انا مرعوب .. معرفش انا فين .. انا مش فاكر حاجه غير اني كنت مع سمسائيل.. ثواني .. مين سمسائيل؟ مش مهم انا اهم حاجه عندي دلوقتى اخرج من المكان ده .. حاولت احرك رجلي .. مش حاسس برجلي .. مش شايف حاجه بس انا حسيت لوهله ان رجلي اتبترت .. حاولت احرك دراعي ايدي اي حاجه .. مش حاسس بحاجه .. حاسس اني هوا .. بس علي الاقل الهوا عارف هو فين بس انا .. هو انا فين؟ نور احمر شديد اتسلط عليا بس كأنه متجسد كجسم.. مش جسم انسان ولا حيوان حاجه مكس .. الضوء اتوجه ناحيتي " نورت بيتك الأصلي !... انا شمهروش .. رئيس اعلي محكمه في عالمنا!" بصتله بأستهزاء وقولت " شمهروش ؟ ودي علي كده محكمه اي؟ قاضي وبتخطف الناس كده .. محاكم الانجليز دي ولا اي؟ " لقيته فجأه بيضحك جامد بصوت تخين ومرعب وفجأه قال " ولا الانجليز ولا حاجه .. دي محاكم الجان !!!"