الضابط وطفلته(مكتمله)

بارت سته وعشرون

صكر
ردت ادخل للبيت واجت مره جبيره كتله تفضلي دخلنه جوه
ام قمر:شيخ بلازحمه انه جايتك بشغله بس اريد مرت الشيخ تجي
انه تفاجأة شتسوي بفرح وشتريد
صكر:جننه صيحي فرح
جنه:حااضر
شويه واجت فرح كعدت يمها وضلت تحجي ...ف انه ضليت منتبه لفرح اباوع لردة فعله ( ابوي علمني انه كشيخ الناس تجي تطلب مني طلب مكدر اردهم لو مهما يصير ف صرت بموقف لااكدر ارفض ولااكدر اقبل لازم فرح تتفهمني وتتفهم موقفي وانه معرف البنيه ولاامه واول مره اشوفها وتطلب مني )
اطريت اقبل واعقد عل بنيه ....صعدت وره فرح وضلت تحجي حجي مالع معنى يعني الى متى تضل تشك بيه وماتثق بيه بصفته مرتي لازم توكل وياي وتحل المشكله بس هيه طفله الى متى يضل تفكيره هيج نزلت جوه ضجت كلش صعدت بسيارتي ومشيت بمكان هادئ ارتاحيت وهدأ رجعت كلت لازم افهمه واحجي وياها رجعت لكيته طالعه هيه ومحمد كلش ضجت شلون تطلع بدون علمي بس خليته على راحته محمد يحجي وياي وانه منتبه عليه ماردت اكبر السالفه كمت طبيت للبيت
صكر:السلام عليكم
الكل :وعليكم السلام
الشيخه:صكرر تحل مشكلة مرتك بس مو هسه خلي تسوي عمليته وترتاح وبعدين حاجيه ..
صكر:انشاء الله
الشيخه:شنو ماعرفتج شي عن البنيه من وين ومنو هيه وليش اجتك امه وبت منو
صكر:خليني احل بلوتي وبعدين براحتي اشوفه ..يله انه اترخص اروح ارتاح صعدت للغرفه فارغه طبيت سبحت بدلت ضليت كاعد افكر بيها واشرب جكاير منا ل٣ نعست ونمت على مخدتها ....كعدت ب ١٠ بدلت ونزلت جوه تريكت ورحت يم بابهم ردت ادخل بس مكدرت ضليت بره منتضرها منا لمن طلعت هيه ومحمد وامها شفته وجه تعبان بلكوه تمشي حركوا السياره وانه مشيت وراهم كل خطوه انه وياها اشوفها من بعيد مكدر اروحله اجت امي
ام صكر:ها يمه فرح وين دخلت العمليات
صكر:لابعدهي هسه تدخل
ام صكر:راح اروح اشوفها تجي وياي
صكر:لايمه انه راح اضل هنا
ام صكر:براحتك
شفته دخلت للعمليه ضليت منتضرها وخايف عليه اول مره اخاف عليه تمنيت انه يمه بنيتي تخاف وصيت محمد من تطلع صيحني انه جوه طلعت بره المستشفى شربت جكاره واجه ياسر كعدنه سوه العمليه استغرقت 2ضلينه منتضريه اجانه محمد كال طلعت من العمليه ماصدكت كبل رحت صعدت فوك الفرحه ماشايلتني شفته طلعت بالسلامه ارتاحيت انطوني ادم اذنت بأذنه ضليت منتضرها بس اريدها تكعد واسمع صوتها طلعنه بره وامي كالت صيحو. الدكتوره رحت بسرعه صحتلها طبيت ضلت يحجون وانه صافن عليه بس اريد اخذ نضره منه بس هيه مااهتمتلي بعدين انتبهت الدكتوره سألت منو صكر انتبهت عليه باوعتلي وسمعت تصيح بأسمي وهيه بالعمليه ابتسمت لااراديا هيه باوعتلي وسكتت ........
صكر:يمه روحي ارتاحي خلي يوصلج محمد
ام صكر:يي يمه انه اترخص تعبت كلش... اودعناكم
محمد:يله امشي عمه راح اوصلج واروح للبيت واجي الصبح
ياسر:انه اروح وياك
راحو كلهم بس ضل صكر وماما انه نايمه واسمع حجيهم بعدين غفيت...

