الضابطه السريه والضابط الشرس

البارت ١١

عفت العشك يفلان ماريد اواعد مابيه احب اردود طالع تقاعد😂
.
.
قراءه ممتعه😘
.
مهند/ هااا
أديان/ ممكن سئلك سؤال
مهند/ اممم
أديان/ ليش احسك تهتملي اكثر من الباقي مهند/ سئلتيني سؤال ماعرف جوابه انتي شتكولين
أديان/ ماعرف
مهند/ اني هم ماعرف المهم شلوون صرتي أديان/ احسن من قبل شويه كمت مهند
مهند/ هااا
اديان/ خل ننزل
مهند/ يله نزلنه جوه امي كالت شلوون صرتي أديان احسن رحنه كعدنه نسولف فجأ هم اجه كبال عيني كمت اجر نفس حته اهدء طلعت بل حديقه كعدت بل مرجوحه وابجي بس حته اهدء باوعت ايدي صار بي دم فتحت عيوني كمت اعيط ددم عااااا
مهند /جنه كاعدين سمعت أديان عيطت ركضنه كلنه شفته تغسل ايده وتبجي وتعيط وتفرك ايده قوي وخرت ايده من الماي جان احمر كتله أديان شبيج ليش هيج تسوين
اديان/مهند شوف ايدي بيه دم ءه ءه اشوف امي تبجي والكل عيونه مدمعه كتلهم شبيكم هاا شووو تبجوون اعرف تخبلت اني اي تخبلت فقدت اعصابي كمت اضرب روحي مهند حضني
مهند/ كاافي ماكو شي روحو
اديان/ راحوو مهند راح اتخبل اني والله مليت لازم اموت
مهند/ عيوني دمعت كاافي انتي كلشي مابيج افتهمتي كلشي مابيج الكل مخابيل بس انتي لا
أديان/ مهند ليش تقشمر راح افقد عقلي اني ادري دااتخيل شغلات مموجوده تخبلت وكمت ابجي واضرب روحي
مهند /حضنتها كافي لتكولين هيج
اديان/ كعدت بل مرجوحه وحضنته وابجي وهو يلعب بشعري مهند شوكت اصير زينه مهند/ وخرتها ليش انتي شبيج
أديان/ مادري بس اعرف راح اتخبل
مهند/ كمشت وجه أديان لتحجين هيج فهمتي انتي كلشي مابيج وحضنته موبايلي دك باوعت جان رساله من رقم غريب فتحته هم صورتي اني واديان هسه وكاتب مبروك عليك خبال حبيبتك صرت أعصاب طلعت بره ادوور ماكو فقدت اعصابي كمت اغلط عله محمود بعدين دزلي رساله عل كيفك أعصابك ليش عفت حبيبتك وحده رجعت ركض للبيت طبيت أديان جانت واكعه بل كاع رحت اصحيه ماكو متكوم شلته طبيت جوه الكل شافوني صارت هوسه عيطت بيهم كاافي بس تعيطوون طلعوو بقيت يمي حسام وعشق ووتين
وتين/ مهند شصار
مهند/ شمرتله الموبايل كتله شوفي فتحت عيونه كتله اي حسام هم شافه
وتين/ والله اله الكا الهذا الكلب
مهند/ جبيت ماي عله وجه كامت وجان تنفجر بل بجي وحضنتني
أديان/ مهند مهند اجه والله شفته طب للبيت ءه ءه انته مصدكني مو مهند والله شفته
مهند/ اش اش والله مصدكج
أديان /مهند شفت الولد الي ضربته اجه يمي وضربني راشدي وجرني من شعري مهند والله شفته اووف ياربي والله اني مو مخبله
عشق/ أديان اهدي مصدكيج والله
أديان/ شويه هدئت  مهند اخاف
مهند/ لتخافين اني يمج حساام شكل كاميرات بل بيت اريد بكل زاويه كاميرا
حسام/ تمام
مهند/ وتين طلعي وكوليلهم ماكو شي لتخافوون عشق ضلي يم أديان هسه اجي ردت اكوم
أديان /كمشت ايده لتروح
مهند/ لتخافين هسه اجي طلعت طبيت للصاله كتلهم ماكو شي لتخافوون
جبار/ بااجر أخذه لدكتور نفسي
مهند/فتحت عيوني عله وسعهن كتله عمو انته شتحجي
الجده/ مو ابني لبنيه راح تفقد عقله متشوفه مهند/ بعياط انتو بس جيبو هااي السيره مره الثانيه والله اخذ اديان واهج شبيكم صدك تحجوون
جبار /هيه بنتي واني اريد أخذه راح تتخبل مهند/ والله اكلب الدنيه اذا اخذته
كيان/ مهند اهدء مو كلشي بل عياط
مهند /يااهدء متشوفه شيحجي ليش اشبيها أديان اعقل منكم كلكم هيه مصدومه فتره وتعدي
