The Day I Fell In Love With You By Zindy Rivera "Ang pag-ibig daw ay parang mga bituin sa langit. Napakaraming puwedeng pagpilian, puwedeng mahalin, pero iisa lang ang nakalaan para sa 'yo." Nagkaroon ng temporary amnesia si Ela dahil sa isang aksidente. Ang huling natatandaan niya ay nang maka-graduate siya sa college. Ang lahat ng pangyayari sa buhay niya pagkatapos niyon ay nabura na sa kanyang alaala. Ang nakaka-shock lang ay ang malamang ikinasal pala sila ni Karlos, ang kapitbahay niya. At mag-iisang taon na silang mag-asawa! Paano nangyari iyon, eh, ni halos hindi nga siya pinapansin ni Karlos noon? Dapat ay maging masaya si Ela dahil asawa na niya ang lalaking lihim na minamahal noon pa. Pero bakit may pag-aalala sa kanyang puso? Hanggang sa nalaman niya ang dahilan ng aksidenteng sinapit... -