صكر
ضليت كاعد يمه وامها نامت ضليت صافن عليه وافكر احنه وين نهايتنه كليوم عركه وفرح ماتفهمني ...
فرح:صكرررررر اهه اههه صكر
صكر:ششش لاتخافين انه يمجج ماكو شي لاتخافين
فرح:كعدت الهث حسيت احد يخنك بيه
جابلي ماي بلكوه شربت جسمي كله يرجف نزيت بعد مكدرت انام بعد لحضات سكوت ردت اكعد انتجي مكدرت انتبه عليه صكر كام عدل كعدتي صار قريب عليه حاولت مااضعف كدامه ابتعدت عنه وكعدت اباوع لادم فرحانه بي طايره من الفرح ممصدكه انو صرت ام وماتوقعت شعور الامومه حلو اباوعله ودموعي تجري لااراديا ههه
صكر:ليش تبجين
فرح:ماكو شي اريد انام تعبانه
رجعت نمت ..الصبح طلعوني لان اصريت عليهم بلكوه متحمله كعدت المستشفى رجعت البيت اهلي وصكر سوه عزيمه والتمينه ببيتنه واجن عماتي وبنات عمي وولد عمي صار البيت هوسه نزلت كعدت يمهم غيرت جو شويه بعدين اجو اصدقاء صكر وخطيه البنات تعبن وصكر خبصهن خبص صبن الغده والولد ينكلون يرحون ويرجعون ف انه كاعده اباوعلهم صايرين كبالي هستوهن خلصن البنات واجه صكر يصيح عليهن كومن سوون جاي بسرعه اجه محمد خذه ادم كال يردونه انطيتهيا شويه وجابا متروس فلوس ههه جاباه محمد ويحجي وياه ها خالي من هسه وعندك فلوس كملت العزيمه وضلينه كاعدين سوه عمليتي كامت تأذيني رحت للغرفه رضعت ادم ونمت .... ضليت يم امي خطيه كلش تعبانه وياي وانه شويه شويه بديت اصير احسن ادم خرب نومتي الصبح يبجي عليه اكعد ابجي وياه صكر يجي يشوفني انه وادم اسوي نفسي مااهتمله ومرات اوديله ادم حته مااشوفه اليوم عرفت انو صكر بعده ماعاقد على البنيه
فرح:شلوون ليش ماعاقد عليه
جنه:والله ماادري بس على تواصل ويه امها اللي عرفته انو مكعدهم ببيت
فرح:شفتي البنيه حلوه
جنه:لا ماشفته
فرح:صكر ماحجه شي بخصوصه
جنه:ابددد ميجيب طاريه صكر هليام من البيت للشغل يجي الج ويرجع للبيت يروح وي الولد ويرجع ينام
فرح:هممم
جنه:شنو العلاقه ببينكم بعدهي خربانه
فرح:هيه يمته صارت زينه شو نتصالح منا تطلعلنه سالفه منا
جنه:الله كريم ماطول بيناتكم طفل ترجعون
فرح:ممم سدي الموضوع ..تعالي نزليني جوه
جنه: يله امشي
نزلت جوه لكيت الشيخه وماما وام صكر كاعدات كعدت يمهن ضليت امشي لازم اتحرك ميصير كاعده طلعت بالحديقه اشتم هوى اجو الولد وياهم صكر سلمت عليهم ضليت كاعده اجه يمي صكر
صكر:بيج شي
فرح:لا
صكر :ليش كاعده بره
فرح:..ردت ارتاح لان مخنوكه جوه
جنه:فررححح ادم كعد
فرح:يي اجيت
صكر:تنتجين عليه
فرح:لااكدر امشي وحدي
ردت امشي لزمني من خصري وقرب راسه يم اذني
صكر:ليش تبتعدين عني
غمضت عيوني احاول مااضعف
فرح:وخر عني
صكر:فررح لاتخبليني
فرح:صكر كتلك وخر عني مااريدك
صكر:مااتركج فهمتي
فرح:مااريدك افهمم اكرررهك مااطيقك كرهتني بحياتي صكرر
صكر:هلكد كارهتني انتي
ضليت اطك على صدره
فرح:مااريدك ابتعد عني خلص كافي اريد ارتاح روح شتريد تسوي سوي مااهتم لان تعبت اتحملت هوااي صكر وانطيتك فرص بس انته ماحاولت تخليني اثق بيك مره ثانيه
خلاني وراح ضليت كاعده ابجي بعدين مسحت دموعي ورحت جوه كعدت يمهم وجان بالي وي صكر لان طلع ضايج لايصير بي شي ....

صكر
سمعتني حجي خلتني اضوج كلش رحت لمكان هادئ ضليت اصيح واطك بلستيرن بدون وعي
صكر:لييييش ولللج ليييش هيج تسويين بيه حبيتج وربيتج وتاليته تكليلي اكرهك اننه اعلمج فررح مااطلع صكر اذا مااندمج انه شيخ كله تخاف مني تجين انتي تكليلي مااطيقك صبرتله هواي وتحملت كلشي منه... ارتاحيت شويه ورجعت خذيت اهلي للبيت
صكر:شيخه اريدج بموضوع
الشيخه:كول
صكر:باجر اريدج ترحين تخطبيلي
الشيخه:ياا يمه انته مو تزوجتها شعندك تخطبها مره ثانيه
صكر:لا مو فرح قمر
ام صكر:صكر شجاي تحجي مرتك هستوها جابت
صكر:يممه لاتخليني اروح اعقد عليها واجيبه هنا من باجر ترحن تخطبنه من امه واريد كلشي بسرعه
ام صكر:يمه استهدي بالله فكر مره ثانيه
صكر:يممه اللي عندي انه حجيته باجر ترحن لامه يله انه اترخص ......

لهنا وينتهي البارت اتمنى يعجبكم واريد تفاعل وتصويت فدوه ...