#قصر_شياطين10
#نمارق_محمد
امينة:اني منبيكش انتي ام صغار ولدي
ميرال:بتكمل كلامها بس سمعت صوت وجعلها قلبها وتمنت لو مسمعتاش تكلم
مالك:انتي طلعتي ورا خرابي
ميرال:شافتله مصدومة
امير:مقعمز في مكتبه زي العادة رن تلفونه وكان صالح رد
صالح:وينك
امير:في الشركة
صالح:تعالى اليوم فاتحة بنت عمك
امير:انشالله
مريم:اليوم فاتحتي من امين مش مصدقة منتجوز واحد عمره هكي بس هالشي صار برضاي 💔
ميرال:مالك انت فهمت غلط
مالك:حدف الكرسي...شن الغلط ؟؟
ميرال:تبكي....متتعصبش حبيبي بالله عليك 💔
مالك:بيتكلم بس ناداه صالح...بعدين نتفاهمو وحدف كل شي على الطاولة وطلع
ميرال:استريحتي توا اهو ولدك عرف كل شي وركبت لي شقتها ودموعها ينزلو
سيرين:توا بيقرو الفاتحة الف مبروك
عايدة:مبروك يا عروس
مريم:الله يبارك فيكم
امينة:طلعت قعمزت مع سلافها وجاراتها
عايدة:تعالو نطلعو نقعمزو معاهم
مريم:هي وطلعو
سارة:الف مبروك والله مناسب ليك 😂
سيرين:وحتى خطيبك مناسب ليك ولي تفكيرك بياع الممنوعات
سارة:والله
عايدة:الهي في روحك سارة احسن لك
هديل:متعدلوش علاها بنات
سيرين:ناقصنا زيت على اساس
ميرال:نزلت كانت لابسة قفطان مغربي يهبل بسيط لونه بيج وقايمة شعرها بطريقة تليق بالقفطان سلمت على الكل وقعمزت جنب سيرين
مريم:بصوت واطي...باكيه ؟؟
ميرال:مضايقة شوية 💔
مريم:واضح لي درجة المكياج مقدرش يخفيهم
حازم:مقعمز ويستنا
يزن:شن صار
حازم:مش عارف قالي توا نتصل بيك معدش اتصل
يزن:انشالله خير عطلو هلبا
مريم:قعدنا هلبا نستنو لين جو
سيرين:حسهم جو
عايدة:اي
صالح:مباش يحكي شي قاللهم نادو مريم للمربوعة وبس
عايدة:اطلعي يبيك بابا شكله عريسك جاي بيشوفك عدلي مكياجك واطلعي تمام ❤️
هديل:جابت عدة المكياج وقعدت تعدل لي مريم في مكياجها
مريم:شافت لي روحها نظرة اخيرا في المرايا وطلعت للمربوعة خشت...السلام عليكم
صالح:قعمزي بنتي
مريم:قعمزت وهي متلبكة وامين مهناش استغربت
صالح:يلي صار انه كيف منقرو الفاتحة صارت تفركيسه وصارت مشكلة بينا وبين امين وتفركس كل شي
مريم:تسمع في الكلام ومصدومة مش واجعها امين بالعكس تفكر في كلام الناس وكيف بيتشمتو اولهم سارة وارين 💔
صالح:وجوزناك لي ولد عمك صح مخديناش شورك لاكن على ما اعتقد مافيش احسن من امير ايك ولا ؟؟
مريم:نفتحو عيونها على وسعهم...امير !!!!
صالح:اي امير كل شي صار بي استعجال اسف لو مخديتش شورك بس لما تعاركنا مع امين جي قال اني احق بيها من البراني يابنتي والله كلهم طماعين مافيش خير من ولد عمك ليك شن رايك موافقة
مريم:توا راي شن مزال يهم ؟؟ خلاش انتم درتو يلي في راسكم...تقول في الكلام وهي مصدومة 💔
صالح:سامحيني يابنتي وطلع بس مقعدش حتى دقيقتين وخش امير
