😍{ كئيب الليل ياطفلة يغيب الكل لا غبتي }للكاتبة : أديم الراشد. 📃

الجزاء الثاني💎. 2

*⩴|📖|₦:↜كئـيب اللـيل ياطـفــ👧🏻ـلة يـغـيب الـكل لاغبـتي❤️🤎.*
بنات خبر مهم  بدي اقولكم شي جنان وبيعجبكم 😋😋 بنات بنزل روايه بنت  تسوي نفسها ولد من اجل رد الدين للأشخاص الي تبنوها تابعو احداثنا اسم الروايه /كنت شهد وصرت فهد / بتنزل كل يوم بارت احتاج بس تشجعوني كملت كل الاجزاء بس احتاج رأيكم نزلت بارت بتشوفوه بصفحتي

*💎================================💎*

قربت نور ومسكت بيد عزام وابتدو يلفون ويدورون ونور مو معهم وبس خايفه وتتلفت ولا اخذت شي بحجة ان عندها ملابس جديده بالبيت
عزام بهمس : نور وش صار لك
نور: مدري خلاص مابي اجلس بس خلهم يخلصون ونطلع
عزام: وانتي
نور: انا عندي كم لبسه جديده استخدمها حرام
عزام: ماعليه خذي بعد زياده
نور: والله مابي
عزام: زين زين
سمر: نور وش رايك
عزام ابتعد عشان ياخذون راحتهم وراح مع حور اللي اخذت فستان هادي حلو يناسبها اما سمر فضحتهم كعادتها بالمول وبالقوه لما اشترت اغراضها بس ما اشترت اي شي لاااا جابت شي مجنون كعادتها
نور: سمر اكيد انجنيتي
سمر: لا بعقلي
حور: بس ي سمر
سمر: يالله خلوني براحتي اللي ابي ماعليكم
نور: بكيفك
حور: براحتك
دق جوال عزام وكانت امه: هلا يمه
ام عزام : هلا عزام ي امي كيفك
عزام : بخير يالغاليه انتي كيفك
ام عزام :الحمدلله شخبار نور
عزام: على ماتحبين
ام عزام:حور معاكم
عزام: ايه يمه هذا هي اخذت كل شي تبيه وبيرحون معي بيتي
ام عزام: لا يمه تعال اشتقنا لك ترا
عزام: وانا بعد يمه اشتقت لك بس
ام عزام: مافيها بس تعال وجيبهم معك
عزام : زين ابشري تبين شي يالغاليه
ام عزام : سلامتك يمه
سكرت ام عزام وراح عزام واشترى لها ملابس للملكه وهو يعرف قياسها مزبوط وحافظه ويدري وش تحب جاب لها كل شي ورجع وهو مبسوط انه بيفرحها طلعوا ونور بفجعتها إلى الان
والبنات يسولفون
حور: عزام سيارة مين
عزام ابتسم : سيارتي
حور: ماشاءالله على البركه تتهنى فيها متى اشتريتها
عزام : تو اليوم بتتبارك فيكم
سمر: معلوم بتتبارك فينا
عزام : انتي بالذات الله يستر منك
سمر: خير ان شاء الله
نور : يلا عزام افتح الباب
سمر:اقولك وش بها هاذي بتموت وش صاير
عزام : مافيها شي
سمر ركبت :اسمعني لا يكون مضيقها احسب حسابك وراها سمر هاااااه حط بالك
عزام: يمه خفت لا دخيلك اقول ابعدي بس انا لو اصيح عليك توفيتي ابعدي بس
سكت عزام على دق الشباك لف وهو مستغرب مين نزل الشباك:نعم
كانت حرمه بقمة قمة قمة اناقتها وتبرجها ؛ عزاام
عزام لف بهدوء: مين
نور لفت وسمر وحور والكل انشد لها
الحرمه : ممكن ما عرفتني بس معليش اكلمك شوي
عزام: ايه من انتي عشان انا اكلمك شوي
نور :مين هاذي
عزام : مدري
نزلت الحرمه : زوجته
نور بغيره وعصبيه : ايوه شتبين
