلاميذ
مايا : انا منقلتش حاجه من اللي المس دي بتقول عليه انتي نقلتي حاجه
رهف بحزن : لا
مايا : شكلك كنتي مش مركزه وغمزت لها : عندك كراش ولا ايه يا قطه
رهف باستهزاء : كراش ونظرت لها بحزن
مايا : مالك يا رهف فيكي ايه حزينه كده ومش بتتكلمي انا ملاحظه ده من زمان وسايباكي لما تيجي تحكيلي مالك يروووحي
رهف بتردد : هحكيلك بس متقوليش لحدد؟!
يا ترى رهف هتقول لصاحبتها ايه؟!
يا ترى هتتخلص من اللي جوز امها بيعملو فيها؟!
القدر هيضحك في وشها ولا هتفضل تعيسه طول العمر!
؟!
انا نزلت البارت الأول اهو وياريت تقولولي في ال كومنتات عجبكو اول فصل ولا وحش وياريت تدعموني
