أخيرا كالها كال أحبك

البارت١٧

اريد اسال العشاك واهل الدواوين
العشك هم بيه عيب بعد الثلاثين ❤

بقلم زهرة أيلول

لميس لا استغني وباع برخص واني باول طريقي لو مار على زواجنه سنين كان سوه من البدايه هو كان يعاملني مثل عدوه

ثائر لا صدكي سيف اعرفه اكثر من نفسي عقله هو لي يمشي لويبقه على كلبه كان من يوم ميلادج مزوجين سيف يخاف يرتبط بيج يخاف ايذيج لهذا يرفض زواجه منج ودليل ميكدر يزوج غيرج

لميس انت من كل عقلك هذا تفكيرك سيف من يشوفني كان يريد يشرب من دمي مطيقني عبالك

ولا عبالك بنت عم

ثائر يعاند كلبه صدكيني يخاف ليستسلم لج وذكري كلامي اذا مارجع يتوسل كولي ثائر ميفهم

انتي بعدج شايفه من دنيا اني اشكال البشر عاشرت ومشيت وياهم واعرف شون يفكرون من كل عقلكم سيف يكسر كلمه عمي بعد وفاته هو عايش نفذها تردي من توفه ماينفذها بس هو هسه دينتقم لكرامته ماحاس على نفسه هو دنيتقم من نفسه

لميس اي كول وصيه المرحوم بيها مجال بس يحبني لا

ثائر اي ويحبج على محبت عمي الله يرحمه وبرمج عقله وكلبه على هيج هسه هو ماكو احد بكلبه غيرج

لميس خو كول صاير فتاح فال وتقراء الممحي

ثائر هههههههههه شعبالج بابا

لميس ضحكنه بس كلامه ضل بالي صافنه معقوله يرجع ليش رتاحيت من ثائر هيج كال معقوله صح لي يكوله

بهاي اني عرفت نفسي لازلت متعلقه بسيف من هذا اليوم هو ضل فكري يودي ويجيب احاول انسى بس كذب مااكدر بس اخلي راسي على المخده اذكر ايامه رغم مابيها شي حلو بس احن لها

اتمنى ترجع وكلشي مااريد حتى كلامهم بدون اعتراض انفذه بس لو ترجع ذيج الايام كل عمامي وعماتي رغم مويمهم بس ابد مانسوني كلهم بدون ما اطلب لكه دازيلي اشياء وغراض اني مامحتاجه حنيتهم كانت محاوطتني بكل مكان اروحه رجعنه اني وثائر للاردن وصلنه وكان هذا اليوم ابد

ما انسى محضرين لي استقبل مااعرف اوصفه عمه مها وزوجه عمو كريم وجدو هل مره همه دموعهم واني اضحك ضل جدو طول اليوم يحظن بيه ويبوس وعمه دكول

العمه عوفها لنه شويه استلمتها

الجد لا عوفوني اشبع منها يله جدي دخلي رتاحي لحد مايكمل الاكل لهيتج وانتي تعبانه

لميس دخلت ارتاح غسلت وغيرت ملابسي ومددت على سرير شويه وسمعت صوت احد اجه طلعت لكيت عمو احمد وعلي اخو سيف اكبر مني واخته اروى

وعمه أم سيف هم جاين يتحمدون لنه بسلامه هم ساكنين بنفس العماره عمو احمد ماخذ شقتين له وحده فوك ثانيه وعمو كريم بطابق الارضي وباقي عمامي هم قريبين علينه شفت بعيونهم لهف لشوفتي حسيت كنت انانيه من بعدت عنهم وتركتهم