الحرمه: اووه اسفه ابي اكلم عزام شوي بعد اذنك
نور : لا مافيه تكلمينه وتوكلي على الله
الحرمه لفت وطنشت نور: عزام ممكن شوي
عزام: سمعتيها اتوقع وش قالت
الحرمه ابتسمت بضحك : لو قلت لك ساره
عزام اتسعت عيونه بصدمه تغيرت حيل :ايش
نور ناظرت عزام اللي وضح عليه صدمته وولعت نار بقلبها اكيد يعرفها
حور بردة فعل : لك عين تجين
الحرمه :اوه حور كيوت
عزام بحده وصوته مليان غضب :حوووووور ابلعي لسانك
نور: ليش تبيها تبلع لسانها من الهانم هاذي
عزام : نور خلصينا
نور بصراخ: اخلصك من ايش مين هاذي وليش تغيرت اول ما سمعت اسمها
نور نست انها تكون ( زوجة عزام السابقه ام رعد ) عزام بهدوء وهو مايبي يصرخ عليها : قلت خلاص يعني خلاص وصوتك لا يرتفع ..
نور ناظرت بعزام وبنفس الهمس : متأكده انك مو بوعيك
تركها عزام ولف لساره : اسمعيني زين عندك شي بتقولينه قوليه وتوكلي على الله لاني مو ناقصني وجودك انتي بعد
ساره : ابيك على انفراد
عزام بهدوء قاتل : مين انتي عشان اتكلم معك بإنفراد
ساره بإصرار : أم رعد
عزام : ههههه ام هههههه لا تكفين كل شي قوليه الا هالكلمه
ساره فتحت الباب : معليش من جد احتاج اكلمك
نور زادت عصبت لما عرفت انها ام رعد : تستهبلين انتي اكيد وش جابك هاااااه بعد اللي سويتيه
عزام التفت بغضب وهو ماكان يدري ان نور تدري :نور قلت اسكتي
ابتعدت ساره عن الباب وهي تنتظر عزام يجي نزل عزام وراح لها وقف وهو يتكلم بهدوء مليان غضب وهو مايبي يلفت نظر الناس لهم : وش تبين جايه ليش
ساره:عزام ابي ولدي رعد وينه
عزام بقهر وهو يضرب يدينه ببعض: رعد ببح مات مات انتهى خلاص تبين ولدك روحي المقبره وان شاء الله ما تطلعين
ساره حطت يدها على فمها بصدمه: لا تكذب علي اكيد تكذب
عزام : ههه انتي انخبلتي بعد ٣ سنين جايه تدورين ولدك اللي رميتيه ولا فكرتي ورحتي تخوضين ببلاويك رعد مات لكن لو هو حي بتعلقين بالسماء ولا تطولينه سامعه والحين انقلعي من وجهي ترا باقي هه تكه تكه واتفجر وايه صح اسمعيني انا ادري ما جيتي عشان رعد لكن كل اللي ببالك ارميه ولا تحاولين تلعبين على الحبلين
تركها عزام ورجع لسياره وهي مصدومه من موت رعد وهي فعلا ما رجعت عشان رعد لا رجعت لانها عرفت انه من عايلة الجابر
تأثرت شوي لانها حملت به لكن سرعان ما تناست ورمت كل شي وراها وهي مصره ترجع عزام
اما عزام ركب وسط هدوء ونور اللي عصبيتها معبيه كل السياره وواضح انها بتقوم الدنيا
حور بهدوء: وش تبي
عزام وهو يسوق بغضب : تبي رعد
حور: بعد كل هالسنين
عزام: حور تكفين خلاص انتهى كل شي
حور سكتت وسمر مصدومه من كل ذا اما نور قامت قيامتها بقلبها وهي اصلا متنكده من اللي صار وكملتها هالحيوانه
كمل عزام طريقه وهو يدري ان نور بتقوم اليوم الدنيا ولا تجلسها
وحاس بكمية الغضب اللي فيها وساكت ولا يبي يتناقش وتكبر
٠٠٠