الشيخ كاظم

الم

...طيبه ...
فتحت اعيوني كوه لكيت روحي بالمستشفي طمني الدكتور وانطاني علاج شفت الشيخ قلق كلش ودعيت من الله مابقه بالمستشفي اخاف منها من يوم الحادث مال اهلي وانه ماطيق المستشفيات والحمد لله اخذني الشيخ وطلعنه الالم جان خفيف بسبب المسكنات وجنت اباوع للشيخ قلق ومامرتاح ويسوق بسرعه جنونيه وماهتم لصياح صادق وهوه يحاول يخلي يهدا وصلنه للبيت بسلامه صعدني للغرفه وخله ساره ومعصومه يضلن يمي شويه وسمعنه صياح رقيه ركضت معصومه تعرف شنو السالفه بس تاخرت يلا اجت وجانت متحمسه وفرحانه وتكمز الخبله وسولفت النه الصار جوه ساره سوت نوس ماسوت معصومه وصلت يكمزن وانه اضحك عليهن وعله تصرفاتهن وصار هدوء جوه عرفنه الكل طلع والوضعيه هدئت نزلن البنات يكملت سغلهن ولحن عليه حته انام بس كتلهن العب وي ملوكه ضت ملوكه يمي وانه اخذت العلاج وضليت وي ملوكه.

..شيخ كاظم...
من الحركه البيه طلعت من البيت ونسيت وين رايح اوووف تعبببت من هاااااي النااااااااس ليش محد بحب الخير لثاني ليش لييييش ماردت اروح لمكان حته لا اتعصب ع الناس ضليت افتر بالسياره هدائت شويه وبعدين رحت اكمل شغلي رجعت بالليل وسالت عليها وتطمنت خليت معصومه تجيب ملابسي وكعدنه سوه جواد حالته تحسنت اكثر من شافنه يمه ومهتمين بي ردت اصعد الها اشوفها بس مكدرت كلها موجوده بعد العشه الحجيه صاحتلي ورادتني بسالفه كمات ورحت عليها وره ماخليت معصومه تاخذ لطيبه العشه وانه رحت للحجيه اول ماشافتني كالت
-تعال يمه يمي
-كولي حجيه هاي اجيت
-يمه اريدك تسمعني وطول بالك وياي رول شي لاتشيل بكلبك عله رقيه وعمتك تره زغيره وتريدك وسوالف نسوان مال غيره وسالفه راحه وخلصت والحمد لله طيبه بخير
-ولا يهمج حجيه بس فدوه اروحلج يمه رقيه خلي تشيل الي براسها ماصار هالشي قبل ولا راح يصير هسه
-اي صح كلامك انه احاجيها بس انه مو هذه موضوعي
-شنو يمه
-انه من صار الحادث نذرت اذا يكوم ابني عايش اخذه واروح ازياره
-يمه بس هوه بعده جرحه طري وماعتقد يتحمل الطريق متشوفينه
-شوف باجر موعده وي الدكتور اساله وشوف حالته
-ان شالله تامرين
كملت كلامي وياها وطلعت يم الشباب اشويه وترخصت منهم وصعدت الغرفتي جنت كلش تعبان وبالي مشغول بيها من صعدت شفتها متمدده سلمت عليه وسالتها
-شدونج بويه شلون صرتي
-الحمد لله شيخ
-بويه حقج عليه من الصار اليوم
-كلسي مكتوب شيخ
-شبيج ضايجه من شي محتاجه شي كوليلي
-سلامتك شيخ مامحتاجه شي
-لاتستحين مني احجي
-ماريد شي شيخ اريدك سالم بس
-شنو كولي
-شيخ خايفه
-خايفه افه من شنو ليش خايفه
-شيخ خايفه خاف تصعد لهنا وتسوي شي
-والرفع سابع سمه بس هلي تفكر تدنالج بعد يامحيها من ادوجود وانه شيخ كاظم لتخافين وليضل بالج سالفه وعدت وانه اليوم حاجيتها ماتدنالج بعد
-الحمد لله .شيخ اريد اسالك سوال
-اي كولي
-انت ليش ماخذتها
من كالت هيج التفتت عليها ومستغرب من كلامها
-شنو منيه
-رقيه ليش ماخذتها وقبلت بوحده فصليه
-منو كالج هالموضوع
-هيه البارحه بالمطبخ من حجت وياي كالتلي ابتعد عنك لان انت الها من زمان
-هاي سالفه طويله يبويه معليج بكلامها هاي متعرف حته تحجي اهم شي هسه انتي لازم تنامين وترتاحين
هيه ماكالت باطل هم خلت راسها ونامت وانه من التعب محسيت عله روحي شلون نمت

