الضحية الثامنة

الحلقة 1

الضحية التامنة 1 .... (المقدمة ). ####حقيقيه

.....في يوم محماطي في قايله مش مقايله لي آمها كان في ....

لبنى :فتحت اعيوني بالشويه حاولت انوض من الفراش وراسي يوجع فيا قعدت نفتح ونصكر في عيوني بالقوه نبي نذكر شن صار وفجأه شفت لي حوايجي الي لابستهم القيتهم عادي مفيش اي شيء فيهم نضت بخطوات بطيئة بإتجاه الباب وندعي في داخلي ان الي نذكر فيه يكون مش حق فتحت الباب وطلعت من الغرفة ونشوف في حوش كبير قعدت ندور بعيوني أعلي الشخص الي شفته واذا بيها في لحظه نخبط في شخص طويل وعريض نضام جسمة عضلات وشعره يعتبر طويل وعيونة زي لبحر نشوفلة بخوف

لبنى : انا شن اندير اهني وانت مني وعلاش تشوفلي هكي............شافلي من فوق لا لوطة وقام حاجبة وأشر بصبعة ع الصالون

أنس : خشي اهني

لبنى: مبيتش نزيد معاه ولا كلمة لان كان يشوفلي بنضرة تخوف اتجهت لي الصالون وقعمزت

أنس : شافلها كيف قعمزت وجي قعمز حتى هو وقدامة سفره ياكل و مش معبرها

لبنى : نفكر هل دار حاجة وشن صار في أمي وصاحبتها
وكيف بندير لي البلوه هدا الي يخوف وكيف بنهرب من أهني
وفي نص تفكيري نسمع صوت الغول الي قدامي يكح شارق
درت روحي فالحة بنجيبله ميّه نضت نجري خشيت الكوجينة واذا بيها نلقاه في جنب دولاب المطبخ باكو كندرة فيه سم صبيته كله في لميّه وخلطة فيسع فيسع وهووووووب لي الصالون

أنس : يكح وجها احمر وقريب يموت كان مخنوق

لبنى: شد اشرب بسرعة..... نشوف فيه كيف يشرب 👺

أنس : ناض متعفلق ويشوفلها قريب يا كلها بعيونه وعيط أعليها بصوت عالي ... خييييييير امك جبتيلي ميّه مالحة 😠

لبنى : في خاطري انشاء الله تأتر فيه العجل هدا ... انا درت روحي خايفة😭،،،،،،، منعرفش جبتها من تلاجة لميّه

أنس : قلب الصفرة الي قدامة وطلع من الصالون

لبنى : أول ما طلع من الصالون طلعت وراه بخطوات بطيئة باش ميفيقش بيا شفته خش لي دار وخلى نص الباب مفتوح🔥 ....

خلي نرجعوا لي الخلف شويا✨

قبل خمس ساعات 🔥

نهلى : هيا حبيبتي وقت اعلينا

لبنى: شويا ماما نلبس بس

نهلى: يرزيني فيك لا توا ملبستيش

لبنى : كنت نغسل ....... وقدت نلبس فيسع لبست بلوزة بيضة وسروال جينز وجكيت جينز وسبيدروا ابيض و شاح حرايري ابيض مزخرج بالبودري وشنطة بودرية وطلعت

نهلى: اتعيط من بعيد .... هياااااااا نشفتيلي ريقي الله لا يسامحك

لبنى : باه أهو جيت