بنيه العشرين

غلطان اليحب ابنيه بالعشرين
و الغلطه الچبيره لو بعد اصغر
تعال و شوف حب بنت الثلاثين
لو چانت بعد اشويه هم اكبر
شفافه ابعمرها و كلها احساس
اليطيح ابعشگها ابلا خمر يسكر
حبها يختلف عن كل الاصغار
حبها بي طعم مثل العسل و اكثر
و احلى من العسل و يفوق الاذواق
بس العنده ذوق ابهل العمر قدر
اشگد اوصاف بيها اتحير البال
اضن يمها شموخ الجبل يتصغر
كلشي البيها يلفت نضرة العين
احسن بس عليها العين تتحسر
انه برئيي العشگها هذا محظوظ
و يريت بهيچ حظ خطواتي تتعثر🌹 يسعدلي صباحكم غوالي