ثاني يوم الصبح كعدت لكيت الكل مجتمع يتريك بس هيه بعدهي نايمه كعدت وياهم ومن كملنه اهذنه جواد انه وصادق لان عنده موعد وي الدكتور اليوم والشباب طلعو وي جواد وعباس للصيد

...طيبه ...
كعدت الصبح مالكيته يمي نزلت كوه للبيت اتريكت وي ملوكه واخذت علاجي والبنات يشتغلن ساعدتني ساره ادهن الحرك وابدل ملابسي وكالتلي الرك جاي يطيب الحمد لله بس انه فضولي راح يموتني اله اعرف شنو السالفه بس ماعرف اسال منو فكلت اروح اكعد يم الحجيه واسالها بس مبينلها ورحت يمها وضلينه نسولف ماخلينه سالفه وجبتها عله الصار امس وسالتها
-حجيه ارد اسالج بس مستحيه
-كولي لاتستحين
-البارحه رقيه ليش هيج سوت انه ماسويتلها شي ولا جيت يمها
-عوفيها يمه تغار منج خلي تولي
-شنو تغار ليش معقوله تغار عله الشيخ لو تريده ليش ماخذته
-يمه هاي سالفه طويله لاتشغلين بالج
-حجيه ماعدنه شي كاعدين نسولف
-شكلج فضوليه اله تعرفين
--اي
-شوفي يمه هالسالفه من زمان من جانو زغار جانو كله سوه فمره اجه شيخ من غير ديره يم شيخ ابو كاظم وجاب ابنه الزغير وياه فهذا شاف رقيه ولاشاها كاظم عصب وبسطه من وره هالحادث الشيخ ابو كاظم كاد كاظم الرقيه لان غار عليها بس من كبرو كاظم ماباله ياخذها وهيه كم مره ذبت روحها عليه فكال حته اذا جنت افكر بيها هسه بعد ماريد حته شوفتها انه شيخ وابن شيوخ ماتلوكلي المره الخفيفه وتزوج ام ملوكه هاي كل السالفه ارتاحيتي
-يعني هوه جان رايدها
-شوف شكول وهيه شتحجي يمه جانو ازغار وحجه الحجي هالحجايه وماصارت
الحجي اذاني خليت ورحت منها وكعدت يم ساره بس اختنكت من الحجي اجت رقيه تباوعلي صفح ماهتميت الها لان البيه مكفيني ساره حست عليه وسالتني وكتلها الحجي مال حجيه فضلت تضحك
-ولج طيبه تغارين ع الشيخ
-ساره ماناقصتج
خليت وصعدت فوك مالي خلك اي احجايه

..شيخ كاظم...
رجعت انه واخوتي وجواد حيل تعب من العلاج بس النتيجه فرحتنه الدكتور كال هاي معجزه هيج عمليه وبسبوعين كام عله طوله يحاول يمشي عدل تشاقينه وسولفنه صعدت انه فوك لكيت طيبه مو عله بعضه ومعصبه اهذت ملابسي سبحت وبدلت ونزلت يمهم بس البنيه مو طبيعيه سالت الحجيه وسولفتلي الصار انه مستغرب ليش هيج فضول عدها تعرف حياتي الحجيه كالت
-مريتك تغار من كتلها هالكلام وهيه عصبت
شنو تغار عليه يمه فدوه رحت بس شلون هيه زغيره وانه وجال راح ادخل ب ثلاثين سنه اوف لتتعلقين بيه طيبه لان اليتعلق بيه اخسره وماريد اخسرج اووووف شنو هالحيره هاي ارتاحيت ساعه وطلعت للشركه بس بالي وتفكيري كله بيها،
وقررنه نروح ازياره كلنه تمامي ابو احمد وابو عادل ونسوانهم وعمتي رقيه وبتها وابنها فرتبت الوقت انروح نهايت الاسبوع علمود جلال يكون كمل جلسات العلاج وانه ارتب وضعي بالشركه وهم عندي كم شغله وي شيخ مزهر حته اروح بالي مرتاح وطيبه ضهرها يكون طاب كلش حته تروح مرتاحه ،
مر الوقت ابسرعه وجواد كام يمشي واتحسن احسن مو قبل بهواي الحمد لله كلها نجمعت ابيتنه لان باجر نطلع للزياره وانه هالاسبوع كله اتجنب طيبه ماريدها تتعلق بيه بس كلما ابتعد عنها احس شي ناقصني واختنك اصعد للغرفه لمن هيه انام حته اصفن ابوجها جسمي يوكف مايتحرك اذا اسمع صوتها يارب ارحمني كلبي مو الي صار الها خايبه شسويتي وكلبتي كيان الشيخ هيج كلاب هالفتره ماحجي وياها واحس بركان بيه اريد بس الزمها واحاجيها احببببها اي احببببها
،
،
،
،
خو ماتاخرت عليكم عيشو بالرومانسيه شويه هههه
فديتكم 😘