POSTED: February 15, 2019 STATUS: ONGOING UNEDITED VERSION Paano ba ang magmahal? Palagi bang masasaktan? Makailang ulit na yang naitanong ni Summer sa sarili. Ilang beses na kasi siyang nasasaktan sa tuwing babanggitin ng bestfriend/kababata niyang si Clenon ang salitang 'Little Sister' habang nakangiti sa kanya. Lihim niyang minahal ang bestfriend niya sa loob ng mahabang panahon, hanggang sa dumating ang araw na hindi na niya kayang tiisin ang lahat. Umamin siya sa kaibigan pero hindi katulad ng mga nangyayari sa pelikula ay walang happy ending na naganap. Nadurog lang ang puso niya. Paano ba ang magmahal? Palagi bang mag-aabang? Dalawang taong abanger si Winter, hindi lang sa gate kundi maging sa atensyon. Paano ba naman siya mapapansin na babaeng gusto niya kung palaging lumilihis ang mga mata nito sa kanya? Kung sa tuwing lalapitan niya ay pulos sigaw at pagtataboy ang inaabot niya? Pero isang pangyayari ang magbibigay ng liwanag sa papaupos nang ilaw ng pag-asa niya. Bumagsak siya sa Major niya at isang tao lang ang makakatulong sa kanya. Si Summer, ang University Genius at ang babaeng dahilan kung bakit palagi siyang nag-aabang. Isang failed subject lang ba ang makakapaglapit sa kina Winter at Summer?