للكاتبة الشيخة...
مرحبا
هاي اول قصة الي بالواتباد اتمنى تنال اعجابكم وهي باللهجة العراقية
في بغداد الساعة 7 صباحا في بيت يعمه الهدوء وتغرقه راحة الريوك العراقي المشهور (كاهي وكيمر والجاي المهيل )
نورس:ترف...ترفة يلا كومي حبيبتي راح تتاخرين علة دوامج
ترف:اي ماما كمت..صباحوو يا احلى ام بالدنيا
نورس:صباح الورد على عيونج يلا حبيبتي كومي وكعدي اختج وياج بينما اصب الريوك
"حاضر ماما " حجت ترف وهية توخر الغطى عنها وتروح لجوري
ترف: جوري ..جوري. جوووووري
جوري: ها ها شكو منو مات وشوكت 😮
ترف خربت من الضحك على اختهة
"كومي كومي محد مات بس راح نتاخر عالدوام " حجت ترف وهية اعوف اختهة وتروح تطلع ملابس الدوام
اعرفكم عن نفسي اني ترف عمري 19 أول سنه كلية اداب قسم فرنسي
اني حلوة الحمد لله ماخذة جمال امي لان ماما كردية اني بيضة وعيوني لون اخضر زيتوني طولي حلو 160 وزني 60 يعني شكلي مناسب
اني هادءة وماحب اتكلم هواي وما عندي اختلاط باحد من دوامي للبيت ومن البيت للدوام
اني البنت الكبيرة ماعندي اخوان اولاد عندي بس اخت وحدة اسمهة جوري 17سنه خامس علمي وهية هم حلوة بس جريئة مو مثلي هادءة بالعكس هية اللي تخلي البيت كلة نشاط وصوت ضحكهة يملا كل اركانة
بابا وماما الحمد لله عايشين بابا علي 48 سنه محاسب ببنك شخصيتة قوية وكولش يحبنة ومدللنة وما يقبل بالغلط ويعتبرنة كولشي بحياتة
ازوج هوة وماما بعد قصة حب طوويلة وبعد عناء يلا اخذهة بحكم انو اهلهة مينطون لعرب
وماما نورس38 ربة بيت اعتبرهة صديقتي قبل متكون امي ماضم اي شي عنهة طيبة وحنونة عمرهة ما قست علينة
بيتنة وحياتنة هادءة جدا ماكو شي معكرهة
كملت سبح وبدلت نزلت جوة لكيت بابا يقرا الأخبار عالنت وماما تصب جاي وجوري تجيب الريوك وية امي
"صباح الخير عليكم "
كلهم ردو:صباح النور
بست بابا وكعدنة ناكل وجوري كل شوي تحجي شي يضحكنة
كملنة وراح بابا لدوامة واني اخذت جوري بطريقي اوديهة للمدرسة لان اني عندي سيارة
وصلتهة وكتلهة تدير بالهة على نفسهة
ورحت لدوامي
هاذة روتيني اليومي
*****************************
في مكان ما في محافظة ميسان في بيت اقل ما يقال عنه قصر من قصور حكايات الف ليلة وليلة
ينام بطلنا بغرفته الباردة المظلمة
يفز وهوة مزعوج يتوعد للي تجرأ يدك الباب هسة
:اليوم ناوي على موتة اكيد اللي اجة
