بنت بغداد والشيخ

بارت ١٥

السلام عليكم سيداتي انساتي وردايتي
#بنت بغداد والشيخ
#بقلمي شيرين سعد

ليان قرصت ايات ولج فضحتيني
ايات اخ ياعوبه هاي وصيت بن حماي جابلي تحليل هاج ياه
ليان اخذت كبل منها وضميته
اسد كال تعاي اطلعي وياي
ليان اني ستغربت بس كلت يل الله اجتي من الله ركضت بدلت ومكيجت ونزلت ونسيت الشال لان مامتعود عليه سويت كبه لبست تشيرت اسود ربع ردان وبنطرون وحذاء رياضيه ونزلت كتله كملت
اسد.😡😳 تريدين اطلعين هيج
ليان اي شبيهن محلوات
اسد لا محلوات بسرعه بدليهن لبسي عبايه
ليان شنو ماعرف يله ماطلع
اسد شفتها ضاجت رحتلها كتلها حبيبتي هذا البس مو مناسب اذا ممكن تغيري اني اريد اطلع وياج
ليان اوك رحت بدلت لبست فستان طويل ونزلت
وشرلي عله راسي عمود الشال لبست شال خليت ايات تضبطه اليه ونزلت
اسد مشاالله ملاك تقربت منها وكتلها شتكولين اذا تلبسين بوشيه
ليان 😳
اسد هههه نصدمت كتلها مشي راح نتاخر
ليان مشيت صعدت بسيارة وطلعنا فتحت الشباك كال سدي خلي اشغلج التبريد كتله ماريد ما حبه التبريد
اشو كام يضحك طلع اغاني رومانسيه بس يباوع عليه
اني صرت طماطه 🍅 وشويه وصلنا لمطعم كلش حلو مفتوح مو مغلق ويمه ايس كريم والعاب مال اطفال عجبني كلش
اسد عجبج.لو لا
ليان كلش اكثر شي حبيت الاطفال
اسد.من يجي ابنه يوميه نجيبه ونجي اهنا
ليان ابتسمت وذكرت تحليل الحمل مسويته من ارجع عود
اسد ليان فوتي
ليان ماريد خلي نكعد بهاي الحديقه مال اطفال
اسد عويه جبتج تاكلين ادري بيج متعشيتي مو جبتج يم الاطفال
ليان بليز نكعد.عله هاي المصطبه وناكل وباوعتله بتوسل
اسد شون بيج بله خبلتيني خلي اروح اجيبلج اكل شتردين
ليان الصراحه صارت ريحت البركر بخشمي يس استحي اكله كتله بكيفك
اسد ماكو بكيفي يله كولي شتردين لو مخليج تكعدين يم الاطفال
ليان اجتت منك ههه اريد بركر واريد.فنكر وببسي انتبهت عله نفسي نفجعت عابت خجلت من نفسي
اسد ههه صدك ضحكته عله خبالها العوبه رحت طلبتها انواع الفنكر ولفتين بركرا وكولا وني طلبت ايس كريم
لام هستوني متعشي

ليان جابلي الاكل كتله اكل كال مريد تعشيت وداكل واباوع عله الاطفال وشتهيت الايس كريم لي بيده كبر صايره كلش اني
اسد.نتبهت عليه تباوع عليه كتلها معجبه
ليان لا مو بيك بل الايس كريم
اسد ههههه مالتج موجوده بس كملي اكل
ليان اكلت بساع شون الاطفال وكتله وينها
اسد خرب يومج كن راكض وراج
ليان كلبت خلقتي عود زعلت🙁
اسد ها شبيج دنشافه لاتكلبيني الخلقه ورحت سويتها ايس كريم
ليان اجه والايس كريم تشهي كرات وفواكها فسقك حلبي بس شون كتله ماريد
اسد هاي متقبل تاخذها سوتني نار كدام العالم كتله باعي الج خمس دقايق تزقنبها وتكوميني واني اعرف شون احاسبج بل بيت
ليان صارت صدك كمت ارجف بس حرامات هاي الايس كريم خهه كعدت اكلتها كلها وكمت صعدنا بسيارة وهو الخلقه مكلوبه وكلت يستار ياربي بس اني مقرار اشرد يم امه اتجرائت وكتله شبيك كالب الخلقه جنيكو
اسد ولج ادبسزز هاي لي يحترمج هيج تسوين وياه كدام العالم تصيحيلي ما ما وهسه السانج شطول بس اليوم اله اربيج من جديد وكرصني كرصه اله راد ينشلع زندي دمعت متت قهر عله روحي وين جنت محد.يطخني وهذا كلساع يضرب بيه بجيت بس بصوت عالي عبالك مال حركه جنت ضامتها بكلبي
اسد شفتهة تبجي نقهرت عليهة بس لازم شويه اضبها
كتلها الصمي لادوخيني
ليان وديني لهلي
اسد صار ست ليان
ليان نصدمت شنو هذا وين حب مالته معقول جذاب
خمس دقايق وصلني لهلي من حركت كلبي كتله
انسه وحده بحياتك اسمهة ليان وكلمن يشوف طريقه