الجد/ ابني دوزن كلامك ترا احنه اكبر منك مهند/جدي عله راسي بس والله أديان متطلع من البيت خطوه وحده والله أخذه واروح
كرار/ شبيك مهند تخبلت
مهند/ اي تخبلت مااشي سمعت عشق كالت مهند نداريت جانت أديان ورايه و تبجي راحت ركض رحت وراه كمشته أديان اوكفي أديان /وخر وخر داكولك مو كتلك عبالهم مخبله تعرف كمت أشك بروحي كافي تعبت ساعه السوده الي كلت اروح للكليه والله تعبت نفسيتي تعبت وخر
مهند/ كامت دفع بيه حضنته اهدي حبيبتي اهدي
أديان/ تعبت هنود تعبت والله
مهند/ شلتها يله نروح
أديان/ وين
مهند/ معليج شلته ونزلت جوه كتلهم راح اخذ أديان
الجده/ ولك مسودن ليش شايلها وإخوانها وابوها هنا متستحي
مهند/ لا ماستحي عدكم مانع وراح أخذه وباجر نرجع
الجد/ وين
مهند/ مستحيل اكول باي طلعت وجانوو ديحجون عليه خليته بل سياره وخابرت حسام كتله اطلعلي طلع  راح اخذ أديان الكربله بس لتكول الأحد
حسام/ روح حبيبي روح
مهند/ طبيت للسياره نزلت يم محل ملابس كتلها يله نزلي نزلنه طبعا جانت بل تراك مال بيت عيب أخذها الزياره هيج
أديان/ نزلت
مهند/ يله طبينه شفت فستان لون وردي كتلها اخذي هذا انطيته الها طبت بدلت وطلعت كتلها عجبج
أديان/ ااي
مهند/ يله تعالي اخذي حذا شترت حذا فلات اسود وهيه لابسه شال اسود تنسق طلعنه ورحنه
أديان /مهند وين ماخذنه
مهند /بعدين تعرفين وصلنه شتريتلها جادر صلاه كتله لبسي لبسته كتله احنه بكربله نزلت دموعه كتله ليش البجي
أديان/ شكراا جنت محتاجه اجي
مهند /يله طبينه صار زدحام كمشت ايده ومشينه كتلها طبي زوري انتضرج
أديان/ طبيت زرت وكومه بجيت جنت محتاجه اجي زين جابني دعيت شويه وطلعت
مهند/ يله تعالي
اديان/طكينه صوره ورحنه للمطعم اكلنه وطلعنه كمنه نتمشه رحنه مثل حديقه كعدنه شميت هوه كتله مهند شكرا
مهند /ترا ماسويت شي لان من زمان اريد اجي
اديان/ تمددت عل حشيش وخليت ايدي عليه كلت الله الحريه
مهند/ ههه ولج كومي الناس كامت تباووع أديان /ملييت من الناس بعد اي شي يعجبني اسوي معليه بل ناس وجريته  تعال تمدد والله حلوو
مهند/ تمددت يمها شويه وكلتله يله كومي صار ليل خل نروح للفندق رحنه وطبعا حجزت غرفه وحده طبينه
أديان /طبيت للغرفه نزعت شالي اي اني ماتحجب كبال ولد عمي كلهم كعدت عل تخم مهند/ هسه اجي طلعت جبت عشه اكلنه أديان انتي نامي عل جربايه واني انام عل قنفه أديان/ لا والله اني انام عل قنفه
مهند/ أديان لتعاندين
أديان/ ما وهزيت جتفي
مهند/ بتسمت من هزت جتفه كتلها مااشي بس مو بليل تجيني تكولين خل انام يمك أديان /خليت ايدي عله خصري لا والله
مهند/ اي والله
اديان/ لا لتخاف مااجي رحت لبست التراكسود مال البيت جنت لابسته كعدت عل شباك اباوع للكبه مال الإمام نزلت دمعتي كلت يا ابا عبدالله وخر هااي الصوره من بالي لان صدك تعبت نفسيتي اجه مهند يمي
مهند/ هااي تبجين
أديان/ مسحت دموعي لا
مهند/ لتقشمرين
اديان/ابتسمت  شكراا هنود
مهند /عله شنوو
أديان/ مادري عله كلشي
مهند/ بتسمت العفوو
أديان /جنت داباوع عله مهند شفت نفس الولد ورا كمت ابجي واشهك
مهند /شبيج أديان أديان تسمعيني
أديان/ مهند شفته والله شفته جان وراك منسيته ياربي ليش وكمت اضرب راسي بس حته انسه ماكو مطبووع بدماغي
مهند/ كعدت كبالها كمشت ايديناتها كافي تضربين نفسج
أديان/ مهند اخذني للدكتور
مهند/ بصدمه شنوو
أديان/ اي مهند ابويه وجديتي جانوو يحجون صدك اني فقدت عقلي خلص تخبلت
