#الصدفة_و القدر
#للكاتب _ أيهم _ ابو جود
#البارت_الثالث
قال : انتي كُلي
سألت : ما كُلك ؟
قال : ارفعي أصابعك العشرة وسأحاول عدك فيها
- انت حبيبتي وقلبي وعمري وملجأي وطبيبتي وكتاباتي
اما الأربعة الباقية تركتها لتكوني زوجتي الاولى والثانية والثالثة والرابعة ♥️.
باوعت ع الشارع شفت امي طالعة من بيت ابتهال انصدمت باوعت على جلال
جلال بلع ريكة و كال : امك شسوي هنا
حسن : ما ادري بس لا تعصب انت
جلال: اخذ الكيكة و الهدية و نزل : حسن انت روح بعد مشكور
حسن رجعت للبيت اول ما وصلت امي هم وصلت نزلت من السيارة و دخلت للبيت ضليت اني انزل بالغراض و بعدين طلعت افتر بالسيارة رحت لابو نؤاس ضليت اتمشى و شفت مايا
حسن : صباح الخير
مايا باوعتلي و ابتسمت : اهلاً حسن صباح الخير
حسن: صدفة حلوة الكاج هنا حيل فرحت بشوفتج
مايا: كل ما انقهر اجي لهنا اتنفس ارتاح
حسن : يعني افهم منج انتي ضايجة
مايا: اي و اتعودت اضوج و فدوة لا تكلي شبيج
حسن هزيت راسي و ضلينا كاعد دقايق ساكتين و صافنين دك موبايل مايا ترميشة رجعت هية اتصلت كان صوت موبايلها مسموع من اتصلت طلع صوت ( عزيزي المشتركة رصيد لا يكفي لاجراء المكالمة )
طلعت موبايلي و انطيتة الها كلتلها اتصلي من موبايلي عادي
مايا: لا شكرا هاي اختي من ارجع للبيت اشوفها شتريد
حسن : ارجوج اخذي و خابري يمكن يكون شي مهم
مايا: و اذا كالو هذا الرقم منين
حسن: سهلة كليلهم مرة بالشارع و طلبت منها اخابر بموبايلها و انطتنيا هاا
مايا: ابتسمت بوجهي شكرا و اخذت الموبايل
حسن: اخذت الموبايل و كامت على جهة تخابر رجعت عيونها مدمعة و مقهورة كلتلها شكو خير ليش ضجتي
مايا : لا ماكو شي بس لازم اروح للبيت و مشكور ع الاتصال
حسن: تدللين . و راحت مايا دخلت بسرعة على سجل المكالمات الصوتية سمعت مكالمتها ويا اختها
اخت مايا : الو منو
مايا: هلو ريهام اني مايا ما عندي رصيد و طلبت من مرة موبايلها حتى اخابر عليج المهم شكو ليش اتصلتي
ريهام: فدوة دبري علاج لامي من البارحة خلص و حيل تعبانة
مايا: تدرين هاي نهاية شهر و راتبي مخلص انتظر كم يوم و استلم راتبي و احيب العلاج
ريهام جرت حسرة و كالت ماشي يلة باي
مايا: باي
حسن: عرفتهن محتاجات فلوس لعلاج امها رحت ركضت وراها لكيتها بعدها دا تمشي
حسن: ماياا
مايا: نعم حسن
حسن طلعت فلوس من عندي و انطيتها كلتلها هاي فلوس علاج امج و اتمنى ما ترديني
مايا:نزلت دمعتها و كالت لا حسن مشكور ماكو داعي
حسن: ارجوج اخذيهن و بعدين ترى هنة لامج مو الج اخذي
مايا: حسن الله يخليك لا تحرجني والله ما اريدهن
حسن: اعتبري دين و من يصير وياج وعلى كيفج رجعيلياهن بس اخذيهن
مايا بخجل اخذتهن : شكرا حسن والله بس يصير وياي فوراً ارجعهن
حسن: تدللين و ماكو داعي تستعجلين على كيفج ماشي و هسة روحي لامج يلة
مايا: ماشي باي
حسن: الله وياج
حسن ضليت اتمشى قريب أذان الظهر رجعت للبيت لكيت امي و ابوية و بلبل و اخواتي اثنينهن و ازواجهن رحت سلمت كعدت شويا و صعدت اخابر على جلال ما يرد غيرت ملابسي و نزلت شويا و دخل
جلال يرعد اول ما دخل للمطبخ اخذ سكينة و ركض للصالة
جلال بصياح : لج نديمةةةةة الكح.... ال.... ال..... ال......
حسن: بالكوة كامشة اني و اياد و هوا يرعد يريد بس يوصل يم امي و امي خانسة و واكفة ورة ابوية
جلال: لج نديمة بنت الزبال بنت الكلب والله الا اطلع بروحج واكفة ورا قندرتج رجلج تحتمين بي مووو والله لا انعل ابوج على ابوج زوجج بنت القندرة لج انتي اسقط منج ما شفت ولج بنات الليل اشرف منج من تف عليج و على اصلج
حسن: كان جلال يحجي بعياط رج البيت كلتلة بس فهمني شكوووو
جلال: لك هاي امك ........
يتبع
توقعاتك للبارت القادم
القصة تتكلم عن حسن لكن حبيت اوضح معانات جلال لان اكو ربط بين جلال و حسن
لا تنسون النجمة ⭐️
تحياتي #للكاتب _ أيهم _ ابو جود
ayham_ab12
حساب الانستا
:
