هلو حبايبي اشونكم اخباركم طبعا انتم عائلتي الي اعشقها بجنون خلي نكبر هاي العائله ونستمتع بالقصه
ــــــــــ
حبايبي اليوم حبيت انصح كل شخص يتابعني راح احكي بالهجة الجنوب حتى اخاف بالمصلاوي ما تفهموني
بداية نصيحتي اول شغله اريدكم تعرفون هل معلومه
انهـُ اكو شغلتين يجون للانسان بدون دعوه
شنو هل شغلتين ياتره؟🤔
(اني راح اكللكم شنو)
1/الحب
2/الموت
ثنينهم تقريبا يتشابهون في حال ينخذل الحبيب
يعني ممكن وين مانكون ممكن يجينا الموت لو نكون بغرفه صغيره وقافلين الباب حتى مانتمرض الموت يجي الا يجي يجوز اني و واكفه اموت يجوز اني وكاعده اموت يجوز اني وفرحانه اموت يجوز اني مقهوره اموت يعني بكل الاحوال الا ما يجيني الموت اختلاف الموت عن الحب انه نكدر نموت شخص بالغصب بس منكدر نحب شخص غصب.
«•1•▪️المبدء يلي احب انطي الكم»
🩳👇🏻
الحب❤يشبه الموت ممكن بـ اي مكان وبـ اي زمان احب او اوكع بعشگ ممكن اكون بحفله ممكن بعزه بعيد البلا ممكن بكل مكان الكي الحب بس ماكدر احب شخص غصب
وماكدر اجيب الحب الي غصب ماكدر اكول لفلان شخص حبني والا تحبني لا لازم هو يبادلني الحب مو مهم يكون بغير محافظه بغير دوله بعيد او قريب حتى لو ما نشوفه الي نحبه بس الا ما الله سبحانه وتعالى يبعث النه فرصه نلتقي مع المحب
🔺المبدء رقم2
👇🏻👇🏻
الحب
١. مشاعر
٢. احاسيس
٣. صدق
٤.نبني اساس العلاقه على ثقه اي علاقه مو بس الحب
٥/اهتمام
يعني
🔺بالنسبه للشاب/ انت تكون انسان نظيف انسان متواضع خلوق ماتكون ضنان بالعالم ماشي بطريقك ماعندك اذيه وتكون حلو
تجي وحده تنعجب ب اخلاقك واناقتك وتواضعك وتكلك حبيتك يمكن البنت فعلا حبتك ويمكن تقضي وقت وياك ومخليتك مجرد وقت فراغها تحجي وياك (وتتظاهر بالاهتمام)
عزيزي لازم انت تكون واثق من حبها الك لاتأيدها بكلشي مثلا تمنعك عن فلان وفلان وتمشي كلامها لانك انت تحبها هذا اكبر سبب انه نهاية الحب خذلان من انت تتعلق ب انسانه كلامها مو من كلبها مجرد تجرب تعيش اللحظه بكلامك وياها تشوف احلى منك بالشكل وتخذلك ممكن البنيه تعرفها تحبك من تطلب صوره منها او تختبرها تتشاوفون او تحاول تكوللها لاتطلعين ولتروحين ولاتجين
من تكلك اهلي عدهم باب تعال ودكها واخذني غصبأ عن الكل بموافقة اهلي
ويجوز هي توافق تشوفك يمكن لانها واثقه بيك فـ نصيحتي الك لو تكون كد الثقه وتاخذها لو تعوفها من البدايه بس تحس انه هي مو صادقه وياك اعلن الانسحاب ولاتغرك البنت المتصنعه ابد
من تحب حبها كـ حبيبه وخاف عليها مثل ماتخاف على امك واختك
مو تكون حبيبتك خط اتصال واختك خط احمر لا خاف عليهم مثل بعضهم
💖💖💖💖🖤💖💖💖💖
نصيحتي للبنات/اولا خلي اكوللكم شغله صح بنات الناس مو لعبه بس ولد الناس مامكتوب على گلوبهم ومشاعرهم( للتجربه مجاناً)
اذا تحبين شخص كوليله فلان اني احبك
واذا هو يحبج وتكولين اخاف اجرحه واخاف واخاف ومن هل امور لا لاتخافين اذا متحبي كوليله من البدايه اني ماحبك اجرحي بالبدايه شويه احسن من ما تتصنعين بالحب ويكون وياج ذكريات وبالنهايه ينخذل منج ونصيحه مني لو جبيبج تعشكي بجنون لاتغيرين من نفسج حتى لو يطلب منج صيري مثل فلانه وصيري مثل هاي وهذيج
لا كوليله اذا تحبني حبني مثل ما اني حبني لذاتي مو تحبني وتحب تشوف بيه انسانه غيري تعجبك ومو ينعجب شخص بيج يحبج ويطلب منج اشياء مو حلوه اكيد فهمتوني تره الي يريد يتسلى وياج حتى ماراح يغار عليج لان هو ما حب كلبج هو حب يجوز وجهج يجوز جسمج يجوز عيونج يجوز بشرتج يجوز امور غير گلبج مجرد ياخذ اليريده منج ويعوفج تصيرين مجرد تضحيه
اسفه على كلامي بس مجرد ضحيه للشهوه
تحت مسمى الحب لا عزيزتي اليحبج يدك بابج ياخذج كدام الدنيا كلها ومحد يكدر يكول لا
لاتخجلين من تحبين الحب لا حرام ولاعيب
اخر نصيحه للشباب/من تسمع بـ اختك تحب
مو معناها لازم تظربها وتصيح عليها اذا ممنوع اختك تحب ليش انت تحب اخت فلان اختك بنت وال، انت تحبها هم بنت
حاول تكون صديق اختك واذا تحب كوللها يجيج من الباب مو من الخاص
بالنسبه للخاص والنت وكذا يمكن ٢٠٪
العلاقات يلي على التواصل الاجتماعي تكون نهايتها زواج
و٨٠٪يبدي الحب من الخاص وينتهي بـحظر واحد بالنسبه للشخص الي ماكان كد الثقه
واتذكروا ماكو شي مستحيل
لان
«الله على كل شيء قدير»
💖💖💖💖💖
وهاي نصايحي الكم وكل شخص يريد نصيحه بخصوص اي موضوع اني موجوده اختكم كل بنت تحب تفرغ يلي بكلبها تحب تشكي قهرها اني موجوده اختكم 😍احبكم 😍
بقلمي/ملاك المصلاويه
soon
قريبا بارت ١٥