اسد من حجت هيج ردت اسحلها من شعرها نزلت كتلهة ولج بت النع ... صعدي بساع
ليان اني كلي هيج كبل شردت لبيت اهلي دكيت الباب قبل فتحته امي
اسد من شردت فورتني والله لو الزمها يجوز مخلي شي صاحي بيها مشيت وراها وفتت وستقبلوني كتلها ليونه شويه تعبانه وتريد تضل اليوم يمكم باجر اجي اخذها
ليان لا اريد اضل اسبوع
ابو ليان وين اسبوع ورجلج يضل وحده
اسد فشلتني كدام اهلهه كتله عمي عوفها عله راحتها وطلعت
ام ليان الثوله خلي يضيع من يدج اشو تردين يسويلج
خلي بيداء تاخذه الرجال شاريها وهيه تنعوص خليج هيج
ليان فريت ادي ورحت لغرفتي اريد انام مكدر
اهوو روحي طلعت يعني اله حضنه ضجتت حيل كعدت اكلب بتليفوني مشوف اله اتصل عليه
اسد طلعت من بيت روحي شاطت عليها والله اذا الزمها اجنزها رحت لبيت بس شون اعصاب افور ايات صارت بوجهي

ايات وين ليان
اسد بجنهم الحمره بس بعصاب طاحت بيها
ايات اجه اسد.وسالت عاط بيه كلت ياستار شصار بينتهم بس نقهرت ليش عاط عليه اجه رجلي ورحت وياه لبيتي لس ضاله افكر بل عوبه كلت باجر اروحلها
اسد البيت من يعرفوني معصب محد يتقرب مني صعدت الغرفه فلشتها تفلش كلت اني اسد وحد زعطوطه اسوي بيه هيج صفنت عله روحي هاي ليون نزلتني وشسوت بيه انعل ابو ليحب بس شون ايدي كمت ماحس بيها من كثر مافلشت ودكيت عليها بس شنو اعصاب صاير
ليان فرحت من دك
فتحت
اسد ولج بت الك بنت النع والله اذا مجيتي باجر من الصبح احركج حرك
ليان خفتت منه كلش وسد.بوجهي بس كلت لويموت ولا ارجع وبرجلي يحلم بس كلت خاي اخابر زهراء اعرف الاخبار خابرتها
ليان هلو زهورة
زهراء هله بيج ولج اسد هجم الغرفه هجام وال مافات طاحت ب ايات لان سالت عليج نقهرت وراحت شكو شصاير
ليان سوالفتها
زهراء ولج بطلي هاي لسوالف راح تخسري متعرفين هسه نزل وشفت الغرفه مال نوم صاير تشريب
ليان نقهرت عابتله
زهراء واديه صاير تجري دمايه وخله وطلع
هسه تجي بيداء وتقشمر ويكول اني شفت من ليان غير الضيمويعوفج
طبعن كل تأليفي لان تريد اسويها عناد ومتجي
ليان انعل ابوه لبوها من حركت كلبي
زهراء مشكورة
ليان نجبي احسلج معليج نتي والله اشتاقيتله
زهراء خهههت اجي اخذج
ليان نجبي بس والله خفت من الحجي مالج
هسه ولي خلي اخابر ايات واعتذر منها
زهراء لاسويها مكالمه جماعيه
سويتها وخابرتهن وسوالفت كلشي ل ايات
ايات ولج الثوله وجه البومه اجي املخج هسه سويتي التحليل
ليان لا هسه راح اكوم اسوي
زهراء يا تحليل
ايات معليج سوالف مال كبار
زهراء دولن
ليان هههه زعلت الخبلة وسدته
ايات اي خهههه ونتي اخبل منها حللي كومي
ليان وك نتضريني جنت مخليه التحليل بل جنطة كالتي رحت حللت شون علكتني ايات
وطلع خط احمر طوخ واحد خفيف
ضجت كلت مو حامل لان كالتلي خطين اضخان
رحت سوالفتلها كالت
ايات حبي لصبح يضخن نتي حامل
ليان وين حامل يمعوده
ايات باجر اجي وعمود اخذج ومناك احللج وديج لبيتنا
ليان مارجع
ايات فوك ما نتي غلطانه الصخله
ليان صح بس ميحتاج هيج يصير عصبي
ايات يا سودة عليه علساس متعرفي عصبي دلصمي وصيري ادميه
ليان لصمت بس والله مشتهيه كاكو اف
ايات جنج عله كاكو باجر اصيرلج كاكو
ليان تسلمين يعمري وعذريني من وراي اسد عاط عليج
ايات لاحبي نتي خيتي يله اترخص
ليان اخذي راحتج

لهنا ينتهي البارت
لاتنسون التصويت
اتمنى ينال اعجابكم