Wala sa hinagap ni Shea na darating sa punto na magpapanggap siyang "girlfriend" ni Eldridge Hedalgo, ang lalaking halos kabaliwan sa kanilang eskuwelahan. Wala iyon sa plano niya. Kung hindi dahil sa tuso niyang kaklase ay tiyak na wala siya sa ganoong sitwasyon. Dumagdag pa si Eldridge na pinalala ang sitwasyong madali sana niyang malalabasan. Hindi sana siya magpapaapekto sa karisma na tinataglay ng binata, pero ang loko, sobrang sweet. Pati mga tao sa paligid nila ay paniwalang-paniwala sa peke nilang relasyon. At maging siya ay piping hiniling na sana ay totoo na lang din ang lahat.