Free Verse Compilation

Libre

Libre, salitang mahirap ibigkas
Sa mga taong lubos na nangangailangan
Dahil sa katagang "lahat tayo ay may pangangailangan"

Tila nawala na ang ating pagkapilipino
Noong tayo'y nagbibigayan
Kahit hindi sapat sa pang araw-araw na labanan.

Dugo't pawis man ang binuhos
Ngunit ngiti ang sasalubong
Pag alam nating tayo ay nakakatulong.

Hindi man marangya ang buhay
Pero Nagawa paring magbahagi at mamigay
Sabay aangat at lalabang may karamay

Ngunit sa panahong ito
Pera ang sumilaw sa mapamigay na asal
Pagkamatulungin ay tuluyan ng itinanggal

Gaano ba kasakit ang magbigay ng libre?
Na kahit 5 piso man lang na pambili
Ganun ka ba talaga na makasarili?

Alam natin na nasa atin ang pagbabago
Pero kung makasarili tayo,
Paano tayo lalago?

Ang punto ko ay hindi upang galitin ka
Kundi upang imulat ang ating mga mata
Na panahon na upang tumulong sa kapwa

Itapon ang pagiging sakim,
Palitan ng pagiging matulungin
Dahil ang bansang ito ay hindi para sa iisang tao

Kailangan lang ay magkaisa tayo
Magtutulungan ano mang baha o bagyo
Sama-samang iangat ang Pilipinas sa ating pagkamakatao.