Kabanata 5
Maaga akong nagising kinabukasan dahil na rin siguro sa maganda ang tulog ko, linggo kasi at siguradong maraming tao at tama nga ako.
Naligo muna ako at bago ako pumunta sa lomihan ay binisita ko muna si tatay sa kwarto niya.
Nakahiga lang si tatay at nakapikit, parang walang masakit kay tatay dahil sa itsura niyang 'yon. Tahimik lang siyang natutulog.
Aalis na dapat ako pero natigilan ako ng tawagin ako ni tatay, kakagising lang ba niya o kanina pa siya gising? Nag lakad ako papalapit kay tatay.
“Po?” Tanong ko. Nagulat ako ng hawakan ni 'tay ang kamay ko.
“Pasenya ka na anak,” Maluha luhang sabi ni tatay kaya naguluhan ako.
“Po? Bakit 'tay?” Naguguluhang tanong ko.
Tiningnan lang naman ako ni tatay, itatanong ko dapat kung bakit pero tinawag ako ni nanay.
"Rowella! Tumulong ka muna dito!"
Nginitian ko lang si tatay at sinabi kong tawagin na lang ang isa sa amin kapag may problema.
Lumabas na ako sa kwarto niya at pumunta na sa lomihan nandon na si nanay at ate, maayos na naman si nanay at nakakatulong na sa amin kaya lang kapansin pansin ang pagiging matamplayin niya.
Dumating rin si Renalyn para tumulong dahil sabado alam niya na maraming tao at sabi niya pa baka raw ngayon bumalik si JM.
Loh sige asa ka bhie.
“Level up ah, pumasyal na naman daw ulit kayo kahapon?” Pang aasar sa akin ni Renalyn habang nag liligpit kami.
Ngumiti naman ako.
“Hahaha, oo pinasyal niya ako sa bahay nila.” Ang laki ng bahay nila at halatang mayaman may tatlong kotse din sila tapos nalaman ko rin na may sariling negosyo ang pamilya niya. Natuwa ako ng nalaman ko 'yon dahil kahit isang beses hindi ko nakita si Cyrus na naging maarte sa kahit anong bagay.
“Naks, ngiting ngiti ah,” Natawa ako dahil sa pang aasar niya.
“Niyaya niya rin akong mag simba, alam mo bang plano ko 'yon magisa kasi hindi pa ulit tayo nag kikita non at hindi ko alam kung nasaan ka tapos kahapon nung pinasyal niya ako bigla niya akong niyaya.” Nakangiting sabi ko, hindi na mawala ang ngiti sa labi ko at parang mapupunit na ang mukha ko.
“Talaga? Naks sana all, gusto ko rin sanang mag simba yayayain dapat kita kaya lang may nag yaya na pala sa'yo kakahiya namang sumama sa inyo baka maging third wheel lang ako.” Hinampas ko siya ng mahina.
“Nu ka ba, third wheel third wheel, sumama ka sa amin mamaya.”
"Sisimba tayo, hindi lalandi." Pinandilatan ko siya.
Tapos na rin ang mga costumer kumain ng matapos kaming mag ligpit kaya bumalik muna si nanay sa bahay at kaming tatlo na lamg nila ate ang naiwan dito.
“teh, mag sisimba pala kami mamaya ni Renalyn kasama si Cyrus, gusto mo sumama?” Sabi ko kay ate, nakaupo lang kami ngayon.
“Talaga? Titingnan ko,”
“Wait sandali, kayo ba ni Cyrus?” Nanlaki ang mata ko dahil sa sinabi ni ate.
“Medyo ate,” Gatong ni Renalyn kaya inirapan ko siya.
“Hindi ah.” Pero lately napapansin ko na parang ang saya maging boyfriend ni Cyrus--omg Rowella ang harot harot.
“May mga costumer, tumayo kayo r'yan at tulungan niyo ako.” Sabi ni ate at tumayo siya.
