Lita di ko na alam ang nangyayari,
Bagong pag ibig ay di ko na mawari
Diko na kilala ang aking sarili
Ako o may bago nang nagmamay ari?
"Sa simpleng harana ika'y maging akin"
Eto na at aking muling aaminin
Mga dating pighati ay sasabihin
"Magandang dalaga ika'y mapaakin"
Puso'y naglalakbay patungong hilaga
Aking pag-ibig ay nagmumukhang mapa
Isip ko'y nagkukubling ika'y makita
Ilang oras, ikay aking makasama
Ginoong Marcelo 'wag kang mag alala
Aking harana'y dalagang napasaya
Itong gitarang nagdala ng tadhana
Ikaw at ako maging munting harana