مهند/ كمشت ايدها  كافي انتي مو مخبله فهمتي انتي عايشه بصدمه وصدك زعلتيني منج اني تعاركت وياهم علمودج وانتي تجين اتكولين اخذني للدكتور هزيت راسي بياس وكمت كمشت ايدي
أديان/ مهند اسفه لتعوفني انته هم لان بس انته تصدكني والله متعرف بشنو احس
مهند/ رجعت حضنته كتله لتخافين فتره وتعدي يله تعالي نامي
أديان/ اني انام عل تخم انته عل جربايه
مهند/ ادياان
أديان/ هزيت جتف بتسم وراح تمدد تمددت عل قنفه اخاف اغمض عيني قريت سوره الكرسي ونمت وصدك جريتها نومه للصبح محلمت كعدت الصبح فرحانه رحت غسلت وكمزت عله مهند جان نايم عله بطنه كتله هنود هنودي كووم عيناي عيوني هنود هنود هنود حبيبي هنود كوم اكعد من النوم

مهند/ كمت كمت شلوون صباح عله هااي البسمه
أديان/ اي هنود محلمت نمت للصبح متعرف فرحتي
مهند /بتسمت كمت اغسل
أديان/ كعدت عل شباك جنت كلش فرحانه جان تجي فراشه بيضه توكف عله خدي عدل يم الشامه عندي شامه بخدي بس شويه بعيده من البس شال تروح جنت مصدومه لان ادري الفراشات بس يوكفون عل نباتات ضحكت طلع مهند تفاجأ
مهند /هاي شنو
أديان /اي مادري منين جتي
مهند /جبت موبايلي وطكيتله صوره  اوكفي رحت يمه تقربت كمشت الفراشه من جناحه شفت شامه حلوه جانت صفنت عليه مادري ليش
أديان /هييي وين صفنت
مهند/ فزيت لا يله نطيره كمشت الفراشه وهيه كمشت ايدي وطيرناه جانت حيل فرحانه كتلها يله بدلي نروح نتريك ونرجع أديان /بابتسامه تمام رحت للحمام
مهند /راحت باوعت عل صوره جانت تجنن قربته عل شامه مادري ليش جذبت نضري هاي الشامه طلعت ورجعنه البصره

وتين/ اليوم عندي مهمه شلوون اروح انوب اتأخر خابرت عموو كتله يطلعلي حجه حته اجي يمهم
ابو محمد/ ماشي بنتي
وتين /وره شويه اجه جدي
الجد/ روحي بيت ابو محمد ام محمد مريضه وتين/فرحت عفيه عليك عموو حضرت غراضي كتلهم باجر ارجع رحت للمركز طبيت وجان اشوف عباس رحت ركض كتله انته شجابك مو متصاووب
عباس/ وعليكم السلام ورحمه الله وبركاته اني هم مشتاقلج
وتين/ ضربته براسه
عباس/ مليت من الفراش واجيت ترا زين وتين/كعدت بمكتبي طب حسين دفر الباب  عباس /بسم الله رحمان الرحيم
وتين/ عمه وكبر اكو واحد هيج يفتح الباب حسين /هااي اني اجيت
عباس/ لا هلا
وتين/ضحكت طب كعد
حسين/ هلوو وتين شلونج شخبارج
وتين /هله شكوو شتريد احجي من الاخير عباس/ طكه ضحكه  عرفتك مصلحجي حسين /اني مصلحجي زعلت
وتين/ لا عيني حسام مصلحجي الغي شتريد حسام /اني شعليه مجذب الكال تجيك التهايم وانته كاعد
حسين / منين لكيت هذا المثل
حسام /جديد اني اخترعته ههه
حسين /وتينه شتاقيتلج
وتين/طيح الله حضك واني عبالي شي مهم ضحكنه كتلهم يله نروح للمهمه وانته أشرت عله عباس تنجب وتكعد متجي
عباس/ يا ليش
وتين /بعده جرحك اخضر
عباس /كعد اووف
حسين/ ههه حيل
وتين/ طلعنه وحضرنه الجنود وطلعنه صار بينه إطلاق نار بس كمشناهم ورجعنه للمركز سلمت عله عباس وحسين وطلعت رحت البيت عموو طبيت سلمت عليهم وطبيت بدلت واكلت كعدنه نسولف ونمت كعدت الصبح رحت للمركز بس تحقيق ورجعت صار العصر بدلت ورجعت للبيت جانو جاين مهند واديان سلمت وصعدت فوك بدلت ونزلت بس نسيت اقفل باب غرفتي
أمير/ جنت توني صاعد فوك شفت قمر كامشه مسدس وتين وترجف طبيت ركض وسديت الباب
قمر/ اا
أمير/ اششش اعرف احجيلج بس وعديني متكولين الاحد
قمر/ شكو....
.
.
يتبع...
.
.
تصويت رجاءا 😘
.
طبعا القصه من الخيال مو واقعيه.
.
.
شكرا لمن مرا من هنا وترك لنا جميل اثره⭐