هيّ لو تگضي بسوالف
چا گلتلك آني أريدك وانتهينـه
لچن هاي الناس ما تفهم حَچينه، وما حچينه .
بقلم الكاتبة ( فاتي المياح ) .....
-----------------------------------------------
فاطمة : لا مو هيج انتَ افتهمت غلط
_باوعلي وتقرب
علي : شفتهمت
فاطمة : ما قصدي شي بس جنت صافنة
علي : بشنو صافنة
_شلون بلة اليوم ليش يدقق احجي ويا روحي واصيح انتِ بتحطي نفسج بموقف بيخة لييييي
شوية واندكت الباب طلعت رغد فتح الباب وهي واكفة بالباب وحاطة الشال جذب وركبتها كلها طالعة ورافعة الردانات عود جانت تشتغل وتتموع وتحجي
رغد : ابو فهد الشيخ يريدك ويكول العالم بدت تجي وهو ماكو
علي : اي اشوية ونازل
_باوعتلي رغدة صفح ونزلت رجع علي وكف كدامي
علي : اي وين جنة نسولف
فاطمة : ما ادري نسيت
علي : اني اذكرج
فاطمة : ما يحتاج بس ما كلتلي شلون تدري بية ما ماكلة من البارحة وانتَ بالدوام صار 4 ايام
علي : اني كلشي ادري عنج حتى الهوى التاخذينة
_ انصدمت من كلامة بس فرحت وبقيت أسأل نفسي هو مهتم لو بس يراقبني بعدين كلت المهم اني ابالة
علي : الناس التهمني كلشي اعرف عنهم
فاطمة : اني اهمك
حجيتها واني ما منتبهة لنفسي
علي : شلون ما تهميني انتِ مرتي وانتِ أمانة لحد ما ارجعج لاهلج
كلش فرحت من كال مرتي بس صدمني من كال ارجعج يعني يريد يخلص من مسؤليتي
علي : يلا بوية محتاجة شي اني راح انزل
فاطمة : لا سلامتك
علي : الله يسلمج اكعدي اهنا وممنوع اتطلعين لحد ما تخف الهوسة والناس تروح
فاطمة : ماشي
شوية وطلع بقيت كاعدة ضوجة وملل شغلت التلفزيون مسلسل ورا مسلسل وافلام
انتبهت للساعة 6 اتكسرت من الكعدة افتريت بالغرفة شفت باب البلكونة فتحت الشباك شوية اباوع عليهم
هواي ناس جاية صبو العشى ريحة الأكل تفتح النفس اريد انزل بس أبو فهد نبهني
جاي اباوع على الناس وانتبهت ابو فهد يباوع علية وعيونة بكصتة واني بس عيوني طالعة شلون شافني ما ادري
من الخوف ركعت الشباك راد ينكسر سديتة ورجعت البردة عدل وركضت طفيت التلفزيون ومتت اقصد نمت
أنت تقرأ
فصليه ابو فهد
General Fictionرجعت من السوك واني فرحانة لان صارلي اسبوع ما شايفة حبيبي انذار بالدوام دخلت للبيت وبوجهي للغرفة من فتحت الباب انصدمت بالشفتة رغد كاعدة وملابسها مشكشكة وتبجي وابو فهد نايم بقيت مصدومة شافتني رغد واجت حضنتني رغد : الله يخليج ساعديني واستري علية